مصر مش عجباك؟

اداريه فضفضه كول · عضو منذ : 01/07/2008

كتير من المصريين والشباب خصوصا
دايما تسمعهم يقولوا انا زهقت من البلد دى عايز اهاجر ومرجعش تانى
وممكن انت تكون واحد منهم
طيب عايز تروح فين ؟
عايز تسيبها ليه؟
مفكرتش ليه الدنيا كلها بتيجى مصر وانت اللى عايز تسيبها ؟
اقولك انا بتقول:مش لاقى شغل اقولك :دورت على شغل وملقتش .ولا دورت وملقتش الشغل اللى يناسبك
تقولى : حال البلد ميسرش عدو ولا حبيب وانا زهقت وعايز ارتاح
اقولك:هو لو فى بيتك فى مشاكل هتسيبه وتهاجر وتسيب اهلك . ولا احنا اللى اتعودنا نكون سلبيين وبنتهرب من مشاكلنا دايما
واكيد لو قابلتك مشاكل فى البلد اللى انت سافرتلها هتسيبها وتروح لغيرها
وهكذا
المشكله ان كلمه الهجره بقت نغمه على لسان الشباب وهو مش عارف معناها
اذا كان الشاب مشتغلش فى بلده هيشتغل برا ازاى
دا غير المعاناه اللى المصريين بيلاقوها برا مصر
ودا طبعا موضوع مش محتاج كلام
والناس اللى شغاله برا مصر تتكلم
ومش بعيد ابو الهول ييجى كمان يومين يقول انا عايز اهاجر واسيب البلد دى واروح فرنسا
اصل انا زهقت من القعده ومفيش شغل!!!!!

{.... ÊﬁÌ⁄ شجن ....}

عضو منذ : 04/09/2008

فعلا والله يا شجن عندك حق
معظم الشباب عايزين يسافروا ويسبيوا مصر
مصر دى ام الدنيا
حد يطول يعيش فى مصر
موضوع جميل اوىىى يا شجن والله
تسلم ايدك يا جميل

{.... ÊﬁÌ⁄ السندريلا ايه ....}

مدير فضفضه كول · عضو منذ : 03/10/2007

بصى يا شجن
احنا زهقنا من الشعارات دى
مصر هى امى
ومصر امى الدنيا
والوطنيه الكلام الى ملوش لزمه دا
تقدرى تقوليلى العمله المصريه ترتيبها كام وسط باقى العملات فى الدول الخارجيه؟
اراهنك ان عرفتيلها ترتيب اساسا
دا الجنيه السودانى بقى اعلى من الجنيه المصرى
لو حضرتى انتى ايام زمان كنتى عرفتى يعنى ايه جنيه سودانى
تقدرى تقوليلى الموظف المصرى الى عنده بيت واسره وعيال وهموم بيقبض كام؟
الموظف الى قبضه متوسط دلوقتى بيقبض بالكتير 300 جنيه
لو كل بيهم عيش حاف هو واسرته بس طول الشهر من غير نور ولا سكن ولا مين مش هيكفوه
فين وظائف العمل الى بتقولى دور عليها
طيب يعنى ينفع واحد زيى طالب فى كليه واروح اشتغل فى ورشه
او واحد حاصل على بكارليوس ويروح يشتغل شغلانه مهينه
طب حتى لو لقى الشغلانه دى وراح
هيقبض كام
دلوقتى بيشتغل 12 ساعه بيطلع فيها عينه وبياخد 450 جنيه
يكون نفسه ازاى بقى علشان لو عاوز يتجوز او يصرف على بيته
دول يادوب مصاريف شخصيه
عرفتى بقى يا شجن ليه الكل عاوز يسافر
علشان لو قعدم هنا اكتر من كده هنولع فى بعض
وبلاش شعارات وكلام على الفاضى ومصر ومش مصر
لو تعرفى حال الشباب دلوقتى هتقدرى ظروفهم
silent

