موضوع هام جدا ويرجى قرأته

مدير فضفضه كول · عضو منذ : 03/10/2007

بسم الله الرحمن الرحيم
السلام عليكم ورحمه الله وبركاته

اخوانى اعضاء المنتدى الكرام
اتمنى منكم قرأه هذا الموضوع لنهايته وعدم اهماله
وذلك للاهميه القصوى
ــــــــــــــ
فى الايام الاخيره لاحظت حاجه مهمه جدا

وحبيت انى انبهكم ليها

لاحظت ازدياد واضح فى عدد اعضاء المنتدى بحمد الله تعالى

ولاحظت ايضا حرص هؤلاء الاعضاء على الدخول فى المنتدى بصفه مستمره

والتجول داخل اقسامه ومواضيعه

وذلك بدون وضع بصماتهم فى تلك المواضيع

اخوانى الاعزاء

انا هتكلم باللغه العاميه علشان اعرف اوضح الى انا عاوز اقوله

لو حد غريب دخل المنتدى بتاعنا

وشاف المواضيع وشاف ان مفيش اى تفاعل من الاعضاء مع تلك المواضيع

هيقول ايه عن المنتدى؟

اقولكم انا

هيقول ان دا منتدى فاشل وهابط

ومش كويس

علشان كده الاعضاء بتدخل ومش بتشارك

طب لو عضو مثلا جديد احب انه ينضم لاسرتنا

وعمل موضوع

ولقى ان مفيش ردود على الموضوع دا

ياترى لو انتو مكانوا هتعملوا ايه

اكيد هيقول المنتدى دا مش تمام وميستحقش المشاركه فيه

وهيسيبه.

يبقى كده احنا يا جماعه بنكره الناس فى المنتدى

احنا عاوزين المنتدى يكبر ويكبر وبكده احنا بندمره

انا عاوز اسأل سؤال للعضو الى بيكتفى بالقرأه

ليه انت مش بتكتب وترد وتثبت وجودك فى المنتدى؟؟؟

انا متأكد ان كل عضو بيقرأ موضوع معين بيبقى عنده تعليق عن الموضوع

ومع ذلك بيخرج منه من غير ما يسيب تعليقه

يمكن تعليقه يكون صح ويمكن يكون غلط

لو صح هيفيدنا كلنا ولو غلط هيفيد نفسه ويعرف الصح.

كتير اوى بدخل مواضيع والاقى عدد مشاهدات المواضيع يتعدى الخمسين مشاهده

ورغم ذلك بلاقى مفيش غير رد واحد على الموضوع او اتنين.

انا طلبى ليكم مش كبير ولا صعب

الى يدخل موضوع ويقرأه يسيب تعليق عليه

مش هيخسر حاجه والله

بالعكس

دا هيشجع كاتب الموضوع انه يكتب مواضيع تانيه

ويزود نشاطه.

وبالتالى هنلاقى المنتدى اصبح افضل مما كان

واعضائنا بتزيد

ومشاركتنا بتزيد

انا لما عملت المنتدى دا كان نفسى الاقى اسره حواليا

لما اعوز اتكلم فى موضوع او فى حاجه شغلانى اكتبها هنا واتكلم معاهم

وكان نفسى اتعرف على اصدقاء وناس جديده

والحمد لله دا حصل

واتعرفت على ناس اقل ما يقال عنهم انى زدت شرف بمعرفتهم

وسعيد جدا بيهم

والمنتدى الحمد لله بقى كويس وفى تقدم دائم واكيد انتم ملاحظين المجهود المبذول فى المنتدى

وكمان يشرف عليه طاقم اداره رائع جدا.

بس رغم كده منتدانا لسه فى بدايته

ولو فضلنا على كده كل عضو يدخل موضوع يقرأه ويخرج منه

بدون تركت بصمته فى الموضوع.

