أكتب هذه الكلمات نقلا من ورقة تم توزيعها بالأمس علي الناس بالمنصورة لكن بتصرف بسيط
أكتبها وأنا في طريقي لميدان التحرير
أسأل الله الأمن والسلام لبلادي ...
أعلنت أنك لن تترشح لفترة رئاسية مقبلة ولكن من يضمن لنا ذلك...
- ألم تعلن في عام 84 أنك لنتستمر أكثر من فترتين رئاسيتين ولكنك خلفت وعدك واستمريت لخمس فتراتمتواصلة!!! وإذا افترضنا أنك لن تستمر بعد انتخابات الرئاسة المقبلة فالذيسيخلفك من بقايا هذا النظام الفاسد في ظل غياب الإشراف القضائي عليالانتخابات ..
- ألم تعلن أن الانتخابات الأخيرة ستكون نزيهة وعلي مسئوليتك الشخصية ومع هذا لم تشهد مصر تزويرا فاضحا لانتخابات من قبل كما حدث في هذه الانتخابات..
- أعلنت أنك ستنظر في الطعونالخاصة بمجلس الشعب وهذا سيأخذ وقتا طويلا لأن المجلس سيد قراره علي حسبالقانون والدستور وكل هذه الوعود حقنة تخديرية حتي يستعيد النظام عافيتهوقوته ونحن نطالب بحل مجلس الشعب الباطل أصلا والذي جاء بالتزوير وصدر حكمقضائي ببطلانه..
- أعلنت أنك ستعدل المادة 76 و 77 ولكن من يضمن أن ترزية القوانين في مجلس الشعب لن تفرغها من المضمونوتظل القوانين مفصلة لأعضاء الحزب الفاسد وأعضاء النظام الفاسد بالإضافةإلي وجود حكم قضائي ببطلان المجلس .. فكيف لهذا المجلس الباطل أن يغيرالدستور؟!!!
- بالإضافة إلي عدم ذكرك تعديلالمادة 88 التي تم فيها إلغاء الإشراف القضائي علي الانتخابات فمن الذيسيضمن نزاهة الانتخابات القادمة..
- أعلنت أنك ستلاحق المخربينومثيري الشغب ولكن نحن نسأل من سيحاسب الذي أصدر الأوامر بإطلاق الرصاصالحي علي المتظاهرين في الشارع وتسبب في مقتل المئات وجرح الآلاف.. ومنالذي سيتهاون في حق الشهداء الذين قتلوا بأوامر منه؟؟(خصوصا إنه قال فيخطابه الأول إن الحكومة نفذت أوامره) من سيحاسب الشرطة علي عملياتالسرقة والنهب التي تسببوا فيها ؟؟ وأين إلغاء قانون الطوارئ الذي اعتقلبسببه الآلاف في عهدك ؟؟(ويقول لك رمز لينا... رمز البطش والطغيان)
- أما عن الانتقال السلميللسلطة فالدستور والجيش يؤمنان الانتقال المنظم للسلطة حيث نطالب حسبالدستور والقانون بتولي رئيس المحكمة الدستورية العليا رئاسة الدولة لفترةانتاقلية يتم بعدها انتخابات نزيهة لاختيار رئيس الجمهورية بإردة الشعبوبالتالي مستحيل حد يتشاكل ولا يعترض بعد كدا لأن الناس هي اللي هتختار..
- استخدمت في خطابك النبرة العاطفية ونجحت في اكتساب تعاطف البعض لكن بغباء شديد كانت فضيحة ميدان التحرير من مكر الله لفضحك ..
لماذا لا نتعاطف مع مئات الشهداء وآلاف الجرحي الذين تسببت في قتلهم وجرحهم؟؟
ختاما.. لم أتعود أن يدفعنيالبعض لقرارات لا أقررها بنفسي ... لذا لن يدفعني بطشك وجبروتك لأن ابقيبالبيت .. لا .. شبح الموت الذي رأيناه بأعيننا الأسبوع الماضي لم نتركهحتي نستكين فلا يزال معنا ونرحب به ويكفينا أنها بإذن الله شهادة
كلمتي الأخيرة:
لعلماء مصر .. سكت أغلبكم .. سامحكم الله .. إن لم تتكلموا اليوم فمتي ؟؟؟
أعزك الله -الشيخ القرضاوي- لست أدري ماذا أقول ...
