قلم نشيط
عضو منذ : 13/12/2009 عدد المساهمات : 386 نقاط النشاط : 449 العمر : 33 اعيش فى : El Mahalla City بشتغل : StudenT الهوايات : ChesS التقييم : 0
|  موضوع: انواع البنات ع النت  14/12/09, 11:46 pm | |
|
تعالو نشوف ايه ومين هما البنات عالمنتديات العربية
فى بنت بتكون عايزة تعمل دلوعه ورقيقه ههههههه
ودى تلاقيها حاطه دايما صور دباديب واطفال وصور كارتون زى " سالى وليدى " وغيرها
ودايما تكتب بألوان هادية وجذابة " وردى والاحمر "
وتلاقيها دايما بتتنقل من موضوع لموضوع كل 3 ثوانى علشان اسمها يتنشر فى المنتدى
واذا دخلت موضوع لولد وكان موضوع مرعب ولا حاجه
تلاقى طالع منها ردود عسلية خالص
اهئ اهئ اهئ
واااااااااء وااااااء
الحقينى يامامتى
تعالى خدينى ياماما
دا انا مش هيجينى نوم النهاردة
اهئ اهئ اهئ ياقاسى
وعاملة فيها فافي اوى
فى بنت نوع تانى اللى هي بتعمل مريضة
تلاقيها داخلة كل موضوع بالوباء كدا
يااااااااااااااااااااااااااااااااااى انا تعبانه اوى وعندى برد فظيع فظيع
مش قادرة اخد نفسى .. هموووووووووت ياناس
اهئ اهئ مش عايزة اروح مستشفى انا مش بحب الحقنه
اهئ اهئ اهئ
وبعدين تبطل عياط وتدخل علينا بالكحه
ودى بقى مش بتسيب حد فى المنتدى الا وبيعرف انها مريضة
بتنتشر فى جميع انحاء المنتدى علشان الكل يعرف انها مريضة
وفاكرة نفسها خفة بقى وبتستعطف الى قدامها بالكحه
يحرق يولع الخفة اللى بالشكل دا
فى النوع التالت بقى اللى هو المثقف
وياااااااااسلام بقى لو كانت جامعية ولا حاجه
تفضل تحكى عن الكلية بتاعتها وتقولك انا انا انا
وعندى بكرة exam ومش عندى مزاج اذاكر
وال exam صعب عليا والشباب يخفف عنها شويه شويه
وياسلام لو ميعادها قرب تجرى تعمل موضوع طويل عريض وتقولك عندى examياجماعه ودعواتكم ليا ال يعنى الجمهورية كلها محدش بيمحتن غير المحروسةبسلامتها
وهي اساسا تلاقيها واخدة دبلوم وملقحه فى البيت
النووووووووع الروش
دا بقى نوع تلاقية اشترك فى المنتدى النهاردة مثلا
فى يومين تلاقيها 3000 مشاركه
لها فى الموضوع الواحد 40 رد
حد يقولها شكرا تقوله ميرسيه وتعمل الايموشن المكسوف تقولش الواد مقعدها ادامه وبيرسم لها بورتريه
وياسلام بقى لو موضوع كاتبة مشرف ولا حاجه
ياسلام عالفن وياسلام عالابداع بس حضرتك فى حاجه صغنونه مش فهماها
ممكن تراسلنى عالايميل علشان استفيد من علمك شوية
ودى تلاقي الرسايل الخاصة عندها اد كدا
وتمسك الاعضاء تترسم قدامهم انها مصاحبة المشرف الفلانى
وتترسم عالمشرفين انها بنت عم المشرف العام الفلانى
وفى الاخر تلاقيها عاملة نفسها اخت صاحب المنتدى
ولو حد جه فى موضوع وقالها يابت بس تلاقيها راحت عملت مواضيع بالعبيط وتقول انا هسيب السايت
انا هنتحر ،، وهرمى نفسى من فوق السطوح
وتلم الناس كلها حواليها ولو تقدر تجيب الناس اللى فى المواقع الى جنبنا كمان هتعملها
فى بقى النوع الاليط
تعمل فيها البنوته المدللة الدلوعه
اذا دخلت موضوع عن الطبيخ تقولك تسلم ايدك بس انا مليش دعوة بالحاجات دى .. عندنا 3 طباخين هما اللى بيعملوا كل حاجه
وهي اساسا تلاقيها ايديها وارمه من غسيل الصحون ويمكن عربيات كمان
وياسلام لو دخلت موضوع عن اماكن سياحية ولا حاجه
اول ما تدخل تقولك
Wo0o0o0o0o0o0o0o0o0o0oW
دا نفس المكان الى بروحه انا ودادى كل صيف
واحنا اساسا عندنا محلات وشركات وعقارات هناك
وهيا اساسا اخرها Giza Zoo
دا اذا ابن الجيران رضى عنها وخدها يفسحها هناك
والنوع دا بقى لو اتكلمت قدامه عن المحلات والمولات وكدا
تقولك انا اساسا الساعات اللى عندها كلها من نفسالماركه دى والمكياج بتاعى مش بشترية الا من المحل دا والمصمم اللى بصممعنده بيجاماتى وعباياتى وفساتينى ..... الخ الخ
..............
أول نوع " الافاتر "
دى بقه تلاقيها حاطة صور رمزية بالشكل ده
وطبعا بتحط الصور دى عشان تعرفك انها رقيقة وحساسه اوى
ودايما تلاقيها راشقه في اى موضوع يخص الشباب وتدخل تقولك " omg "
ولو الشباب فاتحين موضوع عشان يتقابلو وبيتفقوا مع بعض على مكان معين تلاقيها داخله مفروسه اوى وهتموت عشان حد يقولها تعالى معانا بس طبعا هى بتترسم انها مش عاوزه تروح وكدا
تروح واخده اقتباس لاى مشاركة وتحط ايموشن زى ده
عشان حد طبعا ياخد باله و يقولها ما تيجي معانا ويفتحو معاها الكلام " وطبعا يبقه الكلام جه من جانب الشباب " وبعدين يعرضوا عليها الفكرة " تقولهم هافكر " ال يعني عينها مش هتطلع على الميتينج
....
تانى نوع " انفصام في الشخصية "
طبعا دى لازم تلاقي واحده ماشيه وراها في كل حته في المنتدى
وكل ما تقول حاجة التانية تدلعها تقولها " صح يا ميمي عندك حق " وهكذا
لازم تلاقي واحده ماشيه في ديلها على طول وتلاقيهم في كل توبيك في المنتدىواحيانا مشاركتهم بتكون ورا بعض وكل ما واحده تقول كلمة التانية لازم تعلقعليها " طبعا هما شخصية واحده بس هى بتحب تشتغل نفسها وتحب تعرف الناس ان ليها انتيم جامده اوى "
.........
تالت نوع " البنت الواقعه "
دى بقه يكون ليها صاحب قريب منها اوى وتكون عينها هتطلع على الواد فتعمل ايه عشان الواد يعبرها " كل يومين تقوله مش انا اتقدملي عريس "
وطبعا لازم تقول العريس بيشتغل " طيار أو مهندس بترول " وطبعا دى اشتغالات عشان توقع صاحبنا المغفل
تلاقيها في مرة تانية تقوله " امبارح كنتراجعه من الكليه وحسيت ان حد ماشي ورايا فقلت اتلفت اشوف مين فببص لاقيتراجل طول بعرض لابس بدله وكرافته ونضاره شمس وماسك في ايده شنطه سودا بسايه كان زى القمر .. عامل كده زي العيال اللي كانوا بيطلعوا في إعلاناتجمعية شباب المستقبل بتاعت جمال مبارك "
وتقعد تشتغل الزبون واساسا تلاقي اللى كان ماشي وراها سواق ميكروباص ده اذا اصلا حد بصلها في الشارع
وطبعا كل ده رسم على الزبون عشان يحبها ويروح يتقدم لها
..........
رابع نوع " اللى شايفه نفسها اوى "
دى بقه تصحا من النوع " شعرها مغندف ووشها عامل زى فردة الكاوتش التيوبلس " تروح مشغله الكمبيوتر وتروح ملطوعه ادام الجهاز وتفتح المنتدى وتبدء تعمل توبيك جديد عن " المكياج " وتقعد تشتغل الناس اللى في المنتدى وتقولهم
نصيحة مهمة بالنسبة للماركات اللى انا بستعملها
" مكياج الصبح هاتو كريم الأساس السائل من kanebo liquid finish ماركة كانيبو "
" وبالليل حطو diorskin fluide طبعا كريم أساس وخدو نفس البودرة من كرستيان ديور "
" وتحديد الشفايف افضل ماركة بييركاردان "
" احسن كحل سائل lancome لانه مش بيسيح ولا بيعمل سواد تحت العين وفيه جميع الالوان "
وطبعا كل ده بتهييس على البنات اللى في المنتدى وهى اساسا بتشترى الحاجات دى من على الرصيف واحيانا بتجيب الكحل من اللى باتنين جنيه
.............
خامس نوع " اسم مش على مسمي "
دى بقه تلاقيها لازم يكون اسمها على المنتدي " ميمي / ميرو / ساسو / نانى / نونا / دودى / سوسو / قطه "
وتلاقيها عايشه الدور على الاخر وعامله فيها " كاميرون دياز "
ودي لو شوفتها تلاقي اسمها الحقيقي " نفيسه / مرزوقه / عطيات .......... وهكذا "
وتلاقيها من الوزن التقيل " 90 وانت طالع " شبه وابور الزلط اللى بيسفلت الشارع مع الإعتذار طبعا لوابور الزلط
نظراً لانها مورهاش غير القاعده على المنتدى والاكل والشرب والنوم
.........................
رجاء محدش يزعل منى| {.... ÊfiÌ⁄ A7meD zEwAiN ....} | |
عدل سابقا من قبل شجن في 18/12/09, 11:08 am عدل 2 مرات (السبب : ممنوع الكتابة باللون الازرق لغير الادارة والاشراف العام) |
|
مشرف عام فضفضه كول
عضو منذ : 17/09/2008 عدد المساهمات : 13622 نقاط النشاط : 8865 العمر : 29 اعيش فى : المحله بشتغل : طالبه الهوايات : فضفضه كول التقييم : 11
| | موضوع: رد: انواع البنات ع النت 16/12/09, 12:48 am | |
|
فى النوع التالت بقى اللى هو المثقف
وياااااااااسلام بقى لو كانت جامعية ولا حاجه
تفضل تحكى عن الكلية بتاعتها وتقولك انا انا انا
وعندى بكرة exam ومش عندى مزاج اذاكر
وال exam صعب عليا والشباب يخفف عنها شويه شويه
وياسلام
لو ميعادها قرب تجرى تعمل موضوع طويل عريض وتقولك عندى examياجماعه
ودعواتكم ليا ال يعنى الجمهورية كلها محدش بيمحتن غير المحروسةبسلامتها
وهي اساسا تلاقيها واخدة دبلوم وملقحه فى البيت
هههههههههه
ميرسي عالتوبيك يااحمد
وممنوع الكتابة باللون الازرق لغير المشرف العام
|
|
قلم نشيط
عضو منذ : 13/12/2009 عدد المساهمات : 386 نقاط النشاط : 449 العمر : 33 اعيش فى : El Mahalla City بشتغل : StudenT الهوايات : ChesS التقييم : 0
| | موضوع: رد: انواع البنات ع النت 16/12/09, 06:15 pm | |
|
سورى ريرى انا مش اى حد| {.... ÊfiÌ⁄ A7meD zEwAiN ....} | |
|
|
قلم ذهبى
عضو منذ : 14/09/2008 عدد المساهمات : 5933 نقاط النشاط : 3574 العمر : 35 اعيش فى : سمنود بشتغل : صيانه الكمبيوتر الهوايات : الرومانسيه التقييم : 6
| | موضوع: رد: انواع البنات ع النت 16/12/09, 10:50 pm | |
|
ميرسي عالتوبيك يا ريس
بس كده انت
نيلت الدنيا خالص
هههههههههههههه
بس والله توبيك جميل
تسلم ايدك يا معلم | {.... ÊfiÌ⁄ elavokato ....} | |
|
|
قلم نشيط
عضو منذ : 13/12/2009 عدد المساهمات : 386 نقاط النشاط : 449 العمر : 33 اعيش فى : El Mahalla City بشتغل : StudenT الهوايات : ChesS التقييم : 0
| | موضوع: رد: انواع البنات ع النت 17/12/09, 08:17 pm | |
|
ثانكس افوكاتو شهاده اعتز بها يا باشا| {.... ÊfiÌ⁄ A7meD zEwAiN ....} | |
|
|
قلم ذهبى
عضو منذ : 14/09/2008 عدد المساهمات : 5933 نقاط النشاط : 3574 العمر : 35 اعيش فى : سمنود بشتغل : صيانه الكمبيوتر الهوايات : الرومانسيه التقييم : 6
| | موضوع: رد: انواع البنات ع النت 24/12/09, 08:27 am | |
|
ههههههههههههه
طيب يا عم مبروك عالشهاده
بس ليه
انت مش اي حد
في قوانين للمنتدي تمشي عالناس كلها| {.... ÊfiÌ⁄ elavokato ....} | |
|
|
قلم مشارك
عضو منذ : 17/06/2010 عدد المساهمات : 84 نقاط النشاط : 88 العمر : 33 اعيش فى : Alex بشتغل : student الهوايات : التايكوندو التقييم : 1
| | موضوع: رد: انواع البنات ع النت 27/06/10, 03:04 am | |
|
هههههههههههههههههههههه
نص كلامك صح فى بنات كتير بالهبل دة
ربنا معاهم ويهديهم  |
|
قلم متميز
عضو منذ : 14/03/2011 عدد المساهمات : 1945 نقاط النشاط : 1786 العمر : 42 اعيش فى : مصر بشتغل : لا التقييم : 6
| | موضوع: رد: انواع البنات ع النت 02/04/11, 05:40 pm | |
|
ايه المشكله دي طبيعه
حتى علشان نعرف بعض اكتر
شكرا على الموضوع |
|