{.... ÊﬁÌ⁄ ابن الاسلام ....}

عضو منذ : 26/04/2008

انا معاك يا حسام بصى يا شجن
احنا زهقنا من الشعارات دى
مصر هى امى
ومصر امى الدنيا
والوطنيه الكلام الى ملوش لزمه دا
تقدرى تقوليلى العمله المصريه ترتيبها كام وسط باقى العملات فى الدول الخارجيه؟
اراهنك ان عرفتيلها ترتيب اساسا
دا الجنيه السودانى بقى اعلى من الجنيه المصرى
لو حضرتى انتى ايام زمان كنتى عرفتى يعنى ايه جنيه سودانى
تقدرى تقوليلى الموظف المصرى الى عنده بيت واسره وعيال وهموم بيقبض كام؟
الموظف الى قبضه متوسط دلوقتى بيقبض بالكتير 300 جنيه
لو كل بيهم عيش حاف هو واسرته بس طول الشهر من غير نور ولا سكن ولا مين مش هيكفوه
فين وظائف العمل الى بتقولى دور عليها
طيب يعنى ينفع واحد زيى طالب فى كليه واروح اشتغل فى ورشه
او واحد حاصل على بكارليوس ويروح يشتغل شغلانه مهينه
طب حتى لو لقى الشغلانه دى وراح
هيقبض كام
دلوقتى بيشتغل 12 ساعه بيطلع فيها عينه وبياخد 450 جنيه
يكون نفسه ازاى بقى علشان لو عاوز يتجوز او يصرف على بيته
دول يادوب مصاريف شخصيه
عرفتى بقى يا شجن ليه الكل عاوز يسافر
علشان لو قعدم هنا اكتر من كده هنولع فى بعض
وبلاش شعارات وكلام على الفاضى ومصر ومش مصر
لو تعرفى حال الشباب دلوقتى هتقدرى ظروفهم

وانا اقول واحد زهقت من البلد دة
فيش حاجة جديدة
وانا اول واحد تقدمت فى طلب الهجرة خارج مصر

{.... ÊﬁÌ⁄ امير مجهول ....}

عضو منذ : 04/01/2008

هههههههههههههههههههههههههههههههههههههههههههه
مصر مصر مصر تروحى يامصر
مصر مصر مصر وتخفى يامصر
مصر مصر مصر فى داهيه يامصر

هههههههههههههههههههههههههههههههههههههه
فعلا سعادة الباشا أبو الهول أكيد هيهج مش هيهاجر بس
يابنتى ياشجن ههههههههه سورى خلاصإحنا مش فى زمن الشعارات والروائح الزائفه
إنتهت مصر بكل مافيها بظلم الحكام وضعف المحكومين

وبعدين ليه مانهاجرش طالما إن أفضل الاعمال مش عامله حاجه ولا نافعه تفتح بيت ولا حتى تصرف على خطيبه يادوب على نفسنا 500 الى 600 جنيه شهريا مش مع موظف ومش عامله حاجه أمال الموظف اللى معيش بيت كامل يعمل ايه ياترى
والدى كل يوم يقولى انا كنت بصرف على تلات اولاد كلهم بيتعلموا فى ثانوى من 400 الى 500 جنيه
وانت بأكتر منى أوزيى ياااااااااااااااااااااااااادوب لوحدك من غير مساهمة فى البيت بل اجد مطعمى ومشربى متوفر فى البيت

قوليلى بقى يابنتى ياشجن ياللى لسه مش حسيتى بالوهم الموجود واللى كل الشباب عايش فيه من هموم واحزان
ومش كده وبس كان بينزل كل سنه مسابقة تدريس فى شهر 9 كل الشباب بيستنوها كل عام تيجى الدوله بسعادتها تلغيها السنه دى طيب سعادة الباشا اللى مستنيها علشان مايسافرش ويفكر فى وجوده هنا يعمل ايه يستنى هنا فى حطااااااااااااااااااااااااااااااااااااام دولة
ولا يستنى تحطيمه فى دولة
من الاخر محدش ممكن يعمل نفسه فى الزمن ده غير من حاجتين
1_يايبيع شهادته ويشتغل بأى حاجه ويبيع مظهره المتناسق وشكله الجامعى .
2_يايسافر ويعمل نفسه خارج الدولة المتحطمه ثم يرجع يبنى بها ويحاول رفع ولو قطعة من حطام أهله .

