موضوع النقاش الاسبوعى:للفتيات...هل تقبلين الزواج بــ....

مدير فضفضه كول · عضو منذ : 03/10/2007

بسم الله الرحمن الرحيم
السلام عليكم ورحمه الله وبركاته

اهلا بكم اعضاء المنتدى الكرام
فكرت فى موضوع اتمنى انه يكون مميز ويكون فاتحه خير للقسم
موضوع النقاش الاسبوعى:للفتيات...هل تقبلين الزواج بــ.... 65207

موضوع النقاش الاسبوعى:للفتيات...هل تقبلين الزواج بــ.... 65207

عباره عن سؤال للفتيات
هل تقبلين الزواج بعامل من الى الناس بتكرهه اسمائهم
مثلا زى(سباك _ بناء _..الخ من امثال هؤلاء)

وسؤال للشباب
ممكن تجوز اختك اوبنتك لواحد من دول
وايه رأيكم فى امثال هؤلاء

سبب طرحى الموضوع انى سمعت كلام كتير من بنات تريقه على الجواز من الناس دى
يعنى مثلا بنت تقول لبنت بهزار انتى هتتجوزى سباك تقولها امشى دنا هتجوز دكتور وانتى الى هتتجوزى كذا

فياترى الناس دى بقم بالقباحه لدرجه ضرب الامثال بيهم والخجل منهم والبعد عنهم؟

منتظر ارائكم فى الموضوع ده
موضوع النقاش الاسبوعى:للفتيات...هل تقبلين الزواج بــ.... 883715

موضوع النقاش الاسبوعى:للفتيات...هل تقبلين الزواج بــ.... 883715

{.... ÊﬁÌ⁄ ابن الاسلام ....}

اداريه فضفضه كول · عضو منذ : 01/07/2008

اقتباس :: هل تقبلين الزواج بعامل من الى الناس بتكرهه اسمائهم
مثلا زى(سباك _ بناء _..الخ من امثال هؤلاء)

لاطبعا طريقة التفكير فى المهن دى عمرها ماتبقى كده
وكل مهنة وليها اهميته فى حياتنا يعنى من غير البناء مثلا مش هنكون قاعدين فى بيت زى بيتنا
اى مهنة مهما كانت بسيطة ليها اهميتها ودى مش مهمن بسيطة ابدا
بس ماينفعش اتجوز اى حد منهم
مش عشان فيهم حاجة غلط
لكن لازم يكون فيه توافق اجتماعى وعلمى وثقافى ومادى
يعنى لازم اللى هيكون شريك حياتى ده بينى وبينه توافق كل فى كل حاجة
والا هتكون جوازة فاشلة

{.... ÊﬁÌ⁄ شجن ....}

عضو منذ : 12/08/2010

مرحبا أما بعد:
شكرا على الموضوع:
*****من تحب شخص تحبه لنفسه لعقليته وطريقة وأسلوب تفكيره وشخصيته لا يمكن أجوز أختي لهؤلاء من أجل سبب واحد فقط ستصبح طبيبة إنشاء الله وسأجوزها لطبيب...
لكن من حبت شخص فلشخصيته لا لعمله لا لإسمه لا لماله لا لشيئ
تحبني فتاة فهي تحبني لنفسي
وهته العقلية الفور... lol!

{.... ÊﬁÌ⁄ s---dg@y ....}

عضو منذ : 13/09/2008

انا مع شجن فى رأيها
الموضوع مش موضوع مهن محتقره من الناس او كده
كل مهنه مهما كانت بسيطه او احنا بنشوفها كده بتكون لها اهميه كبيره
جدا فى حياتنا علشان كده مينفعش اننا نحتقرها او نحتقر أصحابها
بس كل واحد وليه اللى تناسبه يعنى مينفعش مثلا تكون واحده دكتوره
او مهندسه او مدرسه وتتجوز واحد سباك او اى مهنه من اللى بتقول عليها
اكيد مش هيبقى فى توافق او انسجام من الطرفين دايما هيكون طرف اعلى فى الفكر
مثلا او الثقافه او المعرفه من الطرف التانى وده هيسبب متاعب للطرفين
علشان كده لازم يكون فيه من الاول حسن اختيار

{.... ÊﬁÌ⁄ ملاك فى زمن الهلاك ....}

عضو منذ : 05/06/2010

انا بأتفق مع شجن
لازم يكون فى توافق بين الزوجين عشان يعيشوا حياه سعيد
وبعدين معظم العلاقات الزوجيه اللى فشلت كانت بسبب عدم التوافق بين الطرفين

