تحذير لكل بنت مهم جدا

اداريه فضفضه كول · عضو منذ : 01/07/2008

تحذير لكل بنت مهم جدا:
نظرا لتعدد حالات الاختطاف وفى ظل الظروف الحاليه فى مصر ير......جى عمل الاتى:

1-متركبيش تاكسى لوحدك ابدا ولا الصبح ولا بليل لاى ظرف

2-المكروباصات متركبهاش وتكون فاضيه او كلها رجاله لان حصل اختطاف من مكروباصات وكانت ماشيه فالخط لكن الركاب كانو تبع السواق

3-متمشيش لوحدك فالشوارع الجانبيه سواء الصبح او بليل..وطبعا الشوارع الخاليه من الماره ابعدى عنها تماماااااا

4-رجاء رجاء رجاء مش هقولك عشان خاطر ربنا بس هقولك عشان خاطر نفسك انتى مش حد تانى اتخلى شويه عن اللبس الضيق ...معلش استحملى شويه وتعالى على نفسك الفتره دى

5-البنات اللى بتروح دروس او كورسات بليل حصل حالات اختطاف من هناك ياريت لو ابتدائى او اعدادى او حتى ثانوى حد يوصلها ويروح معاها من اهل بيتها

6-حاجه مهمه جدااا بقى لازم تتعمل..لازم كل واحده تكون حاطه معاها حاجه فشنطتها حمايه ليها (صاعق كهربائى-اسبراى اللى بيتحط فيه الشطه-لو مش عارفه تشتريه اعمليه انتى فالبيت اشترى ازازه برفان بتاعت التركيب من اى محل واعملى انتى المكونات وتكون طبعا حاميه جداا-لو مش عارفه تشترى او تعملى حاجه من الحاجات دى ولو وصل الامر حطى اى اسبريه من الحاجات بتاعت الحشرات والله مش بهزر لان التركيبه بتاعتها مؤثره برده-اى وسيله لازم تبقى معاكى فالشنطه)
وتكونى مستعده فاى وقت وفاى لحظه ومتخافيش محدش هيفتشك ولا هيقولك افتحى شنطتك

7-بالنسبه للتاكسيات تانى متركبيش مع تاكسى ويكون فيه واحده راكبه معاه لانها فالغالب بتكون تبعه

8-الناس اللى بتسافر سواء رجاله او ستات بقى حصل ان بيلاقو عالطريق حد مرمى قدامهم فبينزلو يشوفوه وفجاه يتلاقو ناس طلعت من الجنب ياريت تخلى بالكو كويس اوى

9-اخيرا طبعا النصايح العاديه محدش يقولك شيلى دى او ساعدينى فدى او تعالى
امسكيلى حاجه
الخ الخ الخ

ربنا يحمينا يارب ويحفظكو من اى شر واى سوء
ويحافظ على البنات اجمعين يارب ويصونهم
واللى عنده اى نصيحه تانيه ياريت تقولوها

{.... ÊﬁÌ⁄ شجن ....}

مدير فضفضه كول · عضو منذ : 03/10/2007

ايه ده يعنى النصايح دى للبنات والشباب يروحوا فى داهيه يعنى ولا ايه
عموما ربنا يحفظكم جميعا ونصيحتى الوحيده هى ياريت بلاش سفر خالص لوحدك او خروج باليل نهائى فى الفتره دى
وان شاء الله فتره بسيطه وتعدى على خير
شكرا شجن على الموضوع تحذير لكل بنت مهم جدا 648554

{.... ÊﬁÌ⁄ ابن الاسلام ....}

مشرف عام فضفضه كول · عضو منذ : 24/10/2010

شكرا ياشجن على النصائح فعلا انا سمعت ان فى حالات اختطاف حلصت
لبنات فى المنصورة والاحسن برضه ذى ما حسام قال بلاش خروج خالص اليومين دول
وان شاء الله الوضع يتحسن فى اقرب وقت

{.... ÊﬁÌ⁄ زهرة الجنه ....}

اداريه فضفضه كول · عضو منذ : 01/07/2008

عمرى مااتمنيت انى مااكنش بنت قد دلوقتى
ربنا يعدى الفترة دى على خير
انا اقل حاجة اوصف بيها احساسى هى انى مرعوبة
وهفضل ماروحش الكلية لحد امتى
كده الترم هيضيع منى خالص

{.... ÊﬁÌ⁄ شجن ....}

مشرف عام فضفضه كول · عضو منذ : 24/10/2010

شجن كتب:: عمرى مااتمنيت انى مااكنش بنت قد دلوقتى
ربنا يعدى الفترة دى على خير
انا اقل حاجة اوصف بيها احساسى هى انى مرعوبة
وهفضل ماروحش الكلية لحد امتى
كده الترم هيضيع منى خالص

ان شاء الله خير ياشجن متقلقيش
اكيد فى كتير زيك مش هيروحو وهما هيراعو الظروف دى
وبعدين الترم ده مش باين له ملامح ممكن لو الوضع فضل كده
يأجل الدراسه فى كل الجامعات

{.... ÊﬁÌ⁄ زهرة الجنه ....}

اداريه فضفضه كول · عضو منذ : 01/07/2008

ياريت تتاجل يانور
وانا متنازلة عن اجازة اخر السنة مش عايزاها
يكملوا الترم فيها وخلاص
المهم نعيش فى امان

{.... ÊﬁÌ⁄ شجن ....}

مشرف عام فضفضه كول · عضو منذ : 24/10/2010

ان شاء الله هتتاجل
واكيد هنصعب عليهم وينجحونا فى التيرم التانى
ياما هنعمل لهم مظاهرة فى ميدان التحرير
بس بلاش تتنازلى عن اجازة اخر السنه
دى هيه الامل الوحيد الى فاضل الاجازة دى كلها ضاعت واحنا محبوسين فى البيت
تحذير لكل بنت مهم جدا 983301

{.... ÊﬁÌ⁄ زهرة الجنه ....}

اداريه فضفضه كول · عضو منذ : 01/07/2008

هههههههههههههههههههههه
على فكرة اجازة اخر السنة دى اخر اجازة ليا فى الكلية
بعد كده مافيش اجازت خلاص
دراسة على طول
يعنى محتاجها اكتر منك كمان
بس هنعمل ايه بقى فى الظروف المنيلة دى

{.... ÊﬁÌ⁄ شجن ....}

مشرف عام فضفضه كول · عضو منذ : 17/09/2008

ميرسي ياشجن جدا ع النصايح بجد
بس نعمل ايه غصب عننا الدروس بتبقا بليل
ربنا يستـــــــــــــــر
ويعدى الايام دى على خير

{.... ÊﬁÌ⁄ rere ....}

عضو منذ : 27/11/2010

اقتباس :: ايه ده يعنى النصايح دى للبنات والشباب يروحوا فى داهيه يعنى ولا ايه
عموما ربنا يحفظكم جميعا ونصيحتى الوحيده هى ياريت بلاش سفر خالص لوحدك او خروج باليل نهائى فى الفتره دى
وان شاء الله فتره بسيطه وتعدى على خير
شكرا شجن على الموضوع

على فكرة يا مدير الفريق بتاعك شكلو واخد فكرة وحشة اوى اوى اوى عن الشباب

والله فيه ناس بتخاف على نفسها بردوا يا جماعة

اعملنا انت موضوع يا حسااااااااااام ^^

بس اوعى تسألنى هتقول فيه ايه هههههههههههههههههههه

{.... ÊﬁÌ⁄ يوجى ....}

عضو منذ : 14/03/2011

موضوعك جميل يا شجن
ربنا يحفظكم جميعا
الخوف هنا مش بره بس كمان في البيت
في احد البيوت في منطقه مظلمه وغير مكتظه بالسكان جت واحده وخبطت على الباب الضهر وقالت للست عايزة حاجه لله
دخلت تجيب ليها طبعا الغريبه دخلت وراها وضربتها واخدت السلسله اللى معاها وجريت والحمد لله انها مش قتلتها
وكتير زي الحادثه دي بيحصل
شكرا

{.... ÊﬁÌ⁄ سلسبيلا ....}