موضوع: يوم الغضب !!! بل هو يوم انفجار الغضب 26/01/11, 08:01 pm
بسم الله الرحمن الرحيم
اكيد كلنا شوفنا الاحداث الى حصلت من امبارح للنهارده فى اليوم المسمى بيوم الغضب
بجد حاجه تفرح وانا كنت مبسوط جدا وانا بشوفها وكنت اتمنى انى اكون مشارك معاهم بس اظن ان التسميه بيوم الغضب مش صحيحه التسميه الاصح هى يوم انفجاااااار الغضب
الغضب ده كان بيتجمع يوم ورا يوم ويزيد وجه يوم انفجاره وكانت بجد حاجه مشرفه بكل المقاييس من الشعب المصرى الى قدر يعبر عن نفسه وعن غضبه ويبين اننا مش تافهين ومش جبنا
قمه الجبن والخسه كانت من الامن المركزى الى كانوا نازلين ضرب موت فى اخواتهم المتظاهرين اكنهم بيضربوا فى كفره او حتى يهود ولا بيحاربوا فى معركه
انا مشاركتش فى اى حاجه للاسف لانهم بعيد عنى جدا جدا بس روحت الجامعه النهارده وشوفت مناظر مكنتش بشوفها غير فى التلفزيون فى فلسطين والعراق عربيات الامن المركزى متراصه فى كل حته وعساكر وظباط الامن مقفلين كل الشوارع مفيش حد عارف يمشى ولا يعدى ولا يروح فى اى حته الناس كلها بتجرى وخايفه ومش عاوزه تخرج
انا كنت فى كورس صاحب الكورس قالنا محدش يطلع علشان الى هيطلع الشارع هيتمسك واقفين بأسحله ومدرعات ولا اكننا فى حرب ودا كله ليه؟وضد مين؟ ضد شويه شباب خرجوا يعبروا عن نفسهم وعن غضبهم بسلميه ومعملوش اى احداث شغب ولا استخدموا اى عنف
كلها ناس متحضره وشباب كويس خرجوا يهتفوا لقوا فى وشهم رصاص وهروات وعربيات الامن المركزى بتدهس فيهم ناس ماتت واعداد كتير فى اصابات خطيره بالرصاص وغيره
هى دى بقى حكومتنا الى بتخاف علينا وبتحافظ على ارواحنا اليومين دول اظهروا الوجه الاخر للحكومه الوجهه القبيح الى ظهر فى افعال الامن واعدادهم المهوله الى كانت اكبر من المتظاهرين
ربنا ينصرنا ويعدى اليومين دول على خير
تفتكروا ايه الى هيحصل بعد كده؟ ياترى الموضوع ايه هيستمر لحد فين؟ وايه رأيكم فى الاحداث وفى الى بيحصل؟
موضوع: رد: يوم الغضب !!! بل هو يوم انفجار الغضب 26/01/11, 08:32 pm
انا كمان كان عندى امتحان وشفت قدام بوابه الجامعه عربيات امن مركزى كتيره جدااا ومش قدام الجامعه بس فى كل حته فى المنصوره انا اول مره اشوف المنظر ده
اقتباس :
تفتكروا ايه الى هيحصل بعد كده؟ ياترى الموضوع ايه هيستمر لحد فين؟ وايه رأيكم فى الاحداث وفى الى بيحصل؟
انا خايفه جدا من الى بيحصل وحسه انه مش هيعدى على خير ميتهيأليش اننا هنكون ذى تونس تونس خرجت كلها مره واحده عشان واحد بس مات انما الشعب المصرى محتاج جبل يحركه ومعظم الناس بتقول مليش دعوه كل واحد عنده بيت بيخاف عليه الى خرجو دول كانو شويه من كل محافظه لو قدروا يسيطرو عليهم الموضوع هيعدى داالامن المركزى بيبهدل فى الناس جامد وموجدين فى كل مكان داكنت حسه ان مصر محتله من كتر العربيات وكمان وزير العدل اتهم الاخوان النهارده انهم الى ورا المظاهرات دى يعنى اخرها هيقبض عليهم وخلاص عشان الناس تخاف نفسى بجد نعمل حاجه ومصر تتغير بجد دى مبقاش فيها حاجه عدله لاتعليم ولاشغل دا حتى رغيف العيش الناس مش عارفه تجيبه اتمنى ان المظاهرات دى تجيب نتيجه عشان الناس الى ماتت دى دمها ميرحش هدر
موضوع: رد: يوم الغضب !!! بل هو يوم انفجار الغضب 26/01/11, 09:01 pm
معالى الوزير بيقول ان الاخوان ورا الموضوع ده علشان يبرر للعالم سبب تجاوزات الامن المصرى العالم كله بيكره الاخوان والتيارات الدينيه بصفه عامه ولما امريكا كانت بتدعم مظاهرات المصريين قالولها ان لو المصريين انتصروا الاخوان هما الى هيمسكوا الحكم فأنقلبت ضدنا الناس الى ظاهره فى الصور دى شباب مثقفه ونضيفه ومتعلمه مش بلطجيه ولا ناس بتاعت شوارع ان شاء الله مش هيعدى الموضوع ده وهيكمل والناس بدأت تفوق واحده واحده والله يا نور انا كمان عندى امتحان بكره ولسه معملتش حاجه فى الماده ومش عارف اركز ولا اقفل الجهاز وابعد عن الاخبار ربنا يستر
موضوع: رد: يوم الغضب !!! بل هو يوم انفجار الغضب 26/01/11, 11:59 pm
سلامو عليكو ياشباب انا معاكم قفي اللي بتقولوه بس المشكله هي ايه مش موضوع مظاهره ولا غيره المهم انالمظاهره تكون سلميه يعني مطلعشي اخرب في البلد واقول عاوزين نغير قبل منغير اي حد لازم نغير انفسنا وانا معاكم ان البلد في حاله سيئه جدا بس اللي المفروض ناخد بالنا منه مش ان احنا نغير الريس كما يدعي الكثيرووووووووووووووووون ولكن اللي المفروض يتغير هي الوزارات والريس هو اللي يغير الحكومه اقولكم ليه الراجل ده محافظ عالبلد من بره هو اي نعم مش مهتم بالبلد من جوه خالص الا قليل بس اللي الراجل عامله بعدكم عن الحروب وانا ضد الكثير اللي بيقولو البلد مش هيتصلح حالها الا لما حد يحتلا اذاي بس تتوقع ازاي البلد هتتطور لو امريكا ولا اسرائيل ولا غيرها موجوده هنا الطالب مش هيلاقي جامعه يروحها والصنايعي مش هيلاقي شغل وموظف الحكومه مش هيلاقي شغل اساسا ولا اي حاجه هتمشي وهيخربو كل حاجه يعني مش هيدخلو يشغلو الشباب ويبنو مستشفيات فلازم يا جماعه نصحح الهدف من المظاهره اولا تكون سلميه مش تخريبيه وثانيا ان الحكومه تتغير بس الريس هو اللي يغيرها انا مش بدافع عنه بس انا بتكلم من وجهه نظري ولازم كله يحط في الاعتبار ان الراجل مش مدخلكم في حروب ولا غيره والناس اللي عامله مظاهره عشان الغلاء لو كنا بدل المظاهره دي كنا اتجمعنا واتفقنا في يومين بس او تلاته ان احنا نمتنع عن الاكل والشرب او عالاقل عن الشراء وبكده الغلاء مشكلته هتتحل يعني ناخد واقفه ضد اللي بيغلي الحاجه كانت افضلوشكرا
موضوع: رد: يوم الغضب !!! بل هو يوم انفجار الغضب 27/01/11, 03:25 pm
عندى كلام كتير عن الموضوع ده بس وعدت ناس غاليه عندى جدا انى ماااتكلمش فيه كفاية بس ان الاحداث دى خلتنى اعيش فترة كلها خوف وقلق وعصبية وعدم تركيز ومازلت
موضوع: رد: يوم الغضب !!! بل هو يوم انفجار الغضب 27/01/11, 05:49 pm
elavokato كتب:
سلامو عليكو ياشباب انا معاكم قفي اللي بتقولوه بس المشكله هي ايه مش موضوع مظاهره ولا غيره المهم انالمظاهره تكون سلميه يعني مطلعشي اخرب في البلد واقول عاوزين نغير قبل منغير اي حد لازم نغير انفسنا وانا معاكم ان البلد في حاله سيئه جدا بس اللي المفروض ناخد بالنا منه مش ان احنا نغير الريس كما يدعي الكثيرووووووووووووووووون ولكن اللي المفروض يتغير هي الوزارات والريس هو اللي يغير الحكومه اقولكم ليه الراجل ده محافظ عالبلد من بره هو اي نعم مش مهتم بالبلد من جوه خالص الا قليل بس اللي الراجل عامله بعدكم عن الحروب وانا ضد الكثير اللي بيقولو البلد مش هيتصلح حالها الا لما حد يحتلا اذاي بس تتوقع ازاي البلد هتتطور لو امريكا ولا اسرائيل ولا غيرها موجوده هنا الطالب مش هيلاقي جامعه يروحها والصنايعي مش هيلاقي شغل وموظف الحكومه مش هيلاقي شغل اساسا ولا اي حاجه هتمشي وهيخربو كل حاجه يعني مش هيدخلو يشغلو الشباب ويبنو مستشفيات فلازم يا جماعه نصحح الهدف من المظاهره اولا تكون سلميه مش تخريبيه وثانيا ان الحكومه تتغير بس الريس هو اللي يغيرها انا مش بدافع عنه بس انا بتكلم من وجهه نظري ولازم كله يحط في الاعتبار ان الراجل مش مدخلكم في حروب ولا غيره والناس اللي عامله مظاهره عشان الغلاء لو كنا بدل المظاهره دي كنا اتجمعنا واتفقنا في يومين بس او تلاته ان احنا نمتنع عن الاكل والشرب او عالاقل عن الشراء وبكده الغلاء مشكلته هتتحل يعني ناخد واقفه ضد اللي بيغلي الحاجه كانت افضلوشكرا
تعرف يا احمد من كتر منا مذهول من ردك ومستغرب ان لسه فى حد بيفكر كده مش عارف ارد عليه من امبارح ريس مين دا يا حبيبى الى بتتكلم عنه يعنى باقى رؤساء الدول كل الى بيعملوا انهم باعدين بلادهم عن الحروب وطالما عملوا كده يبقوا زى الفل يابنى رئيس الدوله ده بتقع عليه مسؤليه سياسيه وفعليه عن كل شىء بيحصل فى البلد المسؤليه السياسيه بمعنى ان لو قطه كان واقفه فى قطر ووقعت تحت عجل القطر وماتت يتحمل وزير النقل مسؤليتها السياسيه تباعا لرئيس الدوله تقولى كفايه انه باعدنا عن الحروب يافرحتى ان رئيس دوله قاعد على كرسى بيذل الشعب وبيطلع عين اهله ونزله فى عيون كل الدول حواليه وكل ده علشان بيمعنه من الحروب راحت فين بقى احتياجات الشعب والناس الى بتموت من الجوع والناس المرميه فى الشوارع والموظفين الى مش بيلاقوا يكلوا والشباب الى بيتخرج بالالاف ومش لاقى شغل ولا عارف يتجوز والبنات الى بتعنس و و و و وعلى فكره بقى الشباب الى خرج فى مظاهره كلهم مثقفين وسياسين عاقلين وفاهمين يعنى ايه معارضه وكانت المظاهرات سلميه جدا الحد ما يلقوا بيضرب عليهم رصاص حى وقنابل مسيله للدموع فبقوا بيدافعوا عن نفسهم بالطوب
اقتباس :
عندى كلام كتير عن الموضوع ده بس وعدت ناس غاليه عندى جدا انى ماااتكلمش فيه كفاية بس ان الاحداث دى خلتنى اعيش فترة كلها خوف وقلق وعصبية وعدم تركيز ومازلت
انا عارف وعدتى مين بلا مبروك ان الامتحانات عدت والحمدلله انك رجعتى سليمه
موضوع: رد: يوم الغضب !!! بل هو يوم انفجار الغضب 02/02/11, 05:53 pm
اللى بيحصل فى ميدان التحرير كاااااااارثة ماينفعش كده كده الاوضاع بتسوء اكتر لازم الكل ينسحب سواء مؤيد او معارض لان فعلا هتبقى مصيبة وكارثة كبيرة جدا جدا لمصر
ازاى الجيش سايبهم كده انا مش مصدقة اللى بيحصل هو ليه كل لما الامور تبدأ تتحل بتتعقد تانى كفاية بقى دم والله العظيم حرام اللى بيحصل ده ...لازم الكل ينسحب من الميدان مؤيد او معارض كفانا اسالة للدم وكده هيموت اكتر من اللى ماتوا
موضوع: رد: يوم الغضب !!! بل هو يوم انفجار الغضب 02/02/11, 11:53 pm
انتى عاوزه الجيش يعمل ايه بالظبط عاوزاه يضرب الناس دى يعنى ولا ايه الى بيحصل غلط اكيد بس الحكومه مش بتتصرف صح الحكومه بتولعها والجزب الوطنى بيزود الفتنه ولو فضلت كده مش هتعدى على خير عن أبو هريرة رضي الله عنه أن النبي صلى الله عليه وسلم قال: ( سَتَكُونُ فِتَنٌ ، الْقَاعِدُ فِيهَا خَيْرٌ مِنْ الْقَائِمِ ، وَالْقَائِمُ فِيهَا خَيْرٌ مِنْ الْمَاشِي ، وَالْمَاشِي فِيهَا خَيْرٌ مِنْ السَّاعِي ، وَمَنْ يُشْرِفْ لَهَا تَسْتَشْرفْهُ ، وَمَنْ وَجَدَ مَلْجَأً أَوْ مَعَاذًا فَلْيَعُذْ بِهِ ) رواه البخاري (3601) ومسلم (2886
موضوع: رد: يوم الغضب !!! بل هو يوم انفجار الغضب 03/02/11, 02:40 am
اليوم السابع كتب:
نجح المتظاهرون بميدان التحرير فى السيطرة على الأوضاع فى جميع الاتجاهات والتفوق على مؤيدى مبارك، الذين كانوا متواجدين بقوة أمام مدخل التحرير من جهة المتحف المصرى ومن جهة شارع شامبليون.
وسيطر متظاهرو التحرير على الوضع بأكمله حتى امتداد شارع رمسيس ولم يتبقَ من مؤيدى مبارك سوى عدد قليل يقفون أعلى كوبرى أكتوبر، ويلقون قنابل المولوتوف والكرات النارية ويطلقون الرصاص فى الهواء، وهو ما نجم عنه إشعال منزل مقابل للمتحف المصرى، بجانب العديد من الحرائق أمام بوابة المتحف مباشرة،، ومن جانبهم نظم متظاهرو 25 يناير أنفسهم وشكلوا فرقاً لعلاج المصابين ودعمهم معنوياً.
موضوع: رد: يوم الغضب !!! بل هو يوم انفجار الغضب 03/02/11, 10:46 am
البيان اللى اجتمع عليه لجنه من حكماء مصر ودكاترة الجامعات ورجال اعمالها الغير مسيسين واللى بيحتوى على خمس نقط من المعتقد انه حل وسطى للأزمه
1- ان يكلف السيد مبارك الحكم للسيد عمر سليمان فى الفتر ه المتبقيه لولايته (6 شهور) ويكون تواجد...ه صورى وشرفى. 2- ان يتعهد عمر سليمان بحل حزبى الشعب والشورى ووزارة مبارك 3- ان يتعهد عمر سليمان بتشكيل... لجنه من قضاه مصر وحكمائها ورجال الدستور والحريات لتعديل كل نقط العيوب فى الدستور لصالح الديموقراطيه و الوطن 4- ان يتعهد بتشكيل وزاره تأسيسه من دكاتره الجامعات المعتدليين والمستقلين والشرفاء ويكونوا من العلماء بهدف اصلاح كل جوانب الحياه فى مصر التعليم الصحه العدل 5- ان يتعهد بانتهاء الفتره الاانتقالية ان يجرى انتخابات ديمقراطيه على رئاسه الجمهوريه ويتيح الفرصه لشرفاء مصر ان يخدموها واهم شى التعليم الامن الكرامة
موضوع: رد: يوم الغضب !!! بل هو يوم انفجار الغضب 03/02/11, 03:28 pm
اقتباس :
انتى عاوزه الجيش يعمل ايه بالظبط عاوزاه يضرب الناس دى يعنى ولا ايه الى بيحصل غلط اكيد بس الحكومه مش بتتصرف صح الحكومه بتولعها والجزب الوطنى بيزود الفتنه ولو فضلت كده مش هتعدى على خير عن أبو هريرة رضي الله عنه أن النبي صلى الله عليه وسلم قال: ( سَتَكُونُ فِتَنٌ ، الْقَاعِدُ فِيهَا خَيْرٌ مِنْ الْقَائِمِ ، وَالْقَائِمُ فِيهَا خَيْرٌ مِنْ الْمَاشِي ، وَالْمَاشِي فِيهَا خَيْرٌ مِنْ السَّاعِي ، وَمَنْ يُشْرِفْ لَهَا تَسْتَشْرفْهُ ، وَمَنْ وَجَدَ مَلْجَأً أَوْ مَعَاذًا فَلْيَعُذْ بِهِ ) رواه البخاري (3601) ومسلم (2886
ماقلتش يضربهم ياحسام بس ماكنش ينفع يكون فيه مواجهة اللطرفين عايزين البلد تخرب على الاقل كان لازم يتقبض على الناس اللى بتسبب الشغب لازم الجيش يرجع لمكانه الاصلى تانى احنا امننا بقى مهدد من جوه ومن بره
{.... ÊfiÌ⁄ شجن ....}
{..دموع تائبة..}
قلم مشارك
عضو منذ : 03/02/2011
عدد المساهمات : 58
نقاط النشاط : 73
العمر : 35
اعيش فى : بلـــ مصر ـــلد
بشتغل : لا أعمل خريجة
التقييم : 2
موضوع: رد: يوم الغضب !!! بل هو يوم انفجار الغضب 03/02/11, 06:17 pm
لالالالالالالالالالالالالالالالالا للمزيد من الدمااااااااااء
انا كنت مع الناس دى ولكن دلوقتى بعد سياسة السلاح ما دخلت الميداااااااان
لالالالالالالالالالالالالالالالالالالالالالا انا خايفة عليهم وربنا خايفة عليهم ومش عارفة ايه هيحص لهم
ستركـــــ يا ااااااااااااااااارب
ستـــــــــــــــر كـــــــــ
فى لغة خااااااادع لهم
حرمااااااااااااااااااان
سامحنى ع التعليق لانك قلبى ينفطر عليهم من اخى واختى وامى وابى وكمان ممكن ابنى
موضوع: رد: يوم الغضب !!! بل هو يوم انفجار الغضب 03/02/11, 07:27 pm
شجن كتب:
اقتباس :
انتى عاوزه الجيش يعمل ايه بالظبط عاوزاه يضرب الناس دى يعنى ولا ايه الى بيحصل غلط اكيد بس الحكومه مش بتتصرف صح الحكومه بتولعها والجزب الوطنى بيزود الفتنه ولو فضلت كده مش هتعدى على خير عن أبو هريرة رضي الله عنه أن النبي صلى الله عليه وسلم قال: ( سَتَكُونُ فِتَنٌ ، الْقَاعِدُ فِيهَا خَيْرٌ مِنْ الْقَائِمِ ، وَالْقَائِمُ فِيهَا خَيْرٌ مِنْ الْمَاشِي ، وَالْمَاشِي فِيهَا خَيْرٌ مِنْ السَّاعِي ، وَمَنْ يُشْرِفْ لَهَا تَسْتَشْرفْهُ ، وَمَنْ وَجَدَ مَلْجَأً أَوْ مَعَاذًا فَلْيَعُذْ بِهِ ) رواه البخاري (3601) ومسلم (2886
ماقلتش يضربهم ياحسام بس ماكنش ينفع يكون فيه مواجهة اللطرفين عايزين البلد تخرب على الاقل كان لازم يتقبض على الناس اللى بتسبب الشغب لازم الجيش يرجع لمكانه الاصلى تانى احنا امننا بقى مهدد من جوه ومن بره
المواجهه دى الى حددها ووضع قواعدها الحكومه حسبى الله ونعم الوكيل فى كل ظالم الجيش لو رجع لمكانه الشرطه وامن الدوله هياكلوا الشعب وهتبقى مذبحه صحيح هما فى مذبحه دلوقتى بس هتزيد حسبى الله ونعم الوكيل فى الى كان السبب وربنا ينتقملنا منه
موضوع: رد: يوم الغضب !!! بل هو يوم انفجار الغضب 03/02/11, 07:29 pm
دموع تائبة كتب:
لالالالالالالالالالالالالالالالالا للمزيد من الدمااااااااااء انا كنت مع الناس دى ولكن دلوقتى بعد سياسة السلاح ما دخلت الميداااااااان لالالالالالالالالالالالالالالالالالالالالالا انا خايفة عليهم وربنا خايفة عليهم ومش عارفة ايه هيحص لهم ستركـــــ يا ااااااااااااااااارب ستـــــــــــــــر كـــــــــ فى لغة خااااااادع لهم حرمااااااااااااااااااان سامحنى ع التعليق لانك قلبى ينفطر عليهم من اخى واختى وامى وابى وكمان ممكن ابنى
الواحد مش عارف يبقى مع مين ضد مين تعبنا من الى بنشوفه وبنسمعه كل شويه ربنا يستر على بلادنا واهالينا
موضوع: رد: يوم الغضب !!! بل هو يوم انفجار الغضب 03/02/11, 08:29 pm
انا مش بقول تهم وخلاص والادله كتير جدا جدا بس للى عاوز يصدق دا ممكن نعتبره دليل على الحقاره https://2img.net/r/ihimizer/img843/3766/16817110150389866545408.jpg
موضوع: رد: يوم الغضب !!! بل هو يوم انفجار الغضب 03/02/11, 10:54 pm
انا موبايل حالا ومش شايفه الصوره وخلاااااااااااااااااص مش هتكلم ف اي موضوع يخص السياسه انا اعصابي ادمرت ونفسيتي بقت زفت من الكلام ف الموضوع ده لان مافيش فايده انا اساسا استاهل اللي بيجرالي والكلام ده بقوله من بعد اللي شوفته ع الفيس وكان احلي قرار خدته من الاول اني ماتكلمش ف الموضوع ده والنت خلاص كرهته وكرهت اليوم اللي دخلته فيه
موضوع: رد: يوم الغضب !!! بل هو يوم انفجار الغضب 04/02/11, 10:07 pm
والله العظيم عصابه انا خايفه لانى حاسه انى الحكايه مش هتم على خير اولا الاهالى بتموت والناس البرئيه بتروح حسنى اها هيمشى وبعد لما هيمشى هتحصل فوضى فى البلاد ومش بعيد تبقى فى حرب من امريكا واسرائيل وفى الاخر مصر هى الاادمرت وهتدمر
موضوع: رد: يوم الغضب !!! بل هو يوم انفجار الغضب 06/02/11, 12:26 am
ربنا يعديها علي خير بس المشكله الاكببببببببببببببببببببببر ان الشباب المحترم عمل مظاهره وانا معاه في كده بس المشكل الاكبر ان البلطجيه الله يخرب بيتهم نزلو هما كمان واستظلو تحت ظل المظاره وهما نازلين يربو في البلد لان ليس من المنطقي ان شباب طالع يعمل مظاهره يخرب ويضرب في اامن انا مش بدافع الامن هو كمان ضرب وحصل خلافات وضرب كتير بس اللي بقوله ان لو المتظتهرين دول مشيو في مظهره سلميه استحاله حد يقدر يقربولهم واكيد انتو عارفين الثورات للي قامو بيها ايام سعد زغلول وعرابي والناس دي كلها لا كان فيها تخريب ولا ضرب ولا غيره لكن بالمنظر ده ربنا يستر وربنا يستر كمانلان الناس اللي بره كلها منتظره يوم تشوف فها صر ده عشانتفرح فيها ووقع بينها وتنيل الدنيا وكويس عملتالظاهره حاجات كتير كتغير الحكومه وغيره كتير بس المشكله ان انتو بتتكلمو في رحيل راجل مينفعشي يرحل بعد كل ده يعني مش مكافأه نهايه الخدمه الرلاجل بوظ البلد جوه بس كان حميهامن بره ابسط حاجه لو اي اريس تاني في ظروف الماتشات بتاع مصر والجزائر كان قالك لا شعبي اتبهدل وطلع الطيران وضرب وعمل حروب لكنه خايف عالبلد انا مش بدافع عنه بس لازم نفتكرله الحلوه والوحشه والراجل قال انه مش هيترشح تاني ولا هو ولا ابنه يعني خلاص اللي صبر الشعب ده تلتين سنه مش هيعرف يصبر كمان كم شهر انا بس هدفي من كلاميان الامور تهدي والبلد تمشي لان لو الرجل مشي زي ماحنا عاوزين ومطالبينه بالحيل ايريس هيجي بعده اكيد كلنا مش هنكون موافين عليه في حد موافق وحد ممعارض يقوم المعارضين طالعين بمظاهره يتغير فيها ومظنش ده ينفع والراجل ده قائد عسكري يعني مش هينفع يضيع تاريخه وانا كلمه بقولهالكو هو قال وسيشهد التاريخ .......... مش فاكر المقوله بالظبط يعني التاريخ هو اللي يحدد زمني كان عامل ازاي يعني الراجل زي مافي غلط كتيييييييييييييييييييييييييييييييييييير برضه في اصلاحات مهو اللي عمل الديمقراطيه دي وهو لو مكنشي خايف عالبلد كان داس اللي في ميدان التحرير بالدبابات وموتهم بس امريكا واسرائل هتيجي وتقولك حقوقانسان وغيره والدنيا تتقلب لكنه في عز اازمات سياسي
26/01/11, 08:01 pm