{.... ÊﬁÌ⁄ أريج الورد ....}

مشرف عام فضفضه كول · عضو منذ : 17/09/2008

وأنا كمان بتفق معاهم
مينفعش واحده تكون مثقفه
وتتجوز سباك او بناء او المهن دى
عمرهم ماهيتفقوا مع بعض
لازم يكون في توافق بينهم فى كل حاجه
واصحاب المهن دى ليهم اللى يناسبهم بردوا
ـــــــــــــــــــــــــــــــــــــــ
وميرسي على الموضوع ياحسام
تسلم ايدك

{.... ÊﬁÌ⁄ rere ....}

عضو منذ : 06/02/2008

السلام عليكم
عاملين ايه
وحشتوني والله
بصراحه موضوع جميل يا حسام للنقاش
انتي بتقولي يا شجن ان لازم يكون فيه توافق اجتماعي وثقافي وعلمي ومادي
يعني هي المهن بتتناقض مع الشروط اللي قولتي عليها
انا متهيألي ان الشروط دي ممكن تكون موجوده برضه في عامل البناء اوالسباك
ومتهيألي برضه ان دي شروط اي زواج
السؤال بقي
لو اتقدملك للجواز سباك معاه مثلا بكاليريوس تجاره ومثقف ومستواه المادي كويس
هتوافقي عليه وانتي دكتوره؟

{.... ÊﬁÌ⁄ D@BBo0oR ....}

اداريه فضفضه كول · عضو منذ : 01/07/2008

اقتباس :: لو اتقدملك للجواز سباك معاه مثلا بكاليريوس تجاره ومثقف ومستواه المادي كويس
هتوافقي عليه وانتي دكتوره؟

بصراحة اول مرة اشوف حد مستواه المادى كويس ومثقف وكمان كلية تجارة ويشتغل سباك
وحتى لو فيه حد كده
انا مااقبلش
لانى قلت لازم يكون فيه توافق اجتماعى
ثانيا بحكم مهنته هيتعود على طبيعه معينة انا مااقدرش أتأقلم معاها
تعرف من ضمن المهن اللى انا رفضاها الظباط كمان
برضو لانه متعود انه يتعامل مع ناس مجرمين
ومهما كان كويس ده هيأثر عليه فى كل حاجة فى حياته وحتى اسلوب كلامه وتعامله
يعنى الحكاية مش حكاية سباك ولا غيره
على فكرة انت ماجاوبتش على السؤال الخاص بالشباب

{.... ÊﬁÌ⁄ شجن ....}

عضو منذ : 06/02/2008

معلش ما اخدتش بالي من سؤال الشباب
والاجابه اه هوافق
علي فكره اختي كانت كليه علوم واتقدملها واحد نقاش قبل كده
ودخل البيت وقعد وكل حاجه
بس الرفض جه بعد صلاه الاستخاره
مش لانه مجرد نقاش ومينفعش علشان هو نقاش

اقتباس :: ثانيا بحكم مهنته هيتعود على طبيعه معينة انا مااقدرش أتأقلم معاها
تعرف من ضمن المهن اللى انا رفضاها الظباط كمان
برضو لانه متعود انه يتعامل مع ناس مجرمين

ثانيا بالنسبه للكلام ه مش شرك يعني انه يكون ظابط وبيتعامل مع مجرمين هتبقي طبيعته كده
واكيد برضه لما يكون سباك وانت قاعده معاه مش هينزل ميه من مناخيره
ههههههههههههههههههههه
حلوه الحته دي
وبعدين انت عايزه تفهميني لو ظابط اتقدملك وقعدتي معاه ولقيتي طريقه حلوه ومثقف ومستواه المادي كويس
وطبيعه كلامه محترمه ومهذبه هترفضيه لمجرد انه ظابط
اعتقد انه كلام مش منطقي