إن لم تتكلموا اليوم فمتي؟؟
هل سنوافق علي بقاء الفساد ليستمر النهب والسرقة والاستبداد؟؟ هل سنوافق علي بقائك ليستمر الحكم الباطل ونعطيه فرصة التقاط الأنفاس وتدبير كيفية استمراره..
عفوا -سيدي- لسنا أغبياء................
-------------------------------------
أستودعكم الله ... واجعلوا هذا اليوم التاريخي لا يمر وإلا ولكم بصمة فيه فالتاريخ لن يرحمنا
انا قرأت الورقه دى وبقيت محتاره مش قادره احدد موقفى مع مين انتو ايه رأيكم عاوزينه يفضل ولا يمشى بتهيألى فى ظل الاحداث الاخيره وجوده معناه خراب اكتر لمصر
{.... ÊfiÌ⁄ زهرة الجنه ....}
{..دموع تائبة..}
قلم مشارك
عضو منذ : 03/02/2011
عدد المساهمات : 58
نقاط النشاط : 73
العمر : 35
اعيش فى : بلـــ مصر ـــلد
بشتغل : لا أعمل خريجة
التقييم : 2
موضوع: رد: ردا على خطاب الرئيس 03/02/11, 11:52 am
اولا لى الشرف ف الرد على موضوعك اختى الغالية
على فكرة انا لم اجد كلمة اعلق بها على موضوعك سوى حسبنا الله ونعم الوكيل فى كل ظالم
شكرا ليكى يا نور مع احترامى ليكى لكن كاتب المقال ده حد جاهل بالنظام وبالدستور والقوانين صحيح هو كان اعلن قبل كده انه مش هيرشح نفسه بس ده كان فى عز شبابه انما دلوقتى حاجه تانيه مبارك طول عمره مغرور فى خطاباته ودى اول مره يكون مسكور قدام الشعب ويستحيل انه يرشح نفسه تانى اما بالنسبه للطعون فالمجلس منتظر الفصل فيها من قبل محكمه النقض وقالوا انهم هيفصلوا فى العضويات اول بأول بدون اى نتظار المجلس صحيح سيد قراره بشرط الا يتعدى بقراراته مصلحه الشعب والجاهل الى كاتب المقال ميعرفش انه لو تم حل مجلس الشعب مش هنقدر نغير الدستور وهتتعطل كل المصالح فى مصر ومش هنقدر نجرى انتخابات فى ظل الدستور القديم اما الماده الخاصه بالاشراف القضائى فىالدستور فلم يتم تعديلها لانه لم يتم تغيرها من الاساس الماده ثابته ولم يتم الغاء الاشراف القضائى على الانتخابات لكن الى حصل ان الاشراف زمان كان يفهم منه وجود قاضى على كل صندوق انتخابات وقامت المحكمه الدستوريه بسلطتها فى تفسير نصوص الدستور بتفسير النص على انه يعنى الاشراف العام فقط على اللجان بمعنى وجود قاضى على رأس اللجنه المشرفه فقط وبالنسبه للمخربين من الشرطه فدى مسؤليه حبيب العادلى وهو بالفعل معتقل حاليا وهيتم محاكمته محاكمه شعبيه الدستور والجيش مش بيضمنوا انتقال السلطه ولا حاجه بالعكس لو فرغ منصب الرئيس مش هيتولى الدوله رئيس المحكمه الدستوريه العليا لانه علشان يتولاها لازم يكون فى غياب النائب وغياب رئيس مجلس الشعب ولو تولى احد غير رئيس الدوله شئون الرئاسه هتكون مصيبه حاليا لان بنص الدستور انه يجب التقيد بالحظر المنصوص عليه فى الفقره الثانيه فى الماده 82 وتقول اختصارا انه لا يجوز لمن ينوب عن رئيس الدوله طلب تعديل الدستور او حل مجلسى الشعب والشورى او اقاله الحكومه
بمعنى انه لو ساب السلطه حال البلد هيقف والانتخابات هتكون بايظه فى ظل البرلمان القديم والدستور القديم ومصايب كتير
احنا حققنا اهدافنا ومطالب الشعب اتحققت وعاوزين ندى فرصه علشان نشوف النتيجه الطلبات التانيه دى مش طلبات الشعب دى مطالب ومصالح شخصيه لاناس حسبى الله ونعمى الوكيل فيهم عاوزين يدمروا البلد على فكره انا مش مؤيد لنظام مبارك وانا طول عمرى ضده واكيد كلكم عارفين بس انا بتكلم بصوت العقل