والله المنتدى هيفشل ويضيع

واتمنى ان دا ميحصلش

يا جماعه انتم سجلتم معانا علشان المنتدى عجبكم

وبأرادتكم الحره

ياريت يكون فى عندكم انتماء للمنتدى

ووفاء له

اقل ما يجب عليكم انكم لما تزوروا موضوع تسيبوا رد شكر لصاحبه

دا اقل القليل

التفاعل مع الموضوع حاجه تانيه

اننا نتناقش فى الموضوع

ونرى وجهات النظر

وياريت نشوف مواضيعكم انتم كمان

شاركوا معانا واتكلموا معانا وكونوا مننا

وبكده نضمن لمنتدانا النجاح والاستمرار والتألق

والفائده هتكون لينا كلنا

من الجميل جدا ان الواحد يكون له نافذه صغيره زى المنتدى دا

يطلع بيها على ثغرات العالم

كل واحد مننا عارف بموضوع معين وجاهل بموضوع اخر

لو شاركنا بعض

كلنا هنستفيد

ولو كل واحد عنده مشكله او موضوع للنقاش وكتبها فى المنتدى

وباقى الاعضاء شاركوه فى النقاش او حل المشكله

صدقونى كلنا هنرتاح

انا عن نفسى بعتبر ان المنتدى دا بيتى التانى

دا ان مكنش الاولانى

ومعظم وقتى بقضيه عليه

انا مش بقولكم تبقوا زيى

بس عاوزكم تكونوا اعضاء فعالين فى اسرتنا

اتمنى ذلك

وانا قولت قبل كده ان باب الشكاوى والاقتراحات مفتوح فى المنتدى

ياريت لو اى حد زعلان من حاجه فى المنتدى

او فى حاجه متضايق منها او شكوى ياريت يبلغنى بيها فى قسم الشكاوى

او لو عندكم اقتراح او طلب فالقسم مفتوح

وانا فى انتظار طلباتكم

انا عارف انى طولت بس الكلام دا كان فى قلبى وكنت لازم اقوله

ياريت كل الاعضاء يقرؤا الموضوع دا

اخوكم
حسام

bosa

ودمتم بخير
CaPO

{.... ÊﬁÌ⁄ ابن الاسلام ....}

عضو منذ : 12/04/2008

شكراً ليك يا حسااام على التنويه الجميل

وإن شاء الله نشوف تفاعل أكتر فى المنتدى

شكراً ليك مرة تانيه

{.... ÊﬁÌ⁄ سعيد النجار ....}

عضو منذ : 04/01/2008

شكرا ليك ياحساااااااااااااام وطبعا ده كان على لسانى وفى ناس بتدخل كتير على المواضيع ومابنشوفش ردود وطبعا انت ادرى واحد بكده وهم مين
يفضلوا بالساعات فى المنتدى وخلاص يشوفوا تعبنا وخلاص على الفاضى

{.... ÊﬁÌ⁄ ك احمد زينهم ....}

مدير فضفضه كول · عضو منذ : 03/10/2007

شكرا يا سعيد ويا كابتن احمد
واتمنى ان بعد الموضوع دا الاقى رد فعل كويس من الاعضاء
يااااااااااااااااااااااااارب

{.... ÊﬁÌ⁄ ابن الاسلام ....}

عضو منذ : 26/10/2007

انشاء الله هتلاقى رد فعل
لان ربنا مش بيضيع تعب حد ياحسام
يمكن مفيش حد هيقدر حجم التعب اللى انت تعبته فى المنتدى ده
يمكن احنا بس اللى نعرف انا ودبور وكابتن احمد لان احنا اللى معاك علطول
والله ياجماعه ساعات حسام مابينمش فى اليوم الا ساعه او ساعتين
دايما بيبقى قاعد على المنتدى بيطور ويصلح فيه
ويختار استايلات وييحط مواضيع كل ده ليه ؟
ياترى هو ليه مصلحه فى كده؟
طبعا مصلحته الوحيده اللى هو بيدور عليه
انه يبقى ليه اسرى تانيه واصدقاء جدد يتكلم معاهم ويتعرف عليهم ولما حد يحتاج حاجه من التنى يلاقيه
وانا بجد بتضايق قوى من المواضيع اللى فيها نسبه مشاهده كبيره وملقيش فيها غير رد او اتنين
وانا اناشد كل عضو يدخل على اى موضوع
ياريت تسيب بصمتك ومتحسسناش ان تعبنا ده على مفيش
رد علينا لو كنا غلط او فى معلومه مش مظبوطه ناقشنا فيها
وياريت ما تبخلش بالرد علينا
انا اسف انى طولت عليكم لان بجد الموضوع يستاهل الكلام فيه
شكرا ليك ياحسام على التنويه

{.... ÊﬁÌ⁄ tayson ....}

مدير فضفضه كول · عضو منذ : 03/10/2007

الف شكر على كلمك يا تايسون
والله انت الى حاسس بالى انا بعمله
ولو كل واحد شاركنا بمجهود صغير هنبقى احسن منتدى ان شاء الله
شكرا للرد
elephant