{.... ÊﬁÌ⁄ D@BBo0oR ....}

عضو منذ : 14/09/2008

والله بالنسبه للتفكير بالطريقه دي
لازم نفرق بين حاجه
يعني اولا الجواز من السباك وغيره مش عيب ولا حرام
بس الفكره الوضع الاجتماعي
يعني معلشي مش هيكون بنت معاها ليسانس او بكالوريوس تقبل شاب شغال كده
ده مش تقليل من قيمه السباك او غيره بس فيه نظره اجتماعيه لحاجه زي دي لكنه مش عيب
واهم حاجه التدين وانه يقدر يعيشها في معيشه كويسه ومرتاحه
ووجوب التوافق في العلم والدرجه العلميه بينهم
عشان يقدرو يتفاهمو
وزي ما قال دبور
لو اتقدم للبنت مثلا سباك لكنه معاه شهاده هيكون رد فعلكو ايه يا بنات
ومش غريبه ان حد يكون مثلا معاه ليسانس او بكالوريوس او غيره وشغال كده
انا اعرف ناس معاها ليسانسات وبكالوريوسات وشغاله مهن من يدي

لكن انا عن نفسي لو واحد اتقدم لاختي من هؤلء اكيد هرفض
وزي ماقلت مش تقليل من شأنه
لكنها تستحق احسن من كده بكتير

{.... ÊﬁÌ⁄ elavokato ....}

اداريه فضفضه كول · عضو منذ : 01/07/2008

اقتباس :: وبعدين انت عايزه تفهميني لو ظابط اتقدملك وقعدتي معاه ولقيتي طريقه حلوه ومثقف ومستواه المادي كويس
وطبيعه كلامه محترمه ومهذبه هترفضيه لمجرد انه ظابط
اعتقد انه كلام مش منطقي

ههههههههههههههههههه
انت ماتعرفهمش قدى يادبور
مهما يكونوا محترمين وفيهم صفات حلوة بس برضو عندهم عصبية زيادة جداااااااااااا
وسواء ظابط او سباك ماهو لازم طريقة كلامه هتكون حلوة فى الاول
يعنى هياخدنى قلم على وشى مثلا من اولها
انا طريقة تفكيرى كده عشان قابلت النوعيتين وعارفه كل واحد اسلوبه بيبقى عامل ازاى
وبالمناسه بلاش دماغكم تروح لأخويا وانى عرفت الكلام ده منه
بس انا فعلا عارفة ده من زمان اوى سواء من قرايب او معارف
وعشان أريحك خالص
لو عارفه انى ممكن الاقى احسن وحد يناسبنى ليه اروح اتجوز حد من دول
كل واحد ليه حاجة فى دماغه كده عايزة يحققها ومش ده اللى فى دماغى خالص

{.... ÊﬁÌ⁄ شجن ....}

مدير فضفضه كول · عضو منذ : 03/10/2007

كلام الكل مخالف لبعضه
كلام دبور هو الوحيد المنطقى
حبيبى يا ولا يا دبور
الكل بيقول مش عيب وعادى ومش عادى
بس مش هجوزه لاختى ولا هقبله لنفسى
علشان ال ايه الثقافه والوضع الاجتماعى
على فكره بقى انا اعرف ناس من دول كتير معرفه شخصيه مثقفين جدا جدا
اعرف واحد صديقى مدرس فى الازهر وامام وخطيب فى الاوقاف وشغال كده
واعرف ناس كتير مثقفين جدا سياسيا وعلميا وشغالين كده
والاكتر من كده انى اعرف معيد فى الجامعه شغال ميكانيكى سيارات
كلامكم الى بتقوله راجع لجهل وتأخر قديم لما كان الى بيشتغل المهن دى هما المتخلفين والجهله
انا شخصيا برحب باى حد يكون زوج لاختى المهم يكون انسان محترم اخلاقه كويسه متدين ويقدر يعيشها كويس ويحافظ عليها
الرسول قال "اذا جائكم من ترضون دينه وخلقه فزوجوه"
الكل بيبص للمنظر قدام الناس
ومش بيبصوا للاهم من كده
الى هو الحب والارتياح وسعاده الاتنين دول مع بعض مهما كان بقى شغال ايه والتانيه خريجه ايه
هى فى الاول والاخر هتقعد فى البيت تربى اولادها وهو هيكون رب البيت الى يصرف عليه بأى طريقه شريفه

