أمك ولا رحاب يا طه؟؟؟؟؟؟

عضو منذ : 13/06/2008

انا طبعا مقصدتش رحاب ولا طه وامه
اقصدك انت او انتى وانتيمك اللدود
لو انت ليك انتيم هو كل حياتك وروحك مش شرط يكون صاحبك ممكن يكون اخوك او اختك متعودين تشوفوا بعض يوميا 4\5\6 ساعات ع الاقل بتحلموا سوا بتشكوا لبعض بتفضفضوا لبعض سرك معاه وانت سره بتعينوا بعض ع الخير وتواجهوا الشر سوا ف ليلة كل عيد تسهروا وكل فرح تجتمعوا وكأنكوا وجهان لعمله واحده جديدك جديده وفرحك فرحه وحزنك حزنه
وفجأأأأأأأأأأاااه
يتحقق حلم الارتباط اللى حلمتوا بيه سوا ليه اكيد انت هتكون فى قمة السعاده عشان هو مبسوط وف نفس الوقت هتحس ان روحك راحت تحيى جسد غيرك هتلاقى سرك وقع ف بير تانى والحب الميه ف الميه ماتطولش منه غير خمسين بس واكيد هيجى يوم ويبقيه عليك هيفتكره وينساك وبعد مكنت انت الاول هتبقى التانى ف اللسته وساعتها صدقنى هتحس بأحساس غبى اوى وهتبقى انت مجرد شخص مجرد انه بيعزه وتكون ذكرى ذكرى ذكرى هو اه مش هيكرهك بس مش هتاخد كل حبه واهتمامه زى الاول وده كفايه قوى
ياترى دى سنة الحياه ولا انت ليك حق عليه انه مايقلش حبه ليك واهتمامه بيك عن الاول ؟؟؟؟؟؟
ياترى ازعل منه واقف ع الواحده ؟؟؟؟؟؟
ولا ياترى اصارحه واواجهه وساعتها ممكن اسمع رد ما يعجبنيش؟؟؟؟؟؟؟؟
ولا اسيبه واستعوض ربنا فيه وادعيلو بالخيروخلاص؟؟؟؟؟
بجد مش عارفه
بجد نفسى اسمع ردودكواااااااااا I love you

{.... ÊﬁÌ⁄ yoyo ....}

عضو منذ : 04/01/2008

شكرا ليكى على الموضوع لكن فعلا
هى دى سنة الحياة بجد وده هيكون غصب عنك ومش هتقدرى تعملى حاجه لكن اللى تقدرى تعمليه فعلا إنك تكونى إنتى أقرب من نفسه لنفسه او من غيرك لنفسه
وده سهل عليكى جدا وساعتها هتكونوا لبعض زى ماكنتم او على الاقل مش هيكون فى بعد المهم غنتى ماتتخليش عن إنك تكونى قريبه منه

{.... ÊﬁÌ⁄ ك احمد زينهم ....}

مدير فضفضه كول · عضو منذ : 03/10/2007

فهمت الموقف

ههههههههههههههههههه

بس هقولك على حاجه

هى دى فعلا سنه الحياه

من حقك تزعلى وتتألمى و و و ..

بس مش هينفع انك تصارحيه

لانك لو صارحتيه الموضوع هيتفهم غلط

هيتفهم انه غيره او حتى ممكن يتفهم على انه حقد

لان الناس ديما بتفكر فى الاسوء مش فى الصح

وفى نفس الوقت حرام انك تضيعى عشره سنين وتسيبيه

لانك حتى لو سبتيه ممكن برده الموضوع يتفهم غلط

يبقى احسن حاجه تسيبى الامور لله وتمشيها وخلاص

وكمان تدعيله ان ربنا يوفقه للى فيه الخير

ومن نحيتك المفروض متبينيش اى فرق فى المعامله او التصرفات

لكن من جواكى لازم تقلل مقدار التعلق والارتباط بالشخص دا

يعنى الموضوع يبقى عادى بالنسبالك

عموما الايام بتنسى كل حاجه

والكلام دا عن تجربه لان الموضوع دا حصلى مع ناس كتير ومنهم اهلى

احسن حاجه ان الواحد يسكت ويطنش

ونسيبها لله

وشكرا جدا على موضوعك

**************

ينقل لقسم النقاش والحوار.......