بصراحه انا معرفش حاجه خالص عن الدستور ولا القانون انا سمعت الخطاب بتاع الرئيس وصعب عليا جدا وقلت فعلا هو يفضل عشان يضمن الانتقال الامن للسلطه وخصوصا انى متحمسه جدا لاحمد شفيق رتيس الوزراء وشفتله لقاء عجبنى جدا وشكله راجل محترم بس لقيت ردود فعل الناس مختلفه جدا كلهم بيقولو انو بيضحك علينا هوصحيح ممكن ميرشحش نفسه تانى بس الحزب الوطنى هيفضل ذى ماهو انا عاوزاه يمشى حقننا للدماء المنظر فى ميدان التحرير محزن جدا والناس الى بتموت دى ملهاش اى ذنب ومصلحه مصر اولا واخيرا فوق الجميع نورت الموضوع
الى فى التحرير ده قمه الجهل والتخلف اعدائنا على الحدود بيحشدوا جيشوهم لينا نتنياهو اعلن ان اسرائيل هتعزز قواتها بعد احداث مصر تم القبض على اسرائيلى فى السويس واجانب فى التحرير وسط المظاهرات الفتنه دى بتحركها ايدى خفيه هدفها التدمير مبارك كذا وكذا وابن ستين فى سبعين بس دلوقتى احنا عاوزين نحافظ على شعبنا وبلدنا ودا الاهم الناس الى بتموت ومفكرين نفسهم شهداء الرسول عليه الصلاه والسلام قال (قال رسول اللّه صلى اللّه عليه وآله وسلم: إذا تواجه المسلمان بسيفيهما فقتل أحدهما صاحبه فالقاتل والمقتول في النار فقيل هذا القاتل فما بال المقتول قال: قد أراد قتل صاحبه).متفق عليه. صحيح متفق عليه رواه البخاري في باب الديات وباب والفتن، ورواه مسلم في باب الفتن وأشراط الساعة.
انا معاك ياحسام فى كل الى قولتلوا بس بصراحة مش كنت اتوقع ان الرئيس بتاعنا يبقى نهاية كدة ابدا ولا منت اتوقع اننا نسمع عطف من اليهود والاجانب وبجداحنا فى وضع حساس جدا لان لو مبارك مشى دلوقتى اكيد مليون فى المية ان اليهود والامريكان هيدخلوا البلدلانهم دلوقتى منتظرين انة يمشى وربنا يستر وبجد مهما عمل مبارك فى البلد دى من حاجات مش كويسة ممكن يكون مش هو السبب ممكن يكون السبب الحكومة بتاعة الى اتغيرت بس بجدمبارك لية الفضل انا البلد الوحيدة الى مش دخل فيها ولا استعمرت من اجنبى وهذا بفضلوا بعدربناسبحانة وتعالى نفسى الشعب يهدى بس ويستحملوا الكام شهر دول يعنى استحملوا 30سنة مش قادرين يستحملوا شهور ربنايهدى امة المسلمين جميعاوربنا يستر على البلد بس بجد ياحسام انت فرحتنى من كلامك دة رغم غضبك الشديد جدا من مصر ومن الرئيس بس صوت العقل كويس عندك
اكيد انتوا شوفتوا المظاهرات اللي في التحرير ابتدت ازاي وانتهت ازاي ابتدت سلمية وانتهت باعمال تخريب وشغب واسعة ومش كل المتظاهرين عملوا كده لأ دي قلة مندسة وواضح انكوا متعرفوش عن القانون حاجة وحسب القانون الجنائي كيف يتم تفريق المتظاهرين في حالة الشغب اول حاجة بيتنادي عليهم انهم يتركوا ميدان المظاهرة ويتم تحديد وقت للانصراف لو مستجابوش بيتم اطلاق قنابل الغاز لو متفرقوش يتم اطلاق الطلقات المطاطية وبعد كده يتم التعامل معاهم بالرصاص الحي ومتهيألي مافيش مئات او الفات ماتت في المظاهرة ولا حاجة ومن مصدر موثوق منه اكد ان عدد ضباط الشرطة اللي قتلت خلال الاحداث يفوق 700 ضابط دا غير المجندين انا ظابط شرطة بس انا مبدافعش عنهم لأن حبيب العادلي باع الظباط وسابهم يتقتلوا ويستحق محاكمة عسكرية واعدام بالرصاص كفاية انه مرتبه بيوصل ل2مليون جنيه شهريا وبيسبلنا الفتات ومافيش داعي للهجوم علي ظباط الشرطة لانهم اتغدر بيهم من قيادات الوزارة وانتوا ششايفين البلد حالها بقي عامل ازاي من ساعة ما انسحبو من مواقعهم في القاهرة والاسكندرية والسويس ابسط حاجة اللي حصل في ميدان التحرير امبارح من اشتباكات الجيش معرفش يفضها اسف اني طولت عليكم وعاشت مصر ونعم للاستقرار