{.... ÊﬁÌ⁄ ابن الاسلام ....}

عضو منذ : 06/02/2008

كلامك جميل يا افوكاتو
وطبعا اي واحد شايف ان اخته تستاهل اكتر من المهن دي
بس انا نفسي في حاجه بس
اللي يخش يتكلم ميحسسنيش انه بيواسي المهن دي
يعني مش يقول المهن دي مش عيب ومش عارف والوضع الاجتماعي والمادي والثقافي
وعادي لما يكون واحد مثقف ومعاه ليسانس وبيشتغل سباك
وكلام من ده كتير وفي الاخر يرجع يقول لا مش هوافق اتجوزه
ولا مش هوافق اختي تتجوزه
المفروض اننا نتكلم بصراحه
وانا عايز اقول حاجه انا متأكد منها
البنت من سن 18 لحد 25 سنه لازم تتشرط وتختار العريس بكل دقه
بعد السن ده مفيش حد من البنات بيدقق
طبعا الموضوع ده مش عند كل البنات
بس معظهم عنده الموضوع ده

{.... ÊﬁÌ⁄ D@BBo0oR ....}

عضو منذ : 06/02/2008

منور يا حسام
انت فين يا عم
ايوه كده يا معلم اظرفهم عالي يمكن يعملوا حادثه ولا حاجه

{.... ÊﬁÌ⁄ D@BBo0oR ....}

اداريه فضفضه كول · عضو منذ : 01/07/2008

بصوا ياجماعه
وجهات النظر فى الموضوع ده بالذات بتختلف من واحد للتانى
يعنى حسام ودبور موافقين عادى
لكن مين قالكم بقى ان اخواتكم البنات موافقين هما كمان
عشان انتم ولاد بس بتتكلموا ببساطة
لكن مش انتوا اللى هتعيشوا جوه الموضوع ده

اقتباس :: الى هو الحب والارتياح وسعاده الاتنين دول مع بعض مهما كان بقى شغال ايه والتانيه خريجه ايه

اديك قلتها اهم حاجة السعاده
وانا بصراحة مش مقتنعه انى هكون سعيدة
ولا حتى مقتنعه بكلامك ده
طول مافيه حد من الطرفين اقل من التانى
استحاله هيكون فيه حياة سعيدة بينهم
زى ماانتم ليكم مواصفات معينه فى هتشاركوا حياتكوا
احنا كمان لينا مواصفات معينه فى الانسان اللى هيشاركنا حياتنا

اقتباس :: البنت من سن 18 لحد 25 سنه لازم تتشرط وتختار العريس بكل دقه
بعد السن ده مفيش حد من البنات بيدقق
طبعا الموضوع ده مش عند كل البنات

لا تأكد انه عند كل البنات يادبور

{.... ÊﬁÌ⁄ شجن ....}

عضو منذ : 26/04/2008

اولا ايه اخبار الجميع انا اسف لو انا مش موحود دايما في بيتي زاي ما نعودت

ا ما بنسبه للموضوع الاسبوعي انا بختلف مع ارئ الاعضاء ممكن افكر بعقلي شويه
يعني مش ممكن اكون في منصب كويس جدااااااااااا وممكن من خلال المنصب ده اكبر بعد تعب
اتجوز انسانه تنزلني تحت تاني انا محتاج حد بشرفني

يعني مش ممكن دكتوره تتجوز سوري سباك او كهربائي ....... الخ
انا بدور علي المسنوي وده من حق البنات او الشياب

يارب رائ مش يضيق حد

{.... ÊﬁÌ⁄ امير مجهول ....}

عضو منذ : 04/12/2009

تسمحو لي ان اختلف معكم صحيح انا لسه في ثانوي لكن الحمد لله موفقة بدراستي وطول عمري احلم بدخول كليه من كليات القمة وان شاء الله احقق حلمي وعمري ما كنت مع الراي الي بيقول دكتورة تتجوز دكتور او مهندس او كده لكن كله دلوقتي كده مفيش حد بيدور علي راجل يقدر يصونها ويحبها ويتحمل مسؤلية بيت واولاد كله بيبص على المديات وانا مس اصدي ان واحد معندوش امكانيات الزواج نوافق بيه
اكيد هيكون في حياة سعيدة لو في حب وتضحية ويمكن السباك دا ولا النقاش يكون احسن من مليون دكتور