{.... ÊﬁÌ⁄ ابن الاسلام ....}

عضو منذ : 23/05/2008

بجد ياكابتن حسام
كلام يمكن كان على لسان كتير منننا
انت عارف انا بدعو كتير من زمايلى انه يشترك معنا فى المنتدى وبحاول اوصلهم دايما حته المشاركه وانهم يكون ليهم راى على اى موضوع يدخلوة
بالتوفيق والى الامام كمان وكمان

{.... ÊﬁÌ⁄ نغم القلوب ....}

مدير فضفضه كول · عضو منذ : 03/10/2007

شكرا يا نغم لردك ومرورك
والفائده فى انضمام اعضاء جديده لينا هتعود علينا كلنا
وطبعا العضو الى بيدخل ويحط رأى وردود على الموضوع
بيبين انه انسان ذو شخصيه وذو رأى
اتمنى كلامنا ميكونش بلا فائده

{.... ÊﬁÌ⁄ ابن الاسلام ....}

عضو منذ : 05/01/2009

مشكور جدا يا حسام علي التنويه الجميل ده
وبجد المنتدي ده من افضل المنتديات اللي دخلتها
انا عمري ما ساهمت في اي منتدي
لكن المنتدي ده بجماله وفوايده القيمة اجبرني اني اكون عضو فعال مع الاعضاء تقريبا
كنت بكتفي بقراءة الموضوع
لكن بجد المنتدي ده هوا اللي غيرني
واشكرك مرة اخري

{.... ÊﬁÌ⁄ okila ....}

عضو منذ : 14/09/2008

جميل اوي الكلام ده يا حسام
وبجد والله انا مبسوط جد
لان الله انا كنت ناوي اكلمك في الموضوع ده
لان بلاقي عدد القراء للمواضيع كتير
وللاسف الردودد بتاع قليله جد
فبجد كويس جدا ان انت اتكلمت في حاجه زي دي
لان بجد انا شايف ان المنتدي بئه في تطور جامد

وشكرا

elavokato

{.... ÊﬁÌ⁄ elavokato ....}

عضو منذ : 04/09/2008

شكرا يا حسام ع التوضيح وانا موضح الكلام ده في الموضوع التالي
من هنا

{.... ÊﬁÌ⁄ kinglove ....}

عضو منذ : 05/12/2008

شكرا يا حسام ووالله عندك حق فى الى بتقوله

وياريت الكل يقرا الموضوع ده

{.... ÊﬁÌ⁄ حنين ....}

عضو منذ : 21/06/2008

شكراا يا حسام على الموضوع
وانت اكيد عارف ان انا اشتكتلك من دة

{.... ÊﬁÌ⁄ mego ....}

عضو منذ : 13/09/2008

الف شكر يا حسام على التنويه الجميل ده
وبجد انا نفسى المنتدى ده يبقى احسن منتدى بين
المنتديات كلها وبجد لو كل عضو نفذ اللى انت بتقوله
اكيد المنتدى بتاعنا هيكون افضل واحسن منتدى
وشكرا يا حسام مره تانيه

{.... ÊﬁÌ⁄ ملاك فى زمن الهلاك ....}

عضو منذ : 14/10/2007

عزيزى الفاضل المشرف العام للمنتدى الرائع فضفضة...اعزائى الاعضاء الافاضل ... اعزائى الزوار المحترمين ... اقدم اليكم اولا شكرى وتقديرى واحترامى لقبولى عضوا فى اسرتكم بالمنتدى ... ثانيا : كلامك يا كابتن حسام واقسم لك بحق من رفع السموات بغير عمد قد اثر فى جدا وهذا ان دل على شىء فانما يدل على انك انسان مكافح ومخلص لهذا المنتدى... عندك حق فى كل كلمة انت قلتها . فعلا لو كل عضو فى المنتدى اهتم شويه سيكون المنتدى افضل وافضل وان شاء الله سيكون ضمن المنتديات المشهورة..وعن نفسى اتمنى من الله عز وجل ان ياخذ بايديكم الى مافيه مصلحة للمنتدى ولاعضاء المنتدى ولزوار المنتدى الجليل ... مع تمنياتى لكم جميعا بالتقدم والازدهار. والى الامام دائما.. اشكركم جميعا على اعطائى تلك الفرصة لاشارككم فى رايكم ... ولكم تحياتى جميعا..سبحانك اللهم بحمدك.. استغفرك واتوب اليك ....