{.... ÊﬁÌ⁄ ابن الاسلام ....}

عضو منذ : 25/06/2008

شكرا ليكى يا يويو على موضوعك بجد كويس انك اتكلمتى فيه بصى هى دى سنة الحياه ودايما بتحصل بس لو انتيمك بيحبك بجد اكيد مش هيكون قاصد كده وانا شايفه انك تصارحيه وهو اكيد هيقدر ده وممكن هو كمان يكون حاسس انه مقصر فى حقك بس مفيش حاجه بايده ولو انتم اصحاب بجد اكيد هتتاكدى انه لسه بيحبك ولسه برضه حلمه معاكى وانت لسه سره وانه مهما حب غيرك او ارتبط عاطفيا بشخص هتفضلى برضه روحه اللى ميقدرش يبعد عنها واكيد انت عارفه ان الصاحب حاجه والحبيب ده حاجه تانيه وان صاحبك عمره مايقدر يستغنى عنك ولا عن حبيبه .دارايى وانا بتكلم عن تجربه لان الموقف ده حاصل معايا بس انا متاكده ان انتيمتى بتحبنى اوى وانا كمان بموت فيها ومقدرش ابعد عنها ولا اخليها التانيه ف السته عشان مهما حصل ومهما بعدنا ماناش غير بعض

{.... ÊﬁÌ⁄ vergenia ....}

عضو منذ : 26/10/2007

اولا بشكرك على الموضوع يايويو
ثانيا الموضوع اللى انتى بتتكلمى فيه ده من وجهه نظرى انا
ان الواحده مجرد انها ترتبط لازم مسار حياتها يتغير بالكامل
من ناحيه اصحابها ويكون هو الاول والاخير بالنسبالها لان الانتيم او الصاحب ده مجرد وقت واكيد كله بعد كده بيشوف نفسه ومصالحه
يعنى مثلا انتى بتقولى على انكم بتقولوا همكم لبعض ماشى
انتى او انتيمك اللى ارتبط مثلا لما بتحكوا لبعض همومك اكيد بتتاثروا فى وقتها لكن بعد ما بتسيبوا بعض اكيد كل واحد بيفكر فى نفسه ومش بيشيل هم التانى انما الحبيب لما بيسمع هم حبيبه بيفضل متأثر بيه حتى بعد ما يسيبه اللى هى على الاقل فتره النوم وبيزعل لزعله
وبعدين لازم اى حد يبقى التانى فى اللسته بعد الحبيب
لانك مسيرك هتجربى وهتبيعى كل الناس علشان حبيبك ومش هتفكرى فى حد غير انك ترضيه وتخافى على زعله
واكيد زى ما انتى عارفه يايويو ان حلم كل بنت انها ترتبط بالانسان اللى هى بتحلم بيه واللى هترتاح معاه
وكده يعنى فلما تيجى اللحظه دى لازم تديله كل اهتمامها
واكيد طبعا الواحده لما بترتبط او الواحد لما بيرتبط
بيبقى الوقت اللى بيقضيه مع حبيبه بكل اصحابه اللى عرفهم وخصوصا اذا كان الحبيب ده يستاهل

وبعدين انا عندى تعليق على رد حسام
انت بتقول ان لو فاتحه فى الموضوع ده ممكن يتفهم غلط
على اساس انه غيره او حقد او كده
ده عمره ما يكون احساس بالغيره بين اتنين المفروض انهم كانوا بيحبوا بعض وواكلين عيش وملح سوا
وفى عشره مابينهم وبعدين انا عندى مسمى احسن ليها مش هيبقى حقد او غيره او كده
هيبقى اسمه احساس بالنقص
لان الصاحب اللى يحس بكده من ناحيه صاحبه يبقى عمره ما كان يستاهل صداقته
وشكرا ليكى يايويو على الموضوع وانا اسف انى طولت عليكى