{.... ÊﬁÌ⁄ رهف ....}

عضو منذ : 20/06/2010

كلامكم كله جميل جدا ومنطقي
وإن كان فيه تناقد وتضاد في الأراء ، ولكن ده ميمنعش أن آرائكم كلها منطقية
لأن كل واحد بيرد من خلال تجربة عاشها أو مواقف عاصرها مع الناس دول
وأنا شايف أنه لو أتقدم لأختي نجار أو سباك أو حداد ... إلخ ، ففي شروط لازم تتحقق علشان أوافق عليه
1/ أنه يكون متدين ويعرف ربنا كويس ويكون أنسان عاقل وحكيم في تصرفاته .
2/ أنه يكون على خلق عالي ، وميكنش عليه ضغفوط كبيره في وظيفته أو يكون بيتعامل مع ناس مش محترمين كتير ، لأن ده بلا شك هيأثر على حياتهم الزوجية فيما بعد .
3/ أنه يكون وضعه المادي كويس بحيث أنه على الأقل يقدر يعيش أختي في نفس المستوى اللي هي عايشه فيه .
4/ أنه يكون عنده علم كافي ومعلومات ثقافية جيدة ، مش شرط أنه يكون متخرج من كليه معينه
بس على الأقل يكون بيعرف يتكلم بشكل كويس وبيعرف يرد بأسلوب منطقي مقنع ويكون مثقف نفسه بنفسه ، لأن دي كلها حجات بتأثر على الحياة الزوجية في المستقبل ،
وكمان علشان البنت تقدر تتكلم مع زوجها وتاخد رأيه في المواقف المختلفة ، يعني لازم يكون فيه شوية توافق فكري .
** وطبعا من المعروف دايما عن البنات أنها بتحب تفخر بممتلكاتها وكمان بتحب تتمنظر قدام صحباتها حتى لو بعريسها ، وعلشان كده لازم نراعي نظرة المجتمع للبنت في الوضع ده ، ونحاول أننا نغطي كل نقص بميزة كويسه .
وطبعا لو أتحققت الشروط دي أكيد أني هوافق على زاج أختي من الشخص ده .
والشروط دي مش بتنطبق بس على الزبال أو الحداد أو ... ، الشروط دي عامة لأي شخص عايز يتزوج أختي مهما كانت شهادته

{.... ÊﬁÌ⁄ AL~SRAB ....}

مدير فضفضه كول · عضو منذ : 03/10/2007

D@BBo0oR كتب:: منور يا حسام
انت فين يا عم
ايوه كده يا معلم اظرفهم عالي يمكن يعملوا حادثه ولا حاجه

حبيب قلبى يا دبور
النور نورك يا معلم
محنا لازم نفهمهم بقى ومينفعش نسيبهم كده يمكن نكسب فيهم ثواب

ضى القمر كتب:

بصوا ياجماعه
وجهات النظر فى الموضوع ده بالذات بتختلف من واحد للتانى
يعنى حسام ودبور موافقين عادى
لكن مين قالكم بقى ان اخواتكم البنات موافقين هما كمان
عشان انتم ولاد بس بتتكلموا ببساطة
لكن مش انتوا اللى هتعيشوا جوه الموضوع ده

اقتباس :: الى هو الحب والارتياح وسعاده الاتنين دول مع بعض مهما كان بقى شغال ايه والتانيه خريجه ايه

اديك قلتها اهم حاجة السعاده
وانا بصراحة مش مقتنعه انى هكون سعيدة
ولا حتى مقتنعه بكلامك ده
طول مافيه حد من الطرفين اقل من التانى
استحاله هيكون فيه حياة سعيدة بينهم
زى ماانتم ليكم مواصفات معينه فى هتشاركوا حياتكوا
احنا كمان لينا مواصفات معينه فى الانسان اللى هيشاركنا حياتنا

مش ممكن البنت الى تفكر فى حاجه زى دى وبتبص ليها تكون سعيده مع اى شخص حتى لو كان ايه
الى يبص للحجات دى على انها فروق وبتقلل من الشخص هيفضل كده طول عمره مع اى حد يبص مين الاعلى من التانى ومين اقل
المهن دى عمرها مكانت فرق فى المستوى الاجتماعى او غيره وانا متأكد ان رأيى ورأى دبور مش رأينا بس واعرف بنات كتير متكاملات فى كل حاجه عمرهم ما يبصوا للفروق دى
بس اصلهم فاهمين ان الزواج عن حب ده مش فارق فيه غنى او فقير او شغال ايه او بيعمل ايه وعمر الحجات دى متبقى وسيله للسعاده ابدا

امير مجهول كتب:: اولا ايه اخبار الجميع انا اسف لو انا مش موحود دايما في بيتي زاي ما نعودت

