لحظه موت..

مدير فضفضه كول · عضو منذ : 03/10/2007

سلام عليكم

الموضوع النهارده مش على الحب ولا على الاحاسيس والمشاعر والحجات دى
الموضوع عن حادثه شوفتها بعينى من نص ساعه بالظبط

هى مش حادثه لان محصلش تصادم ولا حاجه
الى حصل بالظبط هوانى كنت ماشى مروح من سمنود فى منطقه الميدان ولقيت تكتك ماشى فيه سواق وركاب
فجأه التكتك ده وقف فى نص الطريق فأستغربت منه انه وقف فى مكان زى ده
وبعدين لقيت السواق وقع من التكتك وجسمه اتفرد على الارض واتشد جدا واديه اتشدت ونظره اتعلق لفوق
معلوماتى ان دى اعراض من مرض الصرع واحيانا امراض تانيه بتسبب الحجات دى زى الكهربا الزياده فى المخ
جريت علشان اشوف فى ايه قولت هشيله لان محدش كان واقف والناس كانت بتبص من بعيد وهو كان مرمى فى الطريق
روحت عنده وبصيتله كان شكله مخيف وجسمه مشدود بالشكل ده واديه مشدوده لفوق
لقيتك انفه وفمه بينزل منهم دم كتير
وبتحرك بطريقه غريبه اكنه بيترج
عرفت ان دى سكرات الموت لانى عارف اعراضها
الراجل ده روحه بتطلع حالا
قعدت اتشاهد ومقدرتش اعمله حاجه ولا حتى المسه
لقيت الناس اتلمت فمشيت بعيد وانا خايف
دى مش اول مره اشوف حد بيموت ولا اول مره اشوف حادثه وبالعكس انا شلت ناس قبل كده من حوادث
بس دى اول مره اشوف فيها الموت يجى فى لحظه وبالسرعه دى
اول مره اشوف حياه تنتهى اسرع ما تبدأ
السواق ده كان ماشى وسايق ومعاه ركاب وطبيعى جدا وفى لحظه وقع على الارض فى سكرات الموت
خوفت اوى على نفسى ودى كانت اول مره اخاف فيها من الموت
ممكن اموت فى اى لحظه وانا ماشى وانا راكب وانا بسمع اغانى وانا بتفرج على فيلم وانا بعمل حجات كتير حرام
مش هلحق اتوب
لو انتهت حياتى على معصيه يبقى هتعذب فى اخرتى لان الاعمال بالخواتيم ويبعث المرأ على ما مات عليه
انا مخفتش على نفسى بس انا كمان خوفت على اى حد اعرفه واى حد بحبه يحصله كده
ربنا يتوب علينا جميعا ويغفرلنا ويرحم الشخص ده
وأسأل الله لى ولكم حسن الخاتمه
لحظه موت.. 648554

على فكره القصه دى مش خياليه ولا مؤلفه وكل كلمه فيها صادقه تماما وحصلت قدامى من نص ساعه بس فى ميدان سمنود قدام مطعم الزهراء الى عند موقف المحله
الى عاوز يتأكد يسأل وهيعرف

{.... ÊﬁÌ⁄ ابن الاسلام ....}

مشرف عام فضفضه كول · عضو منذ : 24/10/2010

على فكره القصه دى مش خياليه ولا مؤلفه وكل كلمه فيها صادقه تماما وحصلت قدامى من نص ساعه بس فى ميدان سمنود قدام مطعم الزهراء الى عند موقف المحله
الى عاوز يتأكد يسأل وهيعرف

انا لله وانا اليه راجعون سبحان الله هى دى الدنيا لا تساوى عند الله جناح بعوضه
واكيد دى مش قصص خياليه انا حصل قدامى الموقف ده مره واحده وانا رايحه الجامعه ومش قادره انساها ولا عمرى هنساها
بس كانت لطفلين صغيرين رايحين المدرسه خبطتهم عربيه والسواق سبهم بيموتوا ومشى
والناس كلها واقفه تتفرج عليهم وهم بيموتواومحدش رضى يوديهم المستشفى لان دى مسؤليه عليهم
(سبحان الله)وطبعا الاسعاف اتأخر
بس انا مكنتش اعرف انهم بيموتوا لان دى اول مره اشوف حدبيموت
وفعلا ذى ماربنا قال واذا جاء اجلهم لايستأخرون ساعه ولايستقدمون
وكل انسان له أجل مكتوب
عشان كده احنالازم نحرص دائما على طاعه الله
ونجدد التوبه كل يوم فالحبيب محمد كان يتوب فى اليوم اكثر من مئه مره
وربنا يرزقنا ويرزقك حس الخاتمه
555

