انا اااااااسف ياريس

مشرف عام فضفضه كول · عضو منذ : 24/10/2010

بصراحه من ساعه ما الريس اتنحى او اتخلع انا كنت فرحاااااااانه جدا ذى كل الناس وبعدين بقيت اسمع عنه اخبار وحشه حسيت بالذنب
بس كل اماافتكر الى عمله ارجع اقول يستاهل مهو برضه ظلمنا كتيررررررررر
الموضوع ده مش انا الى كتباه وعاوزه اعرف رايكم فيه وهل انته هتسامحوه على الى عمله ولا هتقولو
انا ااااااااااااسف ياريس
ياريت كل واحد يقول رأيه ويلاش تقرأو الموضوع وخلاص

كلامي
اللي جاي لكل شخص بيقول انا اسف ياريس وارحموا عزيز قوم ذل ورد الجميل للرئيس
القائد

انا ياريس اسمي عادل صليب ؛ مصر ؛
مسيحي (حسب بطاقة البلد) ؛ من اللي راحوا ولسه بيروحوا التحرير من
اللي نزلوا يوم 25 و28 ياريس عندي يدوب كلمتين وعاوز ااقولك اسف فيهم بجد .

انا اسف ياريس : ان اهلي علموني زي
ما اهلهم ربومهم ان المشي جنب الحيط امان وان المشي جوة الحيط استقرار ...

انا اهلي قلولي من خاف سلم ونسيوا
ياريس ان الموت مش هيفرق من ظابط او من سكتة قلبية او بلفافة بانجو

انا اسف ياريس لان عمري 24 سنة
وقضيتهم في سكوت وخوف وضعف واستستلام

اسف ياريس لاني مكنتش اعرف في مصر
غير رسمة اكتوبر في المدرسة كل سنة واللي كانوا بيقوله في التلفزيون عن دورك
السياسي والاجتماعي

اسف ياريس لاني اتمردت عليك وكنت
ابن عاق لاب وحضن كبير زيك ... كنت ناكر للجميل ياريس لبطل اكتوبر
اللي خطط للضربات الجوية (اللي اشك ان
حد من مؤيديك قرأ اي كتاب عن حرب اكتوبر وليه الفريق الشاذلي لانهم حتي ميعرفوش مين هو الشاذلي)

اسف ياريس بس مكنش ينفع ان اشوف
بطل اكتوبر وهو بيدخلي اكل مسرطن وقتل من الشرطة وهواء ملوث وسرقة
اعضاء وتشريد و35% من اهل بلدي تحت خط الفقر ...ياريس مكنش ينفع صدقني

انا اسف ياريس اني كنت مقتنع بان
كل قتل المسيحين كان منك وبايدك رجلاتك واشوف بتضيع مني بلدي وحقي
كمواطن فيه دون النظر عن ديانتي واشوف ناس بتاخد جنب وكذلك الناس التانية وانا واقف في النص لاني رافض اسمع كلام حد غير عقلي
وعقلي قالي العيب في النظام مش في الدين

اسف ياريس اني مقدرتش اصدق رجالتك
وهما بيقولوا ان خالد سعيد بلع لفافة بانجو رغم اني معرفوش بس صوره
وهو مشوهة خلتني افتكرت اني درست في مدرستي بنظام تعليمك ان البانجو مش بيشوه الوش بس هو ممكن يشوه المخ وينيمه 24 سنة
ويسكته علي الظلم والعنف ده كله

انا اسف ياريس عليك انت انك تكون
ضحيت عشان تحرر بلدك وتسرقها وتنهبها وتقتل شبابها اللي في يوم
كانوا تحت قيادتك ومنهم استشهدوا عشان حضرتك تركب كرسي الرئاسة ياريس وكل مرة تترشح لوحدك وتقتل اكتر وتسرق اكتر وتبوظ
تعليمنا وصحتنا وحياتنا

انا اسف ياريس انا صحيح اتعلمت في
مدرسة خاصة ومتعلجتش في مستشفي حكومي بس لما اشوف ناس بتموت
ياريس وانت سايب ولادك يسرقوني وبتعالج الحرامية اصحابك علي حساب الدولة والاطفال بتموت في مصر عشان مستنين دور الكشف في
المستشفي الحكومي

