الفرق بين هنا وهناك

عضو منذ : 14/03/2011

الفرق بين هنا وهناك
هنا الشوارع جميله ونضيفه وكل يوم الصبح تتكنس وانت ماشي مش ممكن تلاقي ورقه كل الشوارع زي بعض في النضافه مش هنقول دا شارع وزير او غفير

اما هناك يا عيني عالصورة اللي تكسف شوف قدام بيت ام سمير هتلاقي الشارع مليان عزرا حاجات حمير ولا الورق والاكياس سيبك من ده شوف الاساس
عند اول البلد هتلاقي صندوق كبيير مليان ورق ومخلفات والحشرات ملمومه عليه والحيوانات بتقطع فيه واللي بيرمي زباله جمبيها ولا حد بيزيح اللي فيه

هنا الشوارع ملهاش صوت كلو هدوء في هدوء ممنوع استعمال البوق او تنادي بصوت عالي على طول يتقدم فيك شكوى
ياسلام لو ماشى ومن غير قصدك خبط او جرحت سياره مش تقدر تتحرك ولا لحظه اصل الشرطه بسرعه جايه وعلى طول تدفع غرامه متين او خمسميه حسب الاضرار المعنيه

هناك يا حرام السيارات فوق بعضيها والابواق بتدور حواليها يا سلام لو معديه زفه اكيد هيجيلك طرشه
غير لما تكون سريعه واتدوس على حد وتمشي والمرور ولا حاسس بيها

هنا الشوارع تصدق مفيش ولا حيوان لا قطه ولا كلب ولا حصان كل واحد ليه مكانو لاحد يهوهو عليك ولاا حد يلحس فيك
تصدق بيهتمو بيهم وايحموهم وايعالجوهم النظافه من الايمان

هنا المدارس رائعه والبنات شكلها جميل والفصول منظمه والاعداد صغيره عشان الكل يستوعب ويشترك والمدرس منتبه وبيسال الجميع
لو في اي تقصير بيتصل دايما باولياء الامور وفي مسابقات بتتعمل والجوايز للشاطرين

طبعا هناك المدارس متدهورة والعيال متبعثرة والفصول فيها تلاتين اربعين خمسين ومفيش اهتمام بالطالب ولا في متابعه مع اولياء الامور

نفسي يكون مفيش فرق ما بين الاتنين
نفسي اقول هنا زي هناك
ايه السبب ؟؟
يارب بكرة تبقى هناك زي هنا
شكرا

{.... ÊﬁÌ⁄ سلسبيلا ....}

مشرف عام فضفضه كول · عضو منذ : 24/10/2010

عندك حق يا سلسبيل
انا كمان عاوزة اعرف ايه الفرق بين هنا وهناك
يمكن عشان احنا كنا مش بنحب بلدنا بجد لان اكيد لو بنحبها مش هنرمى زباله فى الشارع
وهنطورها دايما ومكناش هنسبها للى ينهبو فيها ويسرقو خيرها
واكيد ان شاء الله كل ده هيتغير عشان احنا الوقتى بنحب بلدنا بجد
ومش هنسمح لحد تانى يخربها ولا يسرق خيرها
وهيبقى هنا احسن كتير من هناك
شكرا يا سلسبيل على التوبيك

ينقل للقسم المناسب

{.... ÊﬁÌ⁄ زهرة الجنه ....}

عضو منذ : 14/03/2011

جزاكم الله خيرا
سعدت جدا
لمشاركتك وردك الجميل
الفرق بين هنا وهناك 151939

{.... ÊﬁÌ⁄ سلسبيلا ....}