وانتوا شايفين البلد حالها بقي عامل ازاي من ساعة ما انسحبو من مواقعهم في القاهرة والاسكندرية والسويس ابسط حاجة اللي حصل في ميدان التحرير امبارح من اشتباكات الجيش معرفش يفضها اسف اني طولت عليكم وعاشت مصر ونعم للاستقرار
بمان حضرتك ضابط شرطه ممكن تفسر لنا الانسحاب المفاجئ للشرطه من كل الاقسام ومراكز الشرطه على مستوى الجمهوريه وتجاوب على السؤال الى الشعب كله بيسأله ليه الشرطه انسحبت فجأه وسابت البلد للبلطجيه كان موقف غريب كأن الشرطه كلها اتبخرت فجأه حتى عسكرى المرور كنش واقف هى دى كانت اوامر حبيب العدلى كان عايز يخرب البلد قبل مايمشى هو الى سحبهم وهم الى رجعهم برضه والقانون ده كيف يتم تفريقهم فى حاله الشغب مظاهرات يوم الجمعه الى فاتت كانت سلميه ومكنش فيها شغب خالص والناس كلها قالت كده ليه بقى كان فيه اطلاق رصاص حى على الناس الجيش مش معرفش يفض الاشتناكات هو كان خايف يتعامل معاها لان الجيش ده الى بيحمى الناس اكيد مش هيموتهم
والله انا شيفه انا مبارك حاسس بالندم انا طبعا مش مؤيدها خالص ولا مؤيده حاشيته بس الاول الاخير فى المشاكل دى كلها الحاشيه اللى حواليه كمان رجال الاعمال الحرميه زى عز وغيره ومعظم اللى مسكين مناصب هامه ناس ميعرفوش ربنا ازاى يحلفوا اليمين وبعد كده يسرقونا انا على فكره مع الشباب اللى بيظاهروا ولكن بشكل سلمى وبمطالب
1 2 3 ويقدموها بشكل متحضر والحمد لله الرئيس قال انه مش هيترشح لفتره جديده خلاص علىالاقل نسيبه يلم شنطه المده الصغيره دى دا احنا الملك فاروق مشناه وبشنطه وهداياه وحريمه وقالناله الف شكر لكن مهما كان الراجل دا كان بيمثلنا فى يوم من الايام اه مش حس بيا وعلى فكره البرادعى عاوز يدخل امريكا عندنا زى ما دخلها العراق والله حسبى الله ونعم الوكيل لهذا الخائن وفى غيره من الخونه انا مليش فى السياسه قد كده بس اللى احنا فيه مخلينى فى حاله ياس واكتئاب
بمان حضرتك ضابط شرطه ممكن تفسر لنا الانسحاب المفاجئ للشرطه من كل الاقسام ومراكز الشرطه على مستوى الجمهوريه وتجاوب على السؤال الى الشعب كله بيسأله ليه الشرطه انسحبت فجأه وسابت البلد للبلطجيه كان موقف غريب كأن الشرطه كلها اتبخرت فجأه حتى عسكرى المرور كنش واقف هى دى كانت اوامر حبيب العدلى كان عايز يخرب البلد قبل مايمشى هو الى سحبهم وهم الى رجعهم برضه والقانون ده كيف يتم تفريقهم فى حاله الشغب مظاهرات يوم الجمعه الى فاتت كانت سلميه ومكنش فيها شغب خالص والناس كلها قالت كده ليه بقى كان فيه اطلاق رصاص حى على الناس الجيش مش معرفش يفض الاشتناكات هو كان خايف يتعامل معاها لان الجيش ده الى بيحمى الناس اكيد مش ه