{.... ÊﬁÌ⁄ ك احمد زينهم ....}

عضو منذ : 04/09/2008

ايه يا جماعه اللى انتوا بتقولوه ده
العيب مش فى مصر
العيب فينا احنا
احنا اللى مش عارفين نديرها ونشغلها ونعرف نستفيد منها
احنا اللى بنتهرب منها وبنهاجر وبنسبها
ده حتى ربنا زكرها فى القران
وكلنا عارفين ان مصر فيها خيرات تكفينا نقدر نعيش مرتاحين
بس الحكومه الفاسده هى اللى سرقه الدوله ونهباها
مش المفروض اننا نتخلى عنها وهى محتجانا علشان نبنيها من تانى
ونرجع لها مكانتها وسط العالم تانى
شكرااا تانى مره يا شجن على الموضوع
بجد عجبنى اوىىىىىى

{.... ÊﬁÌ⁄ السندريلا ايه ....}

عضو منذ : 13/06/2008

اولا ياشجن الموضوع جميل تسلم ايدك
ثانيا هو والله ياسندريلا ما يحسش بظلمها وفقرها اوى غير الشباب لانهم هما اللى بيعولواواللى المفروض ف ايديهم زمام الامور وبالتالى مش عارفين يتصرفوا لكن احنا متهنين يبقى لازم نحبها عشان مش اذيانا اوى
ثالثا بقى ياسندريلا برده مايديرش البلد دى ويشغلها غير الللى معاه راس مال وهما معدودين ف البلد دى وباقى الشعب عبيد عندهم وبجد ربنا ف عون الشباب
رابعا والاخيره ياااااااارب مانتحبس ويعدى الموضوع ده على خييييييييييير

{.... ÊﬁÌ⁄ yoyo ....}

مدير فضفضه كول · عضو منذ : 03/10/2007

YoyO كتب:: رابعا والاخيره ياااااااارب مانتحبس ويعدى الموضوع ده على خييييييييييير

تتحبسى وانتى معايا؟
اكيد بتهزرى
انتى نسيتى حسام يبقى مين ولا ايه..
hgxc

{.... ÊﬁÌ⁄ ابن الاسلام ....}

اداريه فضفضه كول · عضو منذ : 01/07/2008

يااااااااااااااه ده انتوا ياشباب شكلكم شايلين كتير اوى من مصر
بصوا انا من رايى انكم كده كده هتصرفوا فلوس كتيييييييييييييييييييييير جدا عشان تعرفوا تسافروا
بدل ماتصرفوا الفلوس دى على السفر حاولوا مثلا تعملوا بيها مشروع
طبعا هتقولوا ان انتى بتقولى كده
عشان اللى ايه فى الميه مش زى اللى ايده فى النار
بس انا بجد لو عرضوا عليا فلوس الدنيا كلها
مش ممكن اسيب بلدى واتغرب بره اتهبدل
وكفاية كمان البهدلة اللى الشباب بيشوفوها بره بلدهم
وبعدين ياحسام انا ليا اعتراض على انك بتقول انك مثلا
بتكون حاصل على بكالوريوس وتروح تشتغل شغلانة مهينة او مثلا مش مناسبة
اراهنك انك لو سالت اى حد سافر بره واساله كده
انت اشتغلت ايه وكنت حاصل على مؤهل ايه
هتلاقيه بشتغل شغلانة مالهاش علاقة تماما بكليته وباللى درسه
والله العظيم بجد مابكدبش انا ليا واحد قريبى وناس معارف سافروا بره
هما سنتين او تلاتة وما استحملوش الاهانة اللى كانوا بيتعرضولها كل يوم من ناس مااتعلمتش اساسا
وبعدين حسوا بانتماء شوية لبلدكم عشان بعد كده ماتخونوهاش
وبعدين بلدك دى هى بيتك يعنى مثلا زى مامكتوب فوق
لو بيتك حصل فيه شوية مشاكل كنت هتسيبه وتمشى برضه

{.... ÊﬁÌ⁄ شجن ....}

عضو منذ : 04/09/2008

انا مع دانجو في الكلام اللي بيقوله ده
مصر فيها خير
بس مافيش اللي يستغل الخير ده
وكمان مش معقول يبقي الشاب خريخ كلية ويشتغل شيال مثلا