انا اسف ياريس اني خرجت عن طوعك
واتظاهرت ماهو يمنفعش اعرف ان 45% من سكان بلدي في العشوائيات
وانت وابنك واصحابه بتعملوا مدن وهمية بالملاين وانتم بايعين المتر بنص جنية وب5 قروش (زي ما اصحابك و مواظفينك عملين
يطلعوا كل بلاويك دلوقتي بعد تنحيك الاجباري بـ 24 ساعة)

انا اسف ياريس اني والعيال بتوع التحرير
واحنا عارفين انك عضمة كبيرة ومش حمل هزة طلعنا نقولك
ارحل وامشي ومرعناش عشرة عمرك معانا 30 سنة ومرعتش شيبتك ولا استنيت تخرج بكرامة مع ان ياريس(كرامة مصر من كرامة المواطن ...ولا
مساس بكرامة المواطن)

فاكر كلامك ده ياريس ؟ قد ايه كان
مبهر وانا بشوف مروة الشربيني والمصري اللي اتقتل في لبنان ولا
اعتقالات المصريين في السعودية والكويت واهو بنجامل بعض كاصحاب كراسي ... ياريس لو المصري الصغير ده ملوش كرامة انا اسف
اني مرعتش كرامة حضرتك

ياريس مكنش ينفع اشوف ميتين تاني
مكنش ينفع حتي اسيب اصحابي يوم 25 يناير ولا 28 يناير ... مكنش ينفع صدقني

انا اسف ياريس لان معيطيتش لما
حضرتك القيت الخطاب اللي كان بعد جمعة الغضب
ومكلفتش خاطرم تعزي امهات الشهداء بكلمة ...عيني مدمعتش ياريس بل الاكثر انها مرمشتش ... انا فاكر
اني ساعتها عيني احمرت قوي وحسيت قد ايه انت لا تصلح ان يطلق عليك انسان ...انت رجل بلا انسانية

انا اسف ياريس اني مصدقتش وعودك
الكدابة لاني جربتها انا واهلي 30 سنة ومكنش
عندي استعداد الاقي ناس تانية بيتداس عليها عشان حضرتك تزود رصيدك في البنك او عقارات ولادك واحفادك
ورجالاتك

اسف ياريس لاني لما سمعت انك عيان
بالمرض البطال (لو كان بجد) متعطفتش معاك ..مش عشان قلبي
حجر ..بس عشان قلت ده مصري ولازم
يتعالج كمصري بس افتكرت ياريس ان الانتظار في معهد الاورام طويل
ياريس
..معرفش وصلك مع شيكات تحويل فلوس مصر ان مصر فيها اعلي
نسبة سرطان ولا لا
بس دي الحقيقة ...وحضرتك قلت ان المواطن اهم ياريس ...وفيه الاف
المواطنين من
شعبك واقفين طوابير عاوزين علاج ومش بيلاقوا وبيموتوا في الانتظار

انا اسف ياريس اني مش قادر اسامحك
...مش قادر اشوف بلدي بتضيع بايديك واسكت وحتي لما خلاص ..مش مسامحك
لاني كل مابحاول واغمض عيني بشوف صورة سالي واحمد ايهاب وشهداء ثورة 25 يناير وشهداء العبارة(عبارة من اللي
بيغرقوا دول) وشهداء الدويقة(اللي ماتوا من عشوائيات جنابك) وشهداء نجع حمادي وكنيسة القديسين
وغيرها كنايس كتير

انا اسف ياريس اني ضيعت من وقتي
ومجهودي اني اكتب كل الكلام ده وانا ورايا
حاجات اهم اعملها ..ادور علي المعتقلين اللي وانت في اخر ايامك سحبتهم علي سجونك و اشوف الناس اللي
اتصابت بسبب انك رافض تخرج خروج مشرف وفضلت تقتل شعبك علي انك تسيب السلطة والكرسي (مع اننا مكناش هنزعل لو خدت الكرسي معاك
وكنا هنجيب كرسي من الهلال والنجمة)

انا اسف ياريس اني بصلي كل يوم
ويتمني امنية واحدة ان ربنا يمد في عمرك
ويحفظك وتعيش عشان تتحاكم في بلدك وتتسجن وتشوفنا واحنا بنعيد كل اللي بوظته في الـ 30 سنة دول

اسف انك سرقت وقتلت ونهبت واشتريت
بيوت وقصور بس نسيت تسال اهم سؤال لو جه يوم زي 11-2-2011 ولو
فعلا تعبان ..هتعمل ايه بكل فلوس العالم وكل العز ده ... هتعرف لما تقف قدام ربنا ويفكرك بحرقة قلب كل اب وام من الشهداء وكل
حد مات من الاهمال في المستشفيات واللي
سابوا تعليمك البايظ واعلامك الكداب وثقافتنا الضحلة واثارنا
المهربة واكلنا
المسرطن وهوانا الملوث وصحتنا اللي بايظة ...