حبيب العاادلي ادي اوامر لمساعد وزير الداخلية للامن المركزي-اللواء احمد رمزي ان يبقي التعامل مع المتظاهرين بالرصاص الحي مباشرة واحمد رمزي مرضيش ومتهيألي بعد ما الاقسام اتحرقت هي ومديريات الامن والظباط كان بتتكتف في مكاتبها وتترمي من فوق مبني القسم او المديرية وبتنضرب بالنار من المقتحمين وكل بيقول علينا خونة مكنش ليها لازمة ان الظباط تقعد في امكانها لحد لما تموت ومظاهرات يوم الجمعة ابتدت سلمية وانتهت باعمال شغب ومتهيالي انتي شوفتي في ميدان التحرير ناس رافعين علم فلسطين وناس ملامحهم ايرانيين دا غير الاخوان المسلمين انا عن نفسي فقدت حوالي 13 ظابط دفعتي في الاحداث دي ياسلام الجيش بيحمي الناس في السلم بس انما الاشتباكات اللي في التحرير دي كانت مجزرة وهو واقف يتفرج موقف سلبي اوووووي
اكيد انتوا شوفتوا المظاهرات اللي في التحرير ابتدت ازاي وانتهت ازاي ابتدت سلمية وانتهت باعمال تخريب وشغب واسعة ومش كل المتظاهرين عملوا كده لأ دي قلة مندسة وواضح انكوا متعرفوش عن القانون حاجة وحسب القانون الجنائي كيف يتم تفريق المتظاهرين في حالة الشغب اول حاجة بيتنادي عليهم انهم يتركوا ميدان المظاهرة ويتم تحديد وقت للانصراف لو مستجابوش بيتم اطلاق قنابل الغاز لو متفرقوش يتم اطلاق الطلقات المطاطية وبعد كده يتم التعامل معاهم بالرصاص الحي ومتهيألي مافيش مئات او الفات ماتت في المظاهرة ولا حاجة ومن مصدر موثوق منه اكد ان عدد ضباط الشرطة اللي قتلت خلال الاحداث يفوق 700 ضابط دا غير المجندين انا ظابط شرطة بس انا مبدافعش عنهم لأن حبيب العادلي باع الظباط وسابهم يتقتلوا ويستحق محاكمة عسكرية واعدام بالرصاص كفاية انه مرتبه بيوصل ل2مليون جنيه شهريا وبيسبلنا الفتات ومافيش داعي للهجوم علي ظباط الشرطة لانهم اتغدر بيهم من قيادات الوزارة وانتوا ششايفين البلد حالها بقي عامل ازاي من ساعة ما انسحبو من مواقعهم في القاهرة والاسكندرية والسويس ابسط حاجة اللي حصل في ميدان التحرير امبارح من اشتباكات الجيش معرفش يفضها اسف اني طولت عليكم وعاشت مصر ونعم للاستقرار
انا فعلا مصدقك ان عدد الى ماتوا من الشرطه يفوق 7 بالنسبه للاعداد الى اتقتلت من الناس فطبقا لتقرير الام المتحده انهم الحد يوم الاربع كانوا 500 دا غير مئات الاف الجرحى الى المستشفيا مكدسه بيهم مش لاقيين دم والموت اقرب اليهم من الحياه ومش هنهجم على ضباط الشرطه علشان خطرك لانهم اتغدر بيهم اتغدر بيهم بدليل ان اللجان الشعبيه مسكوهم وهما بيتهجمو على البنوك وبيخربوا المنشئات العامه والخاصه وبيبهدلوا الناس ولما مسكوهم اكتشفوا انهم شرطه انا مؤمن 100% انك من زيهم بس دفاعك عنهم بيخليك منهم اما بالنسبه للقانون فمفيش اى نصوص فى القانون الجنائى لتنظيم قواعد المظاهرات والنصوص دى بينظمها احكام قانون الطوارىء الظالم والى مش موجود فى اى مكان فى العالم غير عندنا وبيبيح اطلاق النار على المواطنين فى حاله حدوث اضرار بيختص القانون الجنائى بالعقاب وقانون الاجراءات الجنائيه بالقبض عليهم وتقديمهم للمحاكمه والقانون المدنى (احكام المسؤليه التقصيريه) فى حاله حدوث اضرار بمصلحه عامه او خاصه لتعويض الضرر الناتج
مبدئيا يا حسام حالات فض الشغب دي في القانون المصري (قانون هيئة الشرطة)مش قانون الطوارئ
مادة 102: لرجال الشرطة استعمال القوة بالقدر اللازم لأداء واجبه إذا كانت هي الوسيلة الوحيدة لأداء هذا الواجب.