الكود:

{.... ÊﬁÌ⁄ حسن توفيق ....}

عضو منذ : 13/12/2009

عنــدكـ حق يا حس ف كل كلمه قولتها
و ان شاء الله كل شئ يبقى تمــــآام خليها ع الله
و بعدين ع النـــآس المحترمه الى هنـــآا دى
و الى ف ايده حاجة يعملها اكيد موش هينفض

{.... ÊﬁÌ⁄ A7meD zEwAiN ....}

عضو منذ : 13/09/2009

جميل جدا يا استاذ حسام ربنايوفق حضرتك

انا بقالى فترهمش بدخل لانى بدرس وكليتى بعديه بسافرلها وكمان الامتحانات خلاص ع الابواب دعوات حضرتك

تعرف حضرتك انا سجلت فى منتدى قبل كدا ..دخلت عرفت نفسى لقيت اغلب المشرفين رحبوا بيا وحببونى فى المنتدى اكتر واكتر شدونى ليه علمونى ازاى يكون ليا راى لشخصى انا مش وخداه من حد

الاداره هى اللى بتشغل المنتدى هو صحيح هى عليها الاشراف وبس لكن صدقنى هى اللى بتعمل تفاعل للاعضاء مع بعضهم

نفس الحكايه بتحصل فى منتداى ناس بتسجل ومش بتحط مساهمات
بس مش مشكله اكيد هم مش فاضين او مسيرهم هيرجعوا زى ما انا رجعت معاكو تانى اهو ..بس يارب انتو تكونوا فاكرينى .

ربنا يوفقكو يارب واتمنى المنتدى يكبر ويكبر ويكبر ويكبر ويفيد للخير

بعون الله

{.... ÊﬁÌ⁄ أنا المهاجره ....}

مدير فضفضه كول · عضو منذ : 03/10/2007

okila كتب:: مشكور جدا يا حسام علي التنويه الجميل ده
وبجد المنتدي ده من افضل المنتديات اللي دخلتها
انا عمري ما ساهمت في اي منتدي
لكن المنتدي ده بجماله وفوايده القيمة اجبرني اني اكون عضو فعال مع الاعضاء تقريبا
كنت بكتفي بقراءة الموضوع
لكن بجد المنتدي ده هوا اللي غيرني
واشكرك مرة اخري

شكرا ليك على كلامك الجميل
واتمنى فعلا ان الموضوع يكون غيرك
للاحسن Wink

elavokato كتب:: جميل اوي الكلام ده يا حسام
وبجد والله انا مبسوط جد
لان الله انا كنت ناوي اكلمك في الموضوع ده
لان بلاقي عدد القراء للمواضيع كتير
وللاسف الردودد بتاع قليله جد
فبجد كويس جدا ان انت اتكلمت في حاجه زي دي
لان بجد انا شايف ان المنتدي بئه في تطور جامد
وشكرا
elavokato

شكرا ليك يا احمد على ردك وكلامك
المنتدى بيتطور بأعضاءه
بس احنا بقى اتكتب علينا نكون فى الوضع ده ومش مشكله انا راضى بيه طالما فى اعضاء كويسين ومحترمين وبيحبوا المنتدى كده
شكرا ليك يا احمد

kinglove كتب:: شكرا يا حسام ع التوضيح وانا موضح الكلام ده في الموضوع التالي
من هنا

شكرا ليك يا كينج
ادينا بنوضح مره واتنين وتلاته ويارب يجيب نتيجه

حنين كتب:: شكرا يا حسام ووالله عندك حق فى الى بتقوله

وياريت الكل يقرا الموضوع ده

شكرا ليكى يا حنين نورتى الموضوع

mego كتب:: شكراا يا حسام على الموضوع
وانت اكيد عارف ان انا اشتكتلك من دة

شكرا ليك يا ميجوا بس الموضوع مش بأدينا
المنتدى مفتوح للكل والكل حر فى الى بيعمله

{.... ÊﬁÌ⁄ ابن الاسلام ....}

مدير فضفضه كول · عضو منذ : 03/10/2007

ملاك فى زمن الهلاك كتب:: الف شكر يا حسام على التنويه الجميل ده
وبجد انا نفسى المنتدى ده يبقى احسن منتدى بين
المنتديات كلها وبجد لو كل عضو نفذ اللى انت بتقوله
اكيد المنتدى بتاعنا هيكون افضل واحسن منتدى
وشكرا يا حسام مره تانيه