{.... ÊﬁÌ⁄ kinglove ....}

عضو منذ : 14/09/2008

ايه يا جماعه انا شايفكو كلكو
مضايفين من مصر
ليه كل ده
ده مصر بلد الامن والامان
والمواصلات فاضيه
والشوارع نظيفه
والمدارس في اعلي مستوي
والناس معاها فلوس كتير
والناس عماله تتجوز من كتر الشقق الموجوده في مصر
وكتره الفلوس
وصحيح
صدق من قال

لما تزاكر ومتنجحش يبئي انت اكيد في مصر
وامت تتعين ومتقبضش يبئي انت اكيد في مصر
ولما تقبض وميكفيش يبئي انت اكيد في مصر

بس والله يا جماعه العيب مش في مصر العيب فينا احنا
لان لو لالبلد وحشه زي مبنئول ليه احنا منعدلهاش باعلم يعني وكده

{.... ÊﬁÌ⁄ elavokato ....}

عضو منذ : 04/09/2008

انا متهيألي عدي عليا وانا في ثانووووووي بيت شعري بيقووول
نعيب زماننا والعيب فينا وما لزماننا عيب سوانا
اذا انبت الزمان قناة ركب المرء للقناة سنانا

{.... ÊﬁÌ⁄ kinglove ....}

عضو منذ : 14/09/2008

اكيد طبعا كلامك صح يا كينج

ربنا معنا

{.... ÊﬁÌ⁄ elavokato ....}

عضو منذ : 05/12/2008

بصوا يا جماعه انا بقول
ان لم اكن مصريا لوددت ان اكون غير مصريا
مصر عمله ايه لينا ولا حاجه خالص
دى حته مش قادره تعمل حاجه فى مجزره فلسطين
مصر كدوله كويسه
انما كا اشخاص غير كويسه بالمره
مش قادره توفر فلرص عمل للشباب
ومش قادرهتنزل الاسعار النار دى كل حاجه فى البلد غلت
دى حته مش قادره تعمل حاجه فى موضوع فلسطين واسهل حاجه تعملها مثلا
انها تطرد السفير الاسرائيلى او تمنع تصدير الغاز
بصراحه يا جماعه انا حاسه ان الى بيدرنا مش مصرين دول حاجه تانيه
فين ايام جمال عبد الناصر كان عامل للشعب المصرى كرامه فى وسط العالم كله

{.... ÊﬁÌ⁄ حنين ....}

اداريه فضفضه كول · عضو منذ : 01/07/2008

شكرا ياجماعه جدا لمروركم
بس برضو انا بمووووووووووووت فيها
ومش ممكن اكرهها ابدا لو عملت فيا ايه
هى عجبانى فى كل الاحوال
وعموما
انا توصلت ان اننا لازم نشجع هجرة الشباب لانها بتجيب دخل كويس للبلد وكمان عشان نخف شويه من البطاله
وفى الحاله دى الطرفين كسبانين
بس برضو الغربة دى بجد بهدله
ده انا لو خرجت من بيتى بحس انى متغربه
مابالك بقى لما تطلع من البلد كلها

{.... ÊﬁÌ⁄ شجن ....}

مدير فضفضه كول · عضو منذ : 03/10/2007

السندريلا ايه كتب:: ايه يا جماعه اللى انتوا بتقولوه ده
العيب مش فى مصر
العيب فينا احنا
احنا اللى مش عارفين نديرها ونشغلها ونعرف نستفيد منها
احنا اللى بنتهرب منها وبنهاجر وبنسبها
ده حتى ربنا زكرها فى القران
وكلنا عارفين ان مصر فيها خيرات تكفينا نقدر نعيش مرتاحين
بس الحكومه الفاسده هى اللى سرقه الدوله ونهباها

العيب مش فى حكومه ولا غيره
انا مش فاهم ليه كل ما حد يتكلم يقول ان العيب فى الحكومه والمسؤلين هما الى مضيعين الشعب
العيب فى كل المصريين من اولهم لاخرهم
وهما المسؤلين دول يبقول مين يعنى مهم من الشعب المصرى
بس دى طبيعه المصريين انهم بيفضلوا غلابه الحد ما يمسك حد منهم اى سلطه ويطلع عين الى حواليه

شجن كتب:: وكفاية كمان البهدلة اللى الشباب بيشوفوها بره بلدهم
وبعدين ياحسام انا ليا اعتراض على انك بتقول انك مثلا
بتكون حاصل على بكالوريوس وتروح تشتغل شغلانة مهينة او مثلا مش مناسبة
اراهنك انك لو سالت اى حد سافر بره واساله كده
انت اشتغلت ايه وكنت حاصل على مؤهل ايه
هتلاقيه بشتغل شغلانة مالهاش علاقة تماما بكليته وباللى درسه

البهدله بره احسن من البهدله هنا مليون مره
على الاقل الواحد هيتبهدل بره تلت او اربع سنين يرجع هنا بثروه ويكون عمل انجاز يقدر يحقق حلمه
اما هنا لو اتبهدل عمره كله وعمر على عمره عمره ما هيجيب غير لقمه عيشه

elavokato كتب:: بس والله يا جماعه العيب مش في مصر العيب فينا احنا
لان لو لالبلد وحشه زي مبنئول ليه احنا منعدلهاش باعلم يعني وكده

والله لو عدلت فيها مليون سنه عمرها ما هتتصلح
لو عاوزينها تتصلح بجد يبقى نعمل زى نيرون
اكيد فاهمين مصر مش عجباك؟ Icon_wink

{.... ÊﬁÌ⁄ ابن الاسلام ....}

اداريه فضفضه كول · عضو منذ : 01/07/2008

يانهارك ابيض عايز تولع فى البلد ياحسام
ده انقلاااااااااااااااب
بص ياحسام هقولك حاجه انا مقتنعة بيها اوى
اللى يكره بلده ومتعقد من عيشته فيها يبقى عمره ماهيبقى حاجة فى حياته سافر وروح البلد اللى انت عايزها واتغرب لكن خليك حابب بلدك
وعموما انت اكيد بتحبها جدا جدا بس مش هتحش بده غير لما تتغرب وتبعد عنها

{.... ÊﬁÌ⁄ شجن ....}

مدير فضفضه كول · عضو منذ : 03/10/2007

انا مقولتش اولع
انتى الى قولتى

اقتباس :: اللى يكره بلده ومتعقد من عيشته فيها يبقى عمره ماهيبقى حاجة فى حياته سافر وروح البلد اللى انت عايزها واتغرب لكن خليك حابب بلدك
وعموما انت اكيد بتحبها جدا جدا بس مش هتحش بده غير لما تتغرب وتبعد عنها

احبها على ايه دى وليه ان شاء الله مش هعمل حاجه الا لو حبيتها
تكون البلد هتساعدنى ولا حاجه
وفعلا انا مش هحش بدا خالص خالص
الحاجه الوحيده الى ممكن تخلينى ارجع للبلد دى او احس بحنين ليها لو سافرت هى اهلى وذكرياتى فيها
وبرده هى نفس الحاجه الى لو حصل حرب ان شاء الله احارب واموت نفسى فيها علشان برده دينى اولا و اهلى والى بحبهم
غير كده ولا تلزمنى مصر مش عجباك؟ 661713

{.... ÊﬁÌ⁄ ابن الاسلام ....}

اداريه فضفضه كول · عضو منذ : 01/07/2008

برضو مافيش فايده
دى مذكورة فى القران ازاى ماتحبهاش
انا عن نفسى بموت فى ترابها ومش متخيلة انى ممكن ابعد عنها فى يوم من الايام
وبتضايق جدا جدا لما الاقى حد بيتكلم كده عليها بحس انه بيهنى انا
عمرك حتى ماتأثرت بأغنية وطنية كده وحسيت فيها بحبها
ربنا يهديك ويهدى كل الشباب اللى بيفكر بالشكل ده
يالهوى لو كل الشباب كده دى تبقى مصيبة سوده

{.... ÊﬁÌ⁄ شجن ....}

مدير فضفضه كول · عضو منذ : 03/10/2007

مشكلتك يا شجن انك وطنيه زياده عن اللزوم وافكارك مبنيه على شعارات ومشاعر مش محسوسه لكنها موروثه
طبعا الاغانى الوطنيه مش هتأثر فيا
الى يأثر فيا ممكن اغنيه زى دى
https://fadfdh.yoo7.com/montada-f38/topic-t4745.htm#90695