{.... ÊﬁÌ⁄ tayson ....}

عضو منذ : 13/06/2008

اولا :بشكركوا جدااااااااااا على ردودكوا بجد جامده
ثانيا:انا والله ياكابتن احمد بحاول اكون قريبه ع الاخر على اد ما بقدر وكل ما احول ابعد ما اقدرش
ثالثا:شكرا ياحسام على رأيك وشكلك فقستنى هههههههههههههههه
رابعا والاهم:ان انا فععلا يا فيرجى متأكده من حبى ليها وبموووووووووووووووووووت فيها ومابطأش حد يزعلها وبخاف عليها موت بس اللى انا مش متأكده منه حبها ليه زى الاول
خامسا والاخيره:ياتايسون ياتايسون اتق الله رأيك ممكن يكون صح بس فيه شيىء من الانانيه

{.... ÊﬁÌ⁄ yoyo ....}

عضو منذ : 26/10/2007

انانى انانى بس هو الصح
ومتهربيش من الحقيقه لان مسيرك هيحصلك كده وابقى تعاى قوليلى
وهفكرك يابنتى دى سنه الحياه
وحقيقه محدش هيقدر يغيرها مهما يعمل

{.... ÊﬁÌ⁄ tayson ....}

مدير فضفضه كول · عضو منذ : 03/10/2007

اقتباس :: وبعدين انا عندى تعليق على رد حسام
انت بتقول ان لو فاتحه فى الموضوع ده ممكن يتفهم غلط
على اساس انه غيره او حقد او كده
ده عمره ما يكون احساس بالغيره بين اتنين المفروض انهم كانوا بيحبوا بعض وواكلين عيش وملح سوا
وفى عشره مابينهم وبعدين انا عندى مسمى احسن ليها مش هيبقى حقد او غيره او كده
هيبقى اسمه احساس بالنقص
لان الصاحب اللى يحس بكده من ناحيه صاحبه يبقى عمره ما كان يستاهل صداقته

صدقنى يا تايسون
اقرأ ردك كويس وشوف
هتلاقى كلامك معملش حاجه غير انه اكد كلامى
وبصراحه خلانى اقتنع بيه اكتر

اقتباس :: بس مش هينفع انك تصارحيه
لانك لو صارحتيه الموضوع هيتفهم غلط
هيتفهم انه غيره او حتى ممكن يتفهم على انه حقد
لان الناس ديما بتفكر فى الاسوء مش فى الصح

دا الى انا قولتله فوق وهو دا الصح
Surprised

{.... ÊﬁÌ⁄ ابن الاسلام ....}

عضو منذ : 26/10/2007

انا مش بأكد كلامك ياحسام انا بنقده بس لانه رأى غلط
بس دى فى الاول والاخر وجهه نظرك الشخصيه

{.... ÊﬁÌ⁄ tayson ....}

عضو منذ : 13/06/2008

اناعارفه ان دى سنة الحياه
بس انا مبهربش م الواقع ولا حاجه انا بس مش متخيله ان دى ممكن تكون النهاااااايه
بس اللى انا عارفاه ومتأكده منه ان الناس مش كلها بتفكر م المنطلق ده
فى ناس كتير بتبقى على اللى بتحبهم

{.... ÊﬁÌ⁄ yoyo ....}

عضو منذ : 26/10/2007

اقتباس :: بس مش متخيله ان دى ممكن تكون النهاااااايه
بس اللى انا عارفاه ومتأكده منه ان الناس مش كلها بتفكر م المنطلق ده
فى ناس كتير بتبقى على اللى بتحبهم

انتى محسسانى انها صحبتك دى باعتك فى سوق حلب ولا حاجه
هى كل المشكله انه بيبقى فى شريك جديد ليكى فى قلبها
لكن انتى بتفضلى حبيبتها وكل حاجه بس هى المشكله ان الحب الجديد اللى جه ده
حاجه جديده بالنسبالها ومبسوطه بيها زى ماهى مبسوطه بعلاقتها بصحبتها واختها وحبيبتها اللى بتتمنالها الخير ولا ايه مش انتى بتتمنيلها الخير برضه
على العموم انا هسكت خالص ومش هتكلم بعد كده لحد ما انتى تجربى وتيجى تقوليلى تصدق ياواد ياتايسون انت كان عندك حق

{.... ÊﬁÌ⁄ tayson ....}