تسلمى يا ملاك على كلامك الجميل
وان شاء الله الاعضاء الى بيحبوا المنتدى وعاوزينه يبقى كويس هيعملوا كده والحمدلله منتدانا احسن منتدى بأعضاءه وبالناس الى فيه
شكرا ليكى انت يا ملاك موضوع هام جدا ويرجى قرأته 648554

حسن توفيق كتب:

عزيزى الفاضل المشرف العام للمنتدى الرائع فضفضة...اعزائى الاعضاء الافاضل ... اعزائى الزوار المحترمين ... اقدم اليكم اولا شكرى وتقديرى واحترامى لقبولى عضوا فى اسرتكم بالمنتدى ... ثانيا : كلامك يا كابتن حسام واقسم لك بحق من رفع السموات بغير عمد قد اثر فى جدا وهذا ان دل على شىء فانما يدل على انك انسان مكافح ومخلص لهذا المنتدى... عندك حق فى كل كلمة انت قلتها . فعلا لو كل عضو فى المنتدى اهتم شويه سيكون المنتدى افضل وافضل وان شاء الله سيكون ضمن المنتديات المشهورة..وعن نفسى اتمنى من الله عز وجل ان ياخذ بايديكم الى مافيه مصلحة للمنتدى ولاعضاء المنتدى ولزوار المنتدى الجليل ... مع تمنياتى لكم جميعا بالتقدم والازدهار. والى الامام دائما.. اشكركم جميعا على اعطائى تلك الفرصة لاشارككم فى رايكم ... ولكم تحياتى جميعا..سبحانك اللهم بحمدك.. استغفرك واتوب اليك ....

الكود:

عمى العزيز حسن انت منورنا جدا بوجودك معانا وانا سعيد جدا بمشاركتك
شكرا ليك على كلامك الجميل وطبعا المنتدى طالما فيه ناس زى حضرتك يبقى افضل المنتديات على الاطلاق
ومتحرمناش من مشاركتك وارائك دائما معانا موضوع هام جدا ويرجى قرأته 854291

Le Roi كتب:: عنــدكـ حق يا حس ف كل كلمه قولتها
و ان شاء الله كل شئ يبقى تمــــآام خليها ع الله
و بعدين ع النـــآس المحترمه الى هنـــآا دى
و الى ف ايده حاجة يعملها اكيد موش هينفض

شكرا ليك يا احمد وان شاء الله بأدينا كلنا هيبقى تمام
تسلم يا جميل على ردك موضوع هام جدا ويرجى قرأته 854291

فارسه الاسلام كتب:: جميل جدا يا استاذ حسام ربنايوفق حضرتك
انا بقالى فتره مش بدخل لانى بدرس وكليتى بعديه بسافرلها وكمان الامتحانات خلاص ع الابواب دعوات حضرتك
تعرف حضرتك انا سجلت فى منتدى قبل كدا ..دخلت عرفت نفسى لقيت اغلب المشرفين رحبوا بيا وحببونى فى المنتدى اكتر واكتر شدونى ليه علمونى ازاى يكون ليا راى لشخصى انا مش وخداه من حد
الاداره هى اللى بتشغل المنتدى هو صحيح هى عليها الاشراف وبس لكن صدقنى هى اللى بتعمل تفاعل للاعضاء مع بعضهم
نفس الحكايه بتحصل فى منتداى ناس بتسجل ومش بتحط مساهمات
بس مش مشكله اكيد هم مش فاضين او مسيرهم هيرجعوا زى ما انا رجعت معاكو تانى اهو ..بس يارب انتو تكونوا فاكرينى .
ربنا يوفقكو يارب واتمنى المنتدى يكبر ويكبر ويكبر ويكبر ويفيد للخير بعون الله

شكرا ليكى يا فارسه الاسلام على ردك وكلامك
ربنا يوفقك ان شاء الله فى دراستك وفى منتداكى الشخصى وفى حياتك
على فكره منتداكى جميل ماشاء الله ربنا يباركلك فيه
الداره مش بيكون عليها الحمل لوحده
انا لو لوحدى عمرى ماكنت قدرت اعمل حاجه ممن غير الناس الى ساعدونى وبنوا معايا اساس المنتدى
كل عضو بيسيب بصمه فى المنتدى بتكبر وبتزيد بمشاركاته وبيبنى بيها المنتدى
عموما الفتره دى فتره ركود فى كل المنتديات لان الجميع مشغول بالامتحانات وانا شخصيا مشغول بأمتحاناتى والكل كده
وان شاء الله بعد كده يرجع النشاط
بشكرك على ردك وبرحب بيكى مره تانيه معانا وطبعا بكل تأكيد فاكرينك موضوع هام جدا ويرجى قرأته 677346