{.... ÊﬁÌ⁄ زهرة الجنه ....}

مشرف فضفضه كول · عضو منذ : 05/11/2010

ان لله وان اليه راجعون فعلا انا كنت جايه ولقيت فى تجمع كبير
بس التكتك لف بيا من شارع تانى
يارب يحسن ختامنا

{.... ÊﬁÌ⁄ نور احمد ....}

مدير فضفضه كول · عضو منذ : 03/10/2007

Nour elkamar كتب:: على فكره القصه دى مش خياليه ولا مؤلفه وكل كلمه فيها صادقه تماما وحصلت قدامى من نص ساعه بس فى ميدان سمنود قدام مطعم الزهراء الى عند موقف المحله
الى عاوز يتأكد يسأل وهيعرف

انا لله وانا اليه راجعون سبحان الله هى دى الدنيا لا تساوى عند الله جناح بعوضه
واكيد دى مش قصص خياليه انا حصل قدامى الموقف ده مره واحده وانا رايحه الجامعه ومش قادره انساها ولا عمرى هنساها
بس كانت لطفلين صغيرين رايحين المدرسه خبطتهم عربيه والسواق سبهم بيموتوا ومشى
والناس كلها واقفه تتفرج عليهم وهم بيموتواومحدش رضى يوديهم المستشفى لان دى مسؤليه عليهم
(سبحان الله)وطبعا الاسعاف اتأخر
بس انا مكنتش اعرف انهم بيموتوا لان دى اول مره اشوف حدبيموت
وفعلا ذى ماربنا قال واذا جاء اجلهم لايستأخرون ساعه ولايستقدمون
وكل انسان له أجل مكتوب
عشان كده احنالازم نحرص دائما على طاعه الله
ونجدد التوبه كل يوم فالحبيب محمد كان يتوب فى اليوم اكثر من مئه مره
وربنا يرزقنا ويرزقك حس الخاتمه

موضوع ان الناس تتفرج امر طبيعى دلوقتى
الناس مبقاش عندها نخوه ومفيش حد بيتخيل نفسه فى الموقف ده ومحتاج مساعده
حصلت قدامى اكتر من مره
مره واحد كان خبطه قطر فى المحله وكنت ماشى مع والدى واختى وفضل مرمى على شريط القطر يطلع فى الروح
والناس ملمومه عليه واقفه تتفرج
حبيت انى اروح اشيله بعيد ووالدى للاسف رفض
وحصلت تانى معايا لما كنت فى سوهاج برده بنت خبطها موتوسيكل وفضلت مرميه على الطريق والناس برده بتتفرج لا حد طلب اسعاف ولا اى حاجه
بس انا لحقتها وشيلتها وواحد صاحب محل على الطريق شافنى فطلع كنبه من عنده ونيمتها عليها الحد ما طلبوا الاسعاف
ياريت لو كل واحد فينا يحط نفسه فى نفس مكان المصاب مش هيعمل كده وهيحاول يتصرف بأى طريقه علشان ينقذه
دى روح بتطلع مش حيوان بيموت ولا فيلم رعب علشان نتفرج عليه واحيانا كمان بنصوره

{.... ÊﬁÌ⁄ ابن الاسلام ....}

مدير فضفضه كول · عضو منذ : 03/10/2007

نور احمد كتب:: ان لله وان اليه راجعون فعلا انا كنت جايه ولقيت فى تجمع كبير
بس التكتك لف بيا من شارع تانى
يارب يحسن ختامنا

كويس انك مرحتيش علشان المنظر كان وحش
امين يارب لحظه موت.. 648554

{.... ÊﬁÌ⁄ ابن الاسلام ....}

اداريه فضفضه كول · عضو منذ : 01/07/2008

اول لما قرأت الموضوع ده كنت بذاكر وقتها
وبعد لما خلصت قراءة فقدت التركيز تماما واتاثرت بيه جداااااااااااا
ومهما قلت مش هقدر اوصف احساسى وقتها
ربنا يرحمه ويارب مايكنش مات على معصية
ربنا يرحمنا جميعا ويحسن ختامنا

{.... ÊﬁÌ⁄ شجن ....}

مدير فضفضه كول · عضو منذ : 03/10/2007

امين يا رب ياشجن
ربنا يرحم امواتنا واموات المسلمين
لحظه موت.. 648554

{.... ÊﬁÌ⁄ ابن الاسلام ....}