انا اسف ياريس حتي بعد ماتنيحت
بالاجبار من العيال (سابهم يلعبوا...لحد ما لعبوا في كل
تاريخك) .... العيال دي نزلت ولسه بتنزل التحرير ... بتعمر وبتطالب بباقي حقوقها
الشرعية كبني ادمين ....
كمصريين ... كناس اخرين بطلت تخاف وعرفت ان بعد القنابل
المسيلة للدموع
والرصاص المطاطي والحي والبلطجية والنومة علي الرصيف في عز التلج
...ان محدش بيموت
ناقص عمر

بس كلمة حق وموته افضل من عيشة في
ذل ومهانة

اهداء اللي : شهداء 25 يناير وكل
شهداء الاهمال والعنف التي تسبب فيها الريس (المخلوع والسابق) محمد حسني مبارك

-**********************-

يا ر يس احترامي ليك كان من
احترامي لنفسي

بس رغم كل اللي اتقال دا زي
مفاكرلك الوحش هفضل فاكرلك الحلو

{.... ÊﬁÌ⁄ زهرة الجنه ....}

مشرف عام فضفضه كول · عضو منذ : 17/09/2008

انا من ساعة ما هو اتنحى وانا مش مبسوطه
متهيألي ان انا الوحيده اللى زعلت
بصراحه مكنش يستحق مننا ده كله مهما كان
زى ما كان ليه الحلو
بردو لازم يكون ليه الوحش
ومش زنبه ان اللى حوليه كانوا بيقصروا عليه
عموما ربنا معاه ويشفيه من اللى هو فيه
وميرسي على الموضوع يانور
تسلم ايدك انا اااااااسف ياريس 648554

{.... ÊﬁÌ⁄ rere ....}

مدير فضفضه كول · عضو منذ : 03/10/2007

انا بقى مش عارف ايه الحلو الى بتتكلموا عنه انا عن نفسى مشفتش اى حلو
بس انا فعلا اسف يا ريس
اسف يا ريس ان يوم 25 يناير ماكانش سنة 2005
أنا اسف عشان ماقدرتش من زمان أقول لأ للظلم لأ للفساد لأ للقهر لأ لأ وألف لأ لقتل الاطفال الابرياء
انا اسف عشان اليوم ده اتاخر كتييييييييييييييير
انا اسف ياريس انى سكت عليك كل الوقت ده اسف انك ماتطردتش من زمان اسف اننا سكتنا على نهبك وسرقتك لينا طول 30 سنه
كُلما تذكرت أنك تركت قتلة راكبي العبارة أحراراً
كُلما تذكرت مدى فسادك و فساد حاشيتك في مصر
كُلما تذكرت مدى قهرك لهذا الشعب و سرقة مقدراته
كُلما تذكرت مدى انتهاك قوات أمنك لكرامة شعب مصر
كُلما تذكرت من قُتلوا و سُجنوا لاختلافهم معك في الرأي
كُلما تذكرت أنك سلمت أهل غزة للصهاينة ليجوعوهم و يحاصروهم
كُلما تذكرت كم الفتن التي كانت حكومتك تُحاول أن تزرعها بين المسلمين و المسيحيين
أقول أنا فعلا آسف ياريس
انا اسف علي روح الشهداء الي راحو وهما بيحمو البلد الي انت عايش فيها
انا اسف علي الي نهبو البلد تحت رعايتك وحميها حرميها
انا اسف انى مثورتش من زمان
انا اسف انى استحملت الهوان
انا اسف على احلى سنين عمرى اللى كان
انا آسف علشان دم الشهداء
انا آسف لأنك زورت الأنتخابات و لغيت إرادة الشعب
انا آسف لأنك حكمتنا 30 سنة بقانون الطوارئ و جهاز امن الدولة
انا آسف لأنك صدرت الغاز لإسرائيل و بسعر مدعم كمان
انا آسف لأن كان كل همك في اخر 6 سنين توريث الحكم للننوس الصغير (جمال)
انا آسف لأن اكتر من 40% من الشعب تحت خط الفقر
انا آسف علشنا المليارات اللي عندك و عند الوزراء
انا آسف يا رئيسنا المخلوع ، يا ريت لو ينفع نخلعك كل يوم
انا آسف لأنى فكرت للحظة أن عندك قلب تخاف بيه على شعبك
انا اسف لانى طلبت حقى بالذوق وانت رفضت
انا اسف لانى قلت سلميه ضربتنى بالرصاص الحى
انا اسف لاى قلت لك مزور قلت لى سيبوهم يتسلوا
انا اسف عشان قلت لك حراميه قلت دول وزراء واعضاء مجلس شعب واسياد البلد
انا اسف لانى صرخت لما قتلت خالد سعيد وبلال فقلت انهم مدمنين ومجانين
انا اسف ايها الحقير القاتل الخائن السارق لانك الان على قيد الحياه وحر طليق الى الان ولكن اعلم ان هذا لن يدوم