{.... ÊﬁÌ⁄ ابن الاسلام ....}

مشرف فضفضه كول · عضو منذ : 05/11/2010

فعلا عندك حق يا حسام
والله انا بقالى اربعه ايام ما دخلت
علشان كان عندنا ظروف
ويارب يعديها على خير

بس المنتدى والله شيق جدا

{.... ÊﬁÌ⁄ نور احمد ....}

مدير فضفضه كول · عضو منذ : 03/10/2007

ان شاء الله كل حاجه تعدى على خير
ربنا معاكى يا نور وييسرلك امورك
شكرا ليكى على ردك

{.... ÊﬁÌ⁄ ابن الاسلام ....}

عضو منذ : 13/02/2011

جميل جدااااا يسلمووووو اخى موضوع هام جدا ويرجى قرأته 80317

{.... ÊﬁÌ⁄ nona ....}

عضو منذ : 06/12/2010

شكراً كتير أخي
حسام على التذكير

وربنا يجزيك

الخير على المنتدى

{.... ÊﬁÌ⁄ بتول ....}

عضو منذ : 27/11/2010

شكرا على موضوعك صديقى العزيز ^^

وهذا بالفعل ما لاحظتة من دخولى للمنتدى .............

المواضيع قيمة بمحتواها وليست مواضيع بدون اهمية

فعلا كلامى عن جد ولا اجامل , المنتدى به مواضيع قيمة فعلا , ونسبة المشاهدة اجدها كبيرة

ولكن مع احترامى للجميع نسبة الردود لا تتناسب مع نسبة المشاهدة بشتى الطرق ؟

فعلا حسام نحن هنا او اقصد فريق المنتدى هنا عليه ان يهتم بالمواضيع اكثر من ان زوار المواضيع بشكل او بأخر

اقتراحى يا احبائى الكرام , ان تتجمعوا يا فريق المنتدى القدير والمتميز , وتقومو بجولة فى المنتدى وكل موضوع لا نشاط به او تفاعل , يتقدم الجميع بالدخول ولو وضع كل عضو فى الفريق رده داخل الموضوع بكلمة شكر او تعليق قابل للنقاش , سيكون الموضوع نشبطاً بشكل كافى يحفذ صاحبه بأن يضع موضوع اخر واخر اواخر

لانه وجد الاهتمام الاول من فريق المنتدى والاعضاء التى ستتفاعل مع رد اعضاء الفريق !

هذا سيساعد إن شاء الله يا رفاق فى تنشيط المنتدى اكثر فأكثر

وسيكون الافضل بفريقة واعضائيه وادارته المميزة , ويكفينى شرفاً انى داخل منتدى اعز اصدقائى

اتمنى الا يأخذ احداً كلامى على بشكل او بأخر غير جيد , ولكنى فقط اضع اقتراحى وللجميع حق تقبل الرأى ............او عدم تقبله

واتمنى ان يصبح المنتدى افضل بإعضائه وفريقه المميز .......... موضوع هام جدا ويرجى قرأته 648554

حظ موفق للجميع موضوع هام جدا ويرجى قرأته 490326

{.... ÊﬁÌ⁄ يوجى ....}

مدير فضفضه كول · عضو منذ : 03/10/2007

شكرا ليكم على الرد نونا وبتول ويوجى حبيب قلبى منورنى موضوع هام جدا ويرجى قرأته 854291

عندك حق طبعا فى كلامك لو فريق المنتدى نشيط هيشجع الاعضاء على النشاط
ادينا كل واحد فينا بيعمل الى بيقدر عليه لان الموضوع مش اجبارى والمنتدى مجرد منتدى ترفيهى بسيط مش بنجبر حد على اداء عمل معين او حاجه معينه والى بيساعد بيساعد بأرادته
تسلم يوجى على التعليق والنصيحه واحنا يا غالى كفانا شرفا وجودك معانا موضوع هام جدا ويرجى قرأته 648554

{.... ÊﬁÌ⁄ ابن الاسلام ....}