ا ما بنسبه للموضوع الاسبوعي انا بختلف مع ارئ الاعضاء ممكن افكر بعقلي شويه
يعني مش ممكن اكون في منصب كويس جدااااااااااا وممكن من خلال المنصب ده اكبر بعد تعب
اتجوز انسانه تنزلني تحت تاني انا محتاج حد بشرفني

يعني مش ممكن دكتوره تتجوز سوري سباك او كهربائي ....... الخ
انا بدور علي المسنوي وده من حق البنات او الشياب
يارب رائ مش يضيق حد

رأيك يحترم بس زى ما قولت قبل كده عمر الحجات دى متبقى مقياس فى الزواج ومش ممكن الزوج او الزوجه هتقلل من جوزها
ولو طرف بص للطرف التانى على انه كده يبقى شخص مش كويس
من كلامكم عن المستوى الاجتامعى بتحسسونى اننا عايشين لسه فى السبعينات وبتحسسونى اننا مش مسلمين

{.... ÊﬁÌ⁄ ابن الاسلام ....}

مدير فضفضه كول · عضو منذ : 03/10/2007

رهف كتب:: تسمحو لي ان اختلف معكم صحيح انا لسه في ثانوي لكن الحمد لله موفقة بدراستي وطول عمري احلم بدخول كليه من كليات القمة وان شاء الله احقق حلمي وعمري ما كنت مع الراي الي بيقول دكتورة تتجوز دكتور او مهندس او كده لكن كله دلوقتي كده مفيش حد بيدور علي راجل يقدر يصونها ويحبها ويتحمل مسؤلية بيت واولاد كله بيبص على المديات وانا مس اصدي ان واحد معندوش امكانيات الزواج نوافق بيه
اكيد هيكون في حياة سعيدة لو في حب وتضحية ويمكن السباك دا ولا النقاش يكون احسن من مليون دكتور

ربنا يحميكى ويرزقك براجل كده فعلا
انتى قولتى الخلاصه
راجل يقدر يصونها ويحبها ويتحمل مسؤلية بيت واولاد
انا بدور على كده لاختى ومش عاوز اكتر من كده وكل الناس الفاهمه والعاقله مش بتدور غير على كده
احييكى على رأيك السيلم موضوع النقاش الاسبوعى:للفتيات...هل تقبلين الزواج بــ.... 677346

موضوع النقاش الاسبوعى:للفتيات...هل تقبلين الزواج بــ.... 677346

موضوع النقاش الاسبوعى:للفتيات...هل تقبلين الزواج بــ.... 648554

AL~SRAB كتب:: كلامكم كله جميل جدا ومنطقي
وإن كان فيه تناقد وتضاد في الأراء ، ولكن ده ميمنعش أن آرائكم كلها منطقية
لأن كل واحد بيرد من خلال تجربة عاشها أو مواقف عاصرها مع الناس دول
وأنا شايف أنه لو أتقدم لأختي نجار أو سباك أو حداد ... إلخ ، ففي شروط لازم تتحقق علشان أوافق عليه
1/ أنه يكون متدين ويعرف ربنا كويس ويكون أنسان عاقل وحكيم في تصرفاته .
2/ أنه يكون على خلق عالي ، وميكنش عليه ضغفوط كبيره في وظيفته أو يكون بيتعامل مع ناس مش محترمين كتير ، لأن ده بلا شك هيأثر على حياتهم الزوجية فيما بعد .
3/ أنه يكون وضعه المادي كويس بحيث أنه على الأقل يقدر يعيش أختي في نفس المستوى اللي هي عايشه فيه .
4/ أنه يكون عنده علم كافي ومعلومات ثقافية جيدة ، مش شرط أنه يكون متخرج من كليه معينه
بس على الأقل يكون بيعرف يتكلم بشكل كويس وبيعرف يرد بأسلوب منطقي مقنع ويكون مثقف نفسه بنفسه ، لأن دي كلها حجات بتأثر على الحياة الزوجية في المستقبل ،
وكمان علشان البنت تقدر تتكلم مع زوجها وتاخد رأيه في المواقف المختلفة ، يعني لازم يكون فيه شوية توافق فكري .
** وطبعا من المعروف دايما عن البنات أنها بتحب تفخر بممتلكاتها وكمان بتحب تتمنظر قدام صحباتها حتى لو بعريسها ، وعلشان كده لازم نراعي نظرة المجتمع للبنت في الوضع ده ، ونحاول أننا نغطي كل نقص بميزة كويسه .
وطبعا لو أتحققت الشروط دي أكيد أني هوافق على زاج أختي من الشخص ده .
والشروط دي مش بتنطبق بس على الزبال أو الحداد أو ... ، الشروط دي عامة لأي شخص عايز يتزوج أختي مهما كانت شهادته

