موضوع النقاش الاسبوعى:الوحده .. ماذا تعنى لك؟

مدير فضفضه كول · عضو منذ : 03/10/2007

بسم الله الرحمن الرحيم
السلام عليكم ورحمه الله وبركاته
موضوع النقاش الاسبوعى:الوحده .. ماذا تعنى لك؟ 111

بعتذر انى معتش بقدم مواضييع نقاش زى الاول لانى معتش بقدر الاقى افكار
لكن خطر ببالى موضوع شغلنى وحبيت نتكلم فيه
موضوع النقاش الاسبوعى:الوحده .. ماذا تعنى لك؟ 111

الوحده الى اكيد موجوده فى حياه كل واحد فينا بس بشكل مختلف عن التانى

منا الى بيحس انه وحيد فى حياته كلها
مفيش حد جنبه او معاه ومش لاقى الى يساعده ويعينه على مشاكله ومصاعب حياته
ومنا الى بيحس بالوحده فى احاسيسه ومشاعره
لما يحس ان مفيش حد مقدر ال جواه والى بيحس بيه رغم ان حواليه ناس كتير
ومنا الى بيحسها فى فكره وعقليته
وان مفيش حد فاهم فكره او مفيش حد عارف يفهم شخصيه
موضوع النقاش الاسبوعى:الوحده .. ماذا تعنى لك؟ 111

فى بعض الاحيان بيكون حوالينا ناس كتير ورغم ذلك حاسين اننا بينهم لوحدنا
بل فى بعض الاحيان رغم وجود الناس الكتير دول حوالينا بنحس اننا مفتقدين الامان فى حياتنا اكننا عايشين فى عراء لوحدنا
غالبا بيكون فرحنا لوحدنا
حزننا لوحدنا
بكائنا
ضحكنا
وحجات كتير بنعشها مع نفسنا ومش بنحب حد يشاركنا فيها

ممكن يبقى جوانا احساس معين ونظهر عكسه علشان نكتمه جوانا ونحتفظ بيه لينا لوحدنا
ودا فى حد ذاته وحده
موضوع النقاش الاسبوعى:الوحده .. ماذا تعنى لك؟ 111

ياترى عمركم حسيتم بأحساس الوحده ده؟
حسيتوه ازاى وامتى ومع مين؟
وبتعملوا ايه لما تحسوا انكم لوحدكم وايه الى بيخفف عنكم؟

منتظر ارائكم فى الموضوع

موضوع النقاش الاسبوعى:الوحده .. ماذا تعنى لك؟ 111

{.... ÊﬁÌ⁄ ابن الاسلام ....}

عضو منذ : 14/03/2011

فعلا كلمات جميله مش عارفه ليه حاسه اني كل ده عندي
انا في بيت في اطفال وزوج لكن بحس بالوحده مفيش خروج غير في المواسم والاعياد او حد ولد او حد مات
مش عندي جيران مصريين
وبيني وبينكم مليش في مصاحبة الاجناس الاخرى منعا للمشاكل
الزوج دايما في الشغل من الصبح لعند بالليل لذلك انا نفس الكلام الموجود في الجزء التاني
الوحده في الاحاسيس والمشاعر بحس ان مفيش تقدير من حبي رغم انه جنبي
بعمل ايه لما احس بيها اوقات ببكي واوقات بقرا قران
جزاكم الله خيرا

{.... ÊﬁÌ⁄ سلسبيلا ....}

اداريه فضفضه كول · عضو منذ : 01/07/2008

اقتباس :: ياترى عمركم حسيتم بأحساس الوحده ده؟

يااااااااه كتير اوى اوى

اقتباس :: حسيتوه ازاى وامتى ومع مين؟

يمكن دلوقتى قل كتير اوى عن الاول
خصوصا بعد لما دخلت جامعه لان حلقة اصذقائى وسعت ولقيت ناس قريبن منى وممكن يفهمونى فى حاجات كتير
لكن قبل كده ماكنتش بتكلم مح حد خاااااااااالص مع اصحابى فى اى حاجة غير الدروس والدراسة والكلام ده
حتى لما تكون حاجة مزعلانى ماكنتش بقول لحد حاجة لان ببساطة اللى قدامك اساسا مايهموش الكلام ده
يمكن عشان كنا لسه صغيرين
لما كنت بروح احكى لماما على صحابى وانهم زى الاطفال وعمرهم ماهيكبروا فى طريقة تعاملنا مع بعض
كانت بتقولى يابنتى هما لسه صغيرين بلاش تقفشى على كل حاجة كده
كان الكلام ده بيصبرنى شوية لكن برضو ماكنتش مقتنعه بيه
ودلوقتى والله لسه برضو الاحساس ده ماانتهاش تماما
واحيايا بحس بيه مع صحابى لكن برضو مش زى الاول خااااااااااااالص

اقتباس :: وبتعملوا ايه لما تحسوا انكم لوحدكم وايه الى بيخفف عنكم؟

مابعملش حاجة
بس بقعد لوحدى وببعد عن كل الناس وغالبا بناااااااااااااااااااااااام
واوقات بسمع قران وبرتاح اوى بعدها وبرضو لازم انام