{.... ÊﬁÌ⁄ ابن الاسلام ....}

مشرف فضفضه كول · عضو منذ : 05/11/2010

والله احنا مشفناشى حاجه حلوه منه
بس من يوم ما اتولدنا ومين راسينا هو مبارك الواحد اخد على كده
ربنا يسامحه ويتولاه برحمته

{.... ÊﬁÌ⁄ نور احمد ....}

مشرف عام فضفضه كول · عضو منذ : 24/10/2010

rere كتب:: انا من ساعة ما هو اتنحى وانا مش مبسوطه
متهيألي ان انا الوحيده اللى زعلت
بصراحه مكنش يستحق مننا ده كله مهما كان
زى ما كان ليه الحلو
بردو لازم يكون ليه الوحش
ومش زنبه ان اللى حوليه كانوا بيقصروا عليه
عموما ربنا معاه ويشفيه من اللى هو فيه
وميرسي على الموضوع يانور
تسلم ايدك

مش انت الوحيده ولا حاجه فى ناس زعلت بس قليل قوى
انا فرحت جدا لما مشى بصراحه هو خرب البلد بس بعدين صعب عليا لما عرفت انه تعبان
بس هو يستاهل لانه خان الامانه ومعرفش يحافظ على البلد وسابها لابنه واصحابه ينهبوا فيها
ميرسى ياريرى لورورك نورتى التوبيك

اقتباس :: ا بقى مش عارف ايه الحلو الى بتتكلموا عنه انا عن نفسى مشفتش اى حلو
بس انا فعلا اسف يا ريس
اسف يا ريس ان يوم 25 يناير ماكانش سنة 2005
أنا اسف عشان ماقدرتش من زمان أقول لأ للظلم لأ للفساد لأ للقهر لأ لأ وألف لأ لقتل الاطفال الابرياء
انا اسف عشان اليوم ده اتاخر كتييييييييييييييير
انا اسف ياريس انى سكت عليك كل الوقت ده اسف انك ماتطردتش من زمان اسف اننا سكتنا على نهبك وسرقتك لينا طول 30 سنه
كُلما تذكرت أنك تركت قتلة راكبي العبارة أحراراً
كُلما تذكرت مدى فسادك و فساد حاشيتك في مصر
كُلما تذكرت مدى قهرك لهذا الشعب و سرقة مقدراته
كُلما تذكرت مدى انتهاك قوات أمنك لكرامة شعب مصر
كُلما تذكرت من قُتلوا و سُجنوا لاختلافهم معك في الرأي
كُلما تذكرت أنك سلمت أهل غزة للصهاينة ليجوعوهم و يحاصروهم
كُلما تذكرت كم الفتن التي كانت حكومتك تُحاول أن تزرعها بين المسلمين و المسيحيين
أقول أنا فعلا آسف ياريس
انا اسف علي روح الشهداء الي راحو وهما بيحمو البلد الي انت عايش فيها
انا اسف علي الي نهبو البلد تحت رعايتك وحميها حرميها
انا اسف انى مثورتش من زمان
انا اسف انى استحملت الهوان
انا اسف على احلى سنين عمرى اللى كان
انا آسف علشان دم الشهداء
انا آسف لأنك زورت الأنتخابات و لغيت إرادة الشعب
انا آسف لأنك حكمتنا 30 سنة بقانون الطوارئ و جهاز امن الدولة
انا آسف لأنك صدرت الغاز لإسرائيل و بسعر مدعم كمان
انا آسف لأن كان كل همك في اخر 6 سنين توريث الحكم للننوس الصغير (جمال)
انا آسف لأن اكتر من 40% من الشعب تحت خط الفقر
انا آسف علشنا المليارات اللي عندك و عند الوزراء
انا آسف يا رئيسنا المخلوع ، يا ريت لو ينفع نخلعك كل يوم
انا آسف لأنى فكرت للحظة أن عندك قلب تخاف بيه على شعبك
انا اسف لانى طلبت حقى بالذوق وانت رفضت
انا اسف لانى قلت سلميه ضربتنى بالرصاص الحى
انا اسف لاى قلت لك مزور قلت لى سيبوهم يتسلوا
انا اسف عشان قلت لك حراميه قلت دول وزراء واعضاء مجلس شعب واسياد البلد
انا اسف لانى صرخت لما قتلت خالد سعيد وبلال فقلت انهم مدمنين ومجانين
انا اسف ايها الحقير القاتل الخائن السارق لانك الان على قيد الحياه وحر طليق الى الان ولكن اعلم ان هذا لن يدوم