ويقتصر استعمال السلاح على الأحوال الآتية:
أولاً: القبض على:
1- كل محكوم عليه بعقوبة جناية أو بالحبس مدة تزيد على ثلاثة أشهر إذا قاوم أو حاول الهرب.
2- كل متهم بجناية أو متلبس بجنحة يجوز فيها القبض أو متهم صدر أمر بالقبض عليه إذا قاوم أو حاول الهرب.
ثانياً: عند حراسة المسجونن في الأحوال وبالشروط المنصوص عليها في قانون السجن.
ثالثاً: لفض التجمهر أو التظاهر الذي يحدث من خمسة أشخاص على الأقل إذا عرض الأمن العام للخطر وذلك بعد إنذار المتجمهرين بالتفرق ويصدر أمر استعمال السلاح في هذه الحالة من رئيس تجب طاعته.
ويراعى في جميع هذه الأحوال الثلاثة السابقة أن يكون إطلاق النار هو الوسيلة الوحيدة لتحقيق الأغراض السابقة، ويبدأ رجل الشرطة بلإنذار بأنه سيطلق النار ثم يلجأ بعد ذلك إلى إطلاق النار ويحدد وزير الداخلية بقرار منه الإجراءات التي تتبع في جميع الحالات وكيفية توجيه الإنذارو إطلاق النار.
ثانيا يا حسام حكاية افراد الشرطة اللي بيتمسكوا وهم بيسرقوا اللي مسكهم اللجان الشعبية واللجان الشعبية اغلبها مسجلين خطر فبينقموا من الداخلية يمسكوا اي فرد شرطة معدي عليهم ويسلموه للجيش علي انه حرامي
وخلينا واضحين كره الشارع المصري للداخلية علشان الداخلية هي عصا السلطة والقانون وهي اللي بتنفذ القوانين
قانون هيئه الشرطه دا اول مره اسمع عنه واكيد مش اعرفه لانه خاص بالشرطه وميبقاش قانون يبقى لائحه خلينى معاك ان القانون بيبح اطلاق النار فى الحالات دى ودى يبين مدى السلطان لمتجبر للشرطه فى مصر ومتأكد مليون فى الميه ان القوانين دى مش بيطبق فى اى مكان فى العالم غير مصر حتى فى السجون الكبرى لما بيحاول حد الهرب منها مش بيتم اطلاق النار عليه وحتى لما دوله تكون محتله وتكون فيها مظاهرات الدوله قائده الاحتلال محرم عليها دوليا اطلاق النار مباشره على الدوله الاخرى تخيل لما حاجه زى دى تكون محرمه دوليا بين الدول حتى الى فى حاله اختلال يبقى نقول ايه عليها لما تحصل من الشرطه الداخليه مش هتكلم معاك فى حته اللجان الشعبيه وان اغلبيها مسجلين خطر علشان مش هقدر اثبتلك العكس انا كنت واحد من اللجان دى واصحابى كلهم كذلك فى مناطق كتير يمكن احنا مسجلين خطر بس متفق معاك ان فى كره من الشارع المصرى للداخليه بس السبب الى انت قولته سبب عام لو كان صحيح كانت كل الدول كرهت رجال الشرطه علشان هما عصا السلطه وكمان كره الشارع لرجال الشرطه مظهرش غير فى اخر 10 سنين تجبرت فيهم الشرطه وقبل كده مكنش فى اى حاجه سبب كره الشارع المصرى لرجال الشرطه الى بيحصل فى اقسام الشرطه فى اخر 10 سنين من تعدى وقتل وهتك اعراض وممارسه افعال دنيئه ميعملهاش مسجلين خطر فى سجون لو عاوز تعرف جرائم الشرطه المصريه اعمل سيرش بسيط فى جوجل وانا متاكد ان الامر ده ميخفاش عليك اخر حاجه كنت قرأتها عن القتل فى اقسام الشرطه كانوا اعلنوا ان شخص انتحر فى القسم والوسيله كانت انه شنق نفسه فى الدش بتاع الحبس بأستعمال رباط جزمته على اساس انه داخل حبس 5 نجوم موجود فيه دش وكمان الدش ده مبنى بالصلب على اساس انه يشيل جسم انسان بالغ وكمان داخل وهو معاه حبل مشنقه فى جزمته بالطول والقوه الكافيه انه يتلف حوالين رقبه ويربطه فى الدش ويشيل جسمه الحد ما يموت خبر مضحك جدا جدا بيضحكوا بيه على شويه متخلفين بدل ما يقولوا ظابط تعدى بالضرب على الشخص ده الحد ما طلع فى ايده السر الالهى الكلام فى الموضوع يطول لكن ملوش فايده انا متاكد انى مهما قولت مش هتقتنع
بص يلحسام زي ما انت قولت الكلام كتير في الموضوع ده بس ياريت من غير اهانة لان انا شوفت اهانة في مواضيع في المنتدي مثلا يقولوا ع الظباط كلاب الحكومة وحاجات كتير تانية دا لو كان ليا عندك خاطر
علشان خاطرك من غير اهانه شغلك حاجه والى بينا حاجه تانيه وافتكر ان دى اول مره نجيب فيها سيره شغلك فى الكلام بسبب الاحداث دى انا مش هتكلم تانى طالما الكلام بيزعلك بس عاوزك تشوف المقطع ده وتقول انت لو شوفته وانت شخص عادى هتقول عليهم ايه بس اتأكد انك شوفته للنهايه دول زمايلك الى انت بتدافع عنهم
انا شوفت المقطع ده اول ما نزل بس كل حته فيها فاسدين الداخلية فيها ظباط فاسدين والمظاهرات فيها شغب واي نظام في العالم فيه فساد بس الكلام اللي بيتقال هنا بيعم ع الفئة كلها وانا ارفض ده خالص ترضي يعني حد يجي قول ع المحاميين القتلة والكلاب والخونة والكفرة اتكلموا براحتكوا بس خصوا فئة معينة لان دا تجريح ليا
{.... ÊfiÌ⁄ kinglove ....}
{..دموع تائبة..}
قلم مشارك
عضو منذ : 03/02/2011
عدد المساهمات : 58
نقاط النشاط : 73
العمر : 35
اعيش فى : بلـــ مصر ـــلد
بشتغل : لا أعمل خريجة
التقييم : 2
موضوع: رد: ردا على خطاب الرئيس 08/02/11, 12:17 pm
كل يوم زداد رغبة فى الانتقال من القتلة
حسبى الله نعم الوكيل
يا رب انت اعلم اين الظلم والظالم فعليك بهم يااااااااا الله
انا شوفت المقطع ده اول ما نزل بس كل حته فيها فاسدين الداخلية فيها ظباط فاسدين والمظاهرات فيها شغب واي نظام في العالم فيه فساد بس الكلام اللي بيتقال هنا بيعم ع الفئة كلها وانا ارفض ده خالص ترضي يعني حد يجي قول ع المحاميين القتلة والكلاب والخونة والكفرة اتكلموا براحتكوا بس خصوا فئة معينة لان دا تجريح ليا
المقارنه الى انت حاطتها غلط زى ما تكون بتقارن بين روسيا وجنوب افريقيا فى السلاح النووى لكن مع ذلك انا ارضى لو كان الكلام صحيح مش هقولك ان بالذات النظام بتاعتنا الفساد فيه مستشرى من الرأس الى الذيل عموما طالما الكلام بيزعلك خلاص ياعم ملناش دعوه بالشرطه بس لا هشتم فيهم ولا انت تدافع عنهم لان زى ما كلامنا عنهم بيجرح فيك فدفاعك عنهم تجريح لينا احنا كمان
دموع تائبة كتب:
كل يوم زداد رغبة فى الانتقال من القتلة
حسبى الله نعم الوكيل
يا رب انت اعلم اين الظلم والظالم فعليك بهم يااااااااا الله
صدقينى يا دموع نفس الرغبه جوايا وبتكبر كل شويه لن ينصلح الحال الا بأستصال رأس الافعى ومحاسبته دم الناس الى ماتت فى رقبته وناس كتير دمها بيغلى ومش هنرتاح غير بالقصاص من القاتل ربنا ينتقم منه ويورينا فيه يوم اسود
03/02/11, 11:19 am
