سنه فاتت علينا

عضو منذ : 14/09/2008

كل عام وانت بخير في العام الجديد
انا شفت القسم الجديد قلت ابدأ فيه انا
بموضوع جديد شويه
سنه فاتت
من سنه فاتت كان شباب الثوره بيجهزو للثوره وكانو علي استعداد تمام للقيام بهذه الثوره
وكان النظام الفاسد السابق عنده علم يقين بقيام ثوره ولكنه كان لم يتوقع حدوثها هكذا ولم يتوقع قدره الثوره المصريه علي اسقاط النظام الفاسد وبالفعل اسقط النظام واسقط الرئيس
ووضع كل من افسد البلد في السجن
صحيح لسه مشفناش اي حكم علي اي حد ولكنهم يكفينا ان نراهم في السجون ويسمي متهم
لو صبرنا شويه علي مبارك كده كده هيموت
لكن اولاد مبارك لازم يتعاقبو اشد العقاب لما حدث في البلد
مش هضحك عليكو انا اول مالثوره قامت كنت ضد الثوره تمام ولكن بمرور اول اربع ايام او تلت ايام
حسيت ان عاوز انزل معاهم
انا اتمنعت منقبل اهلي ولكن حالفني الحظ ان انزل يومان فقط لارض التحرير فرايت المسلمين والمسيحين يد واحده
ولا فرق بين ابيض واسود ولا مسلم ولا مسيحي لكني رايتهم مصرين
ونجحت الثوره والحمد لله
كن من المؤسف ان يستغل الثوره من لم يشارك فيها
وقد راينا عدد من الاضرابات اتوقع اننا اول واخر بلد فعلنا ذلك
اللي كان نايم في بيته وضد الثوره وبيقول دول شويه عيال ولا شويه بلطجيه اللي في التحرير طلع وقال احنا بتوع الثوره وعمل اضرابات وادي ذلك الي تدهو احوال البلد الاقتصاديه
ولو نظرنا قليلا في المواصلات او الشوارع وسالت اي حد
يقولك الثوره عملتنلنا ايه دي خربت البلد
ولو سالته شغال ايه تلاقيه موظف مقدرشي اقول عليه محترم لان المفروض لو محترم يحترم الناس اللي بشسببهم طلع عمل اضراب وخد الحافز اللي هو 200 في الميه
طيب تعالو نبوص للشباب مين اشتغل منهم منلاقيش حد اشتغل زياده عاللي كان شغال
يعني نلاقي بس اللي كان شغال اتثبت وكده لكن في جديد ؟؟؟؟
للاسف مفيش جديد
وعدت الايام وراينا بلجيه جديده في البلد وعشان مصر ربنا هو الي حميها وعشان اهلها الطيبين ربنا حمي البلد دي رغم اللي حصل فيها
جينا شويه وقلنا انتخابات وفكره النتخابات
لقينا اللي كانو يد واحده اصبحو شبه اعداء ومش اقدر اقول منافسين لانهم بالفعل كانو مش منافسين كانو حاجه وحشه
لما نلاقي حاجه اسمها االخوان
وحاجه اسمها السلفيين
وحاجه اسمها الكتله المصريه
وحاجه اسمها الوسط
وغيرها وغيرها
كان نفسي نفضل ايد واحده
وكان نفسي نخاف عالبلد
والاغرب من ذلك اننا مش عارفين مين وراء كل حدث عقب الانتخابات
يعني بعد اول مرحله من الانتخابات شفنا احداث شارع محمد محمود والمجازر البشريه مش هقول منالجيش لكنها منالطرفين
ومش هقول ثوار عشان الثوار روحو بيوتهم لكن البلطجيه واطفال الشوارع بتبتدي وتسيب الثوار تكمل
وعدت علي خير والحمد لله
نيجي بعد شويه والمرحله التانيه من الانتخابات نلاقي احداث مجلس الوزراء
وكل طائفه تتهم الاخري
ياتري المرحله التالته ايه هيكون بعدها ربنا يستر
بس الحمد لله كان كل ده بيعدي علي خير رغم الخسائر الفادحه اللي كنا بنشوفها
وكان يوم جديد يوم راس السنه بالتحرير عند توافد الالاف للمشاركه في الاحتفال
الكبير ده
اكيد حد هينتقضني ويقول ده مش عيدنا نحتفل ليه
لا احنا بنحتفل عشان نبين للعالم كله اننا ايد واحد واننا مصرين بنحب بعض وبنخاف علي بعض
فاتمني ان تعود روح ميدان التحرير مره اخري ولا يعود ايام التحرير الروح فقط التي نريدها
والشباب اللي بيقولو عاوزين يعملو ثوره يوم 25 الجاي ماشي طب لو عملنا ثوره واسقطنا الجيش هيسلم السلطه لمين وعيب اوي لو مشي بالطريقه ي هو اللي حافظ علي امن البلد الفتره اللي فاتت
فلازم نعترفله بالجميل
والناس اللي بتقول حق الشهداء
دول علي عيني وعلي راسي لكن لازم نفتكر ان زي ماكان في شهداء منالثوار في برضه شهداء من المجلس العسكري والدداخليه
ياريت زي مابنفتكر دول نفتكر دول
ولو طلع حد يتكلم عنهم يقولو دول فلول
مفيش حاجه اسمها
فلول ولا اخوان ولا سلفين ولا اي حاجه ولا مسلم ولا مسيحي
لازم نقول اننا مصرين
وفي النهايه اعتزر عن الاطاله ولكن بجد لقيت نفسي بكتب كلمات او كلام يمكن مش منسق بس حسيت انه طالع من قلبي
وفي النهايه اتمني لمصر ان تتعيش في امن وامان
وان يتعايش اهلها مع بعضهمالبعض ويحبو بعض ويخافو علي بعض
واتمني من الشرطه ان تعود قويه
وشكرا

{.... ÊﬁÌ⁄ elavokato ....}