هل تتمنى العوده لطفولتك ولماذا؟
اكيد طبعا لانها كانت احلى ايام حياتى لما كان الواحد عايش من غيرهموم ولا مشاكل
هل كنت طفل مشاغب او هادي او خجول.؟
طفل مشاغب جدااااااا
اذكر لنا موقف مررت به في طفولتك ولم تنساه الي الان؟
مرة رحت انا وماما عند خالتو ونمت من ماما هناك فسابتنى وروحت وقالت تبقى تيجى تاخدنى الصبح وانا مكنتش بحب انام عندحد فصحيت باليل تقريبا كونا قرب الفجروفتحت
الباب وخرجت ومكنتش خايفه خالص بس النيا كانت ضلمه ومعرفتش اروح وتهت وراجل لقانى واخدنى عنده وماما وبابا فضلو يدورو عليا كتير جداا
وبعدين لقونى وبابا يومها ضربنى جامد جدا
ماهي لعبتك المفضله وقتها؟
العاب كتير بس كنت بلعب اكتر نط الحبل
ولعبه عندنا اسمها الوساطه
هل لديك اصحاب ايام الطفوله ومازالت مستمره الي الان.؟
كل صحابى من ايام الطفوله لسه الحمد لله صحاب لحد الوقتى
هل كنت تحب افلام الكارتون وماهو فيلمك المفضل.؟
جدااا جداااابس مش فاكره اى اسم كرتون
والوقتى مش بتفرج غير على توم اند جيرى
هل كان هناك طفل تغار منه ايام الطفوله ولماذا.؟
لا خالص مكنتش اعرف موضوع الغيره دا خالص
ماهي الكلمات التي كنت ترددها ايام الطفوله.؟
مش فاكره
شيء كنت تتمناه ايام طفولتك ولم تحصل عليه.؟
بتهيألى مفيش
هل كنت مطيع لوالديك.؟
الحمد لله ولحد الوقتى
ماهي امنيتك ايام الطفوله عندما تكبر وهل تحققت.؟
طول عمرى نفسى اكون دكتورة اطفال
ومتحققتش قدر الله وما شاء فعل
صف لنا اول ايام دخولك للمدرسه.؟
كنت مبسوطه جدا لان ماما مدرسه فى المدرسه الى كنت فيها
فكنت رايحه متأخره وعمرى ما وقفت فى الطابور وطبعا مكنش حد بيكلمنى
ميرسى يا شجن على التوبيك الجميل
31/01/10, 10:37 pm