رأيك جميل ومظبوط
دى شروط تمام وان كانت ممكن تزيد او تنقص حجات بسيطه عند بعض الاشخاص
بس رهف بصراحه جابت من الاخر لما قال ان المهم راجل يقدر يصونها ويحبها ويتحمل مسؤلية بيت واولاد

{.... ÊﬁÌ⁄ ابن الاسلام ....}

عضو منذ : 06/12/2010

ياجماعةنحنااسلام والرسول قال من جاءكم من ترضون دينه وخلقه فزوجوه وان لم تفعلو تكن فتنة في الارض
ولم يقل ان جاءكم حداد اوسكاب اووووووووووووالىاخره
المهم الدين و حسن الخلق

{.... ÊﬁÌ⁄ بتول ....}

عضو منذ : 03/02/2011

بتول كتب:

ياجماعةنحنااسلام والرسول قال من جاءكم من ترضون دينه وخلقه فزوجوه وان لم تفعلو تكن فتنة في الارض
ولم يقل ان جاءكم حداد اوسكاب اووووووووووووالىاخره
المهم الدين و حسن الخلق

فتح الله تعالى عليكى بتول

اتفق معكى ف الرائ

ربنا يستر جميع الشباب ذكور واناث

{.... ÊﬁÌ⁄ دموع تائبة ....}

مدير فضفضه كول · عضو منذ : 03/10/2007

بتول كتب:: ياجماعةنحنااسلام والرسول قال من جاءكم من ترضون دينه وخلقه فزوجوه وان لم تفعلو تكن فتنة في الارض

صدق رسول الله وهى فعلا دلوقتى فتنه
فتنه المغالاه فى المهور وتكاليف الزوج ووضع عواقب كتيره جدا بتخلى فكره الزواج بالنسبه للشاب مصيبه لازم علشانها يموت نفسه شغل ويسافر بره ويجمع فلوس وكل ده علشان يقدر يكون اسره لسه هيصرف عليها دم قلبه
ودا سبب نسب كبيره جدا من الشباب والبنات الى متجوزوش بيزيد الفجور والفواحش ما ظهر منها وما بطن
ربنا يرحمنا من الفتن دى
شكرا ليكم بتول ودموع على الرد والمرور موضوع النقاش الاسبوعى:للفتيات...هل تقبلين الزواج بــ.... 648554

{.... ÊﬁÌ⁄ ابن الاسلام ....}

عضو منذ : 04/06/2011

سؤال هايل
انا كانت امنيه حياتي اني ارتبط بمهندس او دكتور
ولما ارتبط بمهندس عرفت ان المؤهل مش كل حاجة
خصوصا مفيش اسهل من شراء الشهادات دلوقتي

المهم التربية والبيئه اللى اتربى فيها
وهل هو بجد شاريني ولا مغرور وشايف نفسه ياما هنا ياما هناك
وبشهادتى دي يقدر يدخل اى بيت وحاطط رجل على رجل...............
بس ممكن اقول ان يكون في تقارب فكري وثقافي وليس فرقا واضح
لنجاح العلاقة ويكون الاتنين مش حاسين بنقص ان حد احسن من حد مش اكتروسبحان الله يضع سرة في اضعف خلقة ودا مش تقليل من قيمتةبلعكس ممكن دا ربنا مخبيله مستقبل كبير
بس اعتراض فقط على الفرق دا ممكن يعمل مشكله بعدين وشكرا

{.... ÊﬁÌ⁄ اورانس اورانس ....}

عضو منذ : 04/07/2011

بصراحة أنا مقدرش أتزوج عامل بسيط أيا كان، مش لأني بحتقره ولكن لأني مش هحبه ولا هو هيحبني ،،وإحنا عندنا مثل مغربي يقول'' لي لبس قدو يواتية'' وبمعنى لي يلبس شيء بحجمه يليق عليه ، فبعتقد زي ما قال الجميع أن التوافق شيء ضروري في الزواج و في إستمرار العلاقة الزوجية.

{.... ÊﬁÌ⁄ صمت الليل ....}