{.... ÊﬁÌ⁄ شجن ....}

عضو منذ : 16/04/2011

انا وحيدة بعالمي
انا وحيدة بين عائلتي
انا وحيدة مع زوجي وأولادي

لا حول ولاقوة إالا بالله

أنا على طول حاسة بالوحدة من وقت ماكنت صغيرة مدايقة كتييييييييييييييييييييييييير

{.... ÊﬁÌ⁄ sotas ....}

مشرف عام فضفضه كول · عضو منذ : 24/10/2010

موضوع جميل جدا يا حسام
الوحده كلمه صعبه جدا تتحس اكتر ما يتكتب عنها
وموجوده فى حياه كل واحد فينا ذى مانت قلت بالنسبالى

اقتباس :: فى بعض الاحيان بيكون حوالينا ناس كتير ورغم ذلك حاسين اننا بينهم لوحدنا
بل فى بعض الاحيان رغم وجود الناس الكتير دول حوالينا بنحس اننا مفتقدين الامان فى حياتنا اكننا عايشين فى عراء لوحدنا
غالبا بيكون فرحنا لوحدنا
حزننا لوحدنا
بكائنا
ضحكنا
وحجات كتير بنعشها مع نفسنا ومش بنحب حد يشاركنا فيها

ممكن يبقى جوانا احساس معين ونظهر عكسه علشان نكتمه جوانا ونحتفظ بيه لينا لوحدنا
ودا فى حد ذاته وحده

دى اكتر حاجه بيتهيألى تضايق انك يبقى حواليك ناس كتير وبرضه حاسس انك لوحدك
محدش بيشركك حزنك ولا فرحك دايما مخليهم حاجه خاصه بيك
لانى دايما ببقى متأكده انى لى حكيت لحد مش هيقدر ولا هيفهم قصدى اليه
مش عارفه العيب عندى ولا عند الناس

ياترى عمركم حسيتم بأحساس الوحده ده؟
كتير قوى وبالذات الايام الى فاتت كانت تقريبا اكتر ايام صعبه فى حياتى

وبتعملوا ايه لما تحسوا انكم لوحدكم وايه الى بيخفف عنكم؟
مش بعمل حاجه يمكن ادخل قوضتى واقعد لوحدى شويه وخلاص

{.... ÊﬁÌ⁄ زهرة الجنه ....}

مدير فضفضه كول · عضو منذ : 03/10/2007

شكرا ليكم سلسبيلا وشجن وسوتاس وزهره الجنه على مروركم وردودكم

الى فهمته من كلامكم كلكم ان الوحده بمعناها العام محدش فيكم عايشها
يعنى محدش عايش لوحده من غير حد
بس المشكله ان كلنا بنبقى مستنين شخص بعينه يكون جنبنا
شخص واحد بس ومينفعش اى حد غيره يكون مكانه
ممكن يكون شخص بعينه زى اخ او اب او زوج او حتى بصفته زى حبيب او صديق مقرب
وساعات بنكون حد مش عارفين صفته او شخصه المهم انه يكون بيفهمنا ويريحنا وخلاص
مهما كان حوالينا من ناس مش ممكن يعوضونا عن الشخص الى محتاجينله ده حتى لو مكناش عارفينه
بدأت احس ان ده حاجه زى المرض النفسى الى ملوش علاج
الحلو الى قولتوا عليها كلكم دى حلول مؤقته لكن مش حل للامر
الظاهر ان الى بيعيش حاجه زى دى بعد فتره بتتأصل فيه وبتكبر جواه ومش بتبعد عنه تانى
Rolling Eyes

{.... ÊﬁÌ⁄ ابن الاسلام ....}

مشرف عام فضفضه كول · عضو منذ : 24/10/2010

ابن الاسلام كتب:: الى فهمته من كلامكم كلكم ان الوحده بمعناها العام محدش فيكم عايشها
يعنى محدش عايش لوحده من غير حد
بس المشكله ان كلنا بنبقى مستنين شخص بعينه يكون جنبنا
شخص واحد بس ومينفعش اى حد غيره يكون مكانه
ممكن يكون شخص بعينه زى اخ او اب او زوج او حتى بصفته زى حبيب او صديق مقرب
وساعات بنكون حد مش عارفين صفته او شخصه المهم انه يكون بيفهمنا ويريحنا وخلاص
مهما كان حوالينا من ناس مش ممكن يعوضونا عن الشخص الى محتاجينله ده حتى لو مكناش عارفينه

عندك حق يا حسام بس ده لان الناس الى حواليك مش بيهتموا اصلا ان كنت زعلان ولا فرحان
او مش بيقدروا الاحساس الى جواك
او فى ناس تانيه بتفضل انها تعيش لوحدها احاسسها جواها حتى لو كان الشخص الى انت بتتكلم عنه موجود
وده بيبقى قله من قله ثقته فى الناس او خوف انه يتكلم مع حد مهما كان

اقتباس :: بدأت احس ان ده حاجه زى المرض النفسى الى ملوش علاج
الحلو الى قولتوا عليها كلكم دى حلول مؤقته لكن مش حل للامر
الظاهر ان الى بيعيش حاجه زى دى بعد فتره بتتأصل فيه وبتكبر جواه ومش بتبعد عنه تانى

دى مش حلول الوحده دى ملهاش حلول غير لو كان الشخص نفسه
معندوش الرغبه انه يبقى لوحده
الحمد لله انها طلعت مرض نفسى يعنى مفيش امل

{.... ÊﬁÌ⁄ زهرة الجنه ....}