هو فى الاول عمل حاجات كتير حلوة محدش يقدر ينكرها
بس هو جه فى الاخر وتقريبا خرف من ساعه ما قعد بيبيع فى البلد عشان الخصخصه ولما جه فى دماغه حكايه توريث ابنه
وغير عشانه الدستور سابله البلد يحكمها بمزاجه
وحاجات تانيه كتير وفعلا ذى ما ربنا قال ان من اولادكم عدو لكم
نورت التوبيك انا اااااااسف ياريس 648554

اقتباس :: والله احنا مشفناشى حاجه حلوه منه
بس من يوم ما اتولدنا ومين راسينا هو مبارك الواحد اخد على كده
ربنا يسامحه ويتولاه برحمته

فعلا احنا الى فضلنا ساكتين لحد ما فكرها عزبته يتصرف فيها ذى ما هو عاوز
شكرا يا نور لمرورك نورتى التوبيك انا اااااااسف ياريس 648554

وربنا يسامحه بقى

{.... ÊﬁÌ⁄ زهرة الجنه ....}

اداريه فضفضه كول · عضو منذ : 01/07/2008

يااااااااااااااااااااااه
انا زعلت عليه زعل
وفضلت ماسكة اعصابى كتير واقولهم فى البيت كده احسن
وانا عارفة ان كده احسن عشان كنت هتتجنن من اللى بيحصل فى البلد يوم الجمعه
بس بعد لما ناموا بكيت عليه كتييييييييييييييييييييييير اوى لدرجة انى ماكنتش عارفة انام من الصداع
بس دلوقتى وبعد اللى عرفته
بقول هو ليه صعب عليا اوى كده
وليه احنا ماصعبناش عليه لما سرق فلوسنا وباع بلدنا
بس رغم كده انا ضد الاهانة وعمرى ماههينه ابدا
ربنا يسامحه بقى
ربنا ذله فى اخر ايامه ومتهيالى مش هيعيش كتير
وانا مش اسف ياريس

{.... ÊﬁÌ⁄ شجن ....}

عضو منذ : 14/03/2011

انا كنت بدعي انهم يستنوا عليه لما يمشي لوحده بسي جتلي رؤيه والله وشوفتو وهوا قاعد ودقنه طويله فى جبل بعيد وعزله اتعودنا عليه الحمد لله على كل شئ ربنا يوفق مصر شكرا لوضوعك يا زهرة

{.... ÊﬁÌ⁄ سلسبيلا ....}

مشرف عام فضفضه كول · عضو منذ : 24/10/2010

سلسبيلا كتب:: انا كنت بدعي انهم يستنوا عليه لما يمشي لوحده بسي جتلي رؤيه والله وشوفتو وهوا قاعد ودقنه طويله فى جبل بعيد وعزله اتعودنا عليه الحمد لله على كل شئ ربنا يوفق مصر شكرا لوضوعك يا زهرة

مكنش ينفع نستنى الحمد لله انه مشى
المهم الوقتى ان مصر تبقى احسن من الاول والاوضاع تستقر
شكرا يا سلسبيل لمرورك
نورتى التوبيك

{.... ÊﬁÌ⁄ زهرة الجنه ....}