{.... ÊﬁÌ⁄ ابن الاسلام ....}

اداريه فضفضه كول · عضو منذ : 01/07/2008

ماافتكرش ان حبى لبلدى بيمثلى اى مشكلة
واكيد كل واحد بيتأثر بأهله فى كل حاجة
وانت كمان اعتقد ان كلامك ده موروث يعنى كل اللى حواليك اكيد مقتنعين بنفس الكلام عشان كده ان طلعت زيهم

{.... ÊﬁÌ⁄ شجن ....}

مدير فضفضه كول · عضو منذ : 03/10/2007

بالعكس تماما
انا اهلى مش سياسين بالمره ولو فيهم حد له اراء سياسيه فأرائهم مختلفه عنى خالص
انا ليا وجهه نظرى وارائى الى مبنيه على حقايق بشوفها وبسمعها
ولو كل واحد عمل كده هيبقى زيى
لكن فى ناس بتحب تتكلم وخلاص ومهما اقتنعت انها غلط برده مش بتغير فكرها
مصر مش عجباك؟ 276429

{.... ÊﬁÌ⁄ ابن الاسلام ....}

اداريه فضفضه كول · عضو منذ : 01/07/2008

اقول ايه
هى دماغك كده مش قابلة لاى اقناع خالص
بس برضو مسيرك هتيجى وتعترف انك بتحب بلدك ونفسك ترجعلها لو بعدت عنها
انت ماتعرفش اللى مابيحبش بلده اخرته ايه
بلاش اقول بقى لاحسن تتاخد

{.... ÊﬁÌ⁄ شجن ....}

عضو منذ : 05/02/2010

اولا كده هو لازم اللى يقول رأيه يبقى متاثر بعيلته وراى اللى حواليه؟؟؟
بالعكس والله انا كل اللى حواليا بيحبو الاغانى والشعارات بس بالعقل والمنطق كده هحب ايه ف مصر؟؟؟
هو المفروض الام اللى تدى حنان ورعايه الاول وبعدين تتحب؟ ولا العكس الام تخلف وترمى ولادها وبعد كده تطلب من ولادها يحبوها؟
ومش لازم كمان اللى يقول رايه يبقى متبهدل وطالع عينه ومش لاقى شغل . المهم المجموع او الغالبيه انتى شايفه ان فيه بلد ف الدنيا فيها خير مصر؟؟ وبؤس مصر؟؟
دى حتى الاغانى والشعارات اللى بتتقال اللى عامله واحد هربان من الجيش والتانيه بتقول انها بتحب لبنان اكتر من بلدها طيب فين مصداقيهم
؟
هذى بلاد لم تعد كبلادى ....
كم !!
عشت أسأل .. أين وجه بلادي

أين النخيل .. و أين دفء الوادي

لا شيء يبدو في السماء أمامنا

غير الظلام .. وصورة الجلاد

هو لايغيب عن العيون كأنه قدر

كيوم البعث و الميلاد

قد عشت اصرخ بينكم و أنادي

أبني قصورا من تلال رمادي

أهفو لأرض لا تساوم فرحتي

لا تستبيح كرامتي .. و عنادي

اشتقت يوما أن تعود بلادي..

{.... ÊﬁÌ⁄ m7mmd ....}

اداريه فضفضه كول · عضو منذ : 01/07/2008

اولا اهلا بيك فى المنتدى
ثانيا
فرضا انك هتشبه مصر بالام يبقى ماتخدش جانب وتسيب التانى
ده حتى ربنا قال لو حتى الوالدين دعوك للشرك بالله برضو لازم تبرهم وتعاملهم كويس
لكن اللى شيفاه عكس ده تماما
كلكوا بتقولوا مصر عملت وسوت فينا
هو احنا ليه دايما بنعلق مشاكلنا على بلدنا وانها السبب فى كل حاجة
جايز اشخاص معينين هما اللى مبهدلين خيرها
بس دول كلهم مسيرهم هيروحوا زى اللى قبلهم وهتفضل مصر هى مصر اجمل بلد فى الدنيا

{.... ÊﬁÌ⁄